DANIEL 4:34 - ALLAH NIHYET MEM TUNGWATU NYA

³⁴ Mpe dino nijam ari bingwam muhwindacan ngwig leu lene dikon dibou biditou kep mpia-bbed him leu api dingon tungwatu hanyen bu. Gima rino dinggei sut Allah Di Ninyeng Jei Bibor. Dikon No di niyaijo bijo ninno bijo kikau ninyeng. Allah nok nibou ndig bijo ninno bijo kikau. Ninyeng tak kepti ug hon nohonti bi sren.

DANIEL 4:34 ပူးပေါင်းရင်းမြစ်များ

SAMUEL GI NICAN 22:31

tuhan nibon munti nya kei bibor kei. Nyeni iba ingon com Nide nipreu eisi nya cem. Noni dem kep mun di ibipukep ser tibor ninggwenti nya mem yo di igya coi Noni yahagom.

NIBOHON MBEN ISRAEL GI NIGOM 29:10

Mpe dima lene Nibou Ndig Daud kon tuhan ninyeng ei yo di imang bibor dima yoho bei bipai “tuhan Allah di nyeni nidigai Yakub kuk no bak e, dinggei sut anyeng bijo ninno bijo kikau.

NIBOHON MBEN ISRAEL GI NIGOM 29:13

Nyende Allah e, nipai sigyo nindig bibor biNani binikon anyeng di jei bibor cem.

AYUB 1:21

lene pai “Tirigi dipmem gwam tut da ne dehei he. Mpe dino dimai lene midehei he. tuhan yai bida leu api Noni yai hagom bingwig hanyen leu da tu. Handei kon ba, tungwatu nya inggei sut ninyenga!”

MAZMUR 10:16

tuhan ninyeng tak kep limwa nya bijo ninno bijo kikau. Ngkiai nya di ikan tut Noni bi nya misar bingwig leu Nide dihyei a.

MAZMUR 102:24

tuhan dahat ditde nisindemti ei mpe di po dipilei yo bibindei ba, ditde njap cun.

MAZMUR 107:15

Suar ipai sigyo hanyen bak tuhan tut ningon ngakei yokti di ug hon nohonti bi sren kin mindur nya di Noni bon mem yok cem.

MAZMUR 107:22

Suar iba midut nibipai sigyo bikuk yok bak Noni bitri tut niyai munti nya hagom tug hon doia di iba ningon llei bibor bipai.

MAZMUR 107:31

Suar yoni ipai sigyo hanyen bak tuhan tut ningon ngakei yokti di ug hon nohonti bi sren kin mindur nya di Noni bon mem yoni cem.

MAZMUR 107:8

Suar yoni ipai sigyo hanyen bak tuhan tut ningon ngakei yokti di ug hon nohonti bi sren kin mindur nya di Noni bon mem yoni cem.

MAZMUR 111:7

tuhan ba ningon gom kin ningon sren-srausi biyai nibou tut mun nyeng hagom. Nide nicukti nya hagom dem mem gima iba ingon com.

MAZMUR 121:1

Doia nikui ug ei Mbigdip Sionti. Dicap ser nungug him nya bidingat no di mpu da mikwei leu hantou i?

MAZMUR 123:1

Doia nikui ug ei Mbigdip Sion. tuhan di ninyeng tak kep gwamti e, ditou kep kui gwamti ndam Nani.

MAZMUR 145:13

Ade ninyeng tak kep limwa nyati jo ninghig-niker. Ade nisindemti ug hon nohonti bi sren. tuhan ningon gom biyai igbit nipreu eisi nya hagom. Noni ba ningon di nggriu sut nye biyai Nide midyai nya hagom.

MAZMUR 146:10

tuhan ne Nibou Ndig bijo ninno bijo kikau ri. Je di timiei Sion e, jide Allah ninyeng tak kepti jo ninno bijo kikau. Ma jinggei sut tuhan!

MAZMUR 50:14

Ma jibon midut nibipai sigyo bak Allah ba, jiyai bipek kep mun di jipreu ei bak No Di Ninyeng Jei.

MAZMUR 66:7

Noni ba mimbri di kui ningkek bininyeng tak kep limwa nya bijo ninno bijo kikau. Noni mian huk ngkiai nya leu binhyepo yaham imbuk kep bisrep huk Noni bi.

MAZMUR 7:17

Gima rino ide nisibutti dima bindei ba, hukum cut igkep yok hanyen. Yonti ide ningon mbukti hwen bit yok hanyen cem.

MAZMUR 9:2

tuhan e, diba dingon titut bipai sigyo biNa biditri tut Ade nibon munti di bibon ninggap leusi nya.

MAZMUR 92:1

Doia mem Njap Nigwam Kep Ninghuisi.

YESAYA 13:11

tuhan pai “Midikes hukum ei dihyeisi dini dip drek dip nibon mun di kinei biborti. Lene dikes hukum ei yo di isibut nya dip drek dip ide sisar di ibon nya. Midicut bikwop yo di ikon yonti nya inyeng leu yok ba, midikes hukum ei yo di ingon jei nya kin yo di iten-pos nya dip.

YESAYA 2:11

Yo di inggei sut yonti inyeng micut leu api yo di ingon jei mikuk yok bak tuhan lewo suar tungwatu nya ikon Nongkom ninyenga.

YESAYA 24:15

yo di ibong ei nite bei mpia nipriti mikon ninyeng a. Timiei di ibong mukti nya mikon tuhan Allah Israel ninyeng bijo nai.

YEREMIA 10:10

Noro Nani ne tuhan Allah di nijit-jau ba, Allah di yai niyaijo bak tungwatu nya cem nibou ndig di niyaijo kikau cem ri. Gino angon sibui lene dihyeisi dini ugwa-kwei bibor. Gino agga lene ngkiai nya igya mem kan bi. (

NIBWOS-BWOS NYENTI 3:38

Mun di kei kin mun di kinei hacem ibindei mbut tug hon tuhan nicukti.

DANIEL 12:7

Lene no dima su ninda hacem kui mpia-bbed him. Dimiap gi noni heng bitug hon Allah di niyaijo kikau ninyeng bipai “Mun di pek kep dima yok mbut biyem ari bingwam nitindur ningai ba, bed nitindur muhwindagom. Hammi tirigi nihwen bit Allah de limwati nya kes hon rino mun di pek kep di wer mindur dima yok cem kes hon.”

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

DANIEL 4:2

Ditri tut dihyet tut mindur kin bindo di Allah Di Ninyeng Jei Bibor ndo bida.

DANIEL 4:26

Malaikati pima yok icuk tungwatu nya bipia ibet ningwam bijo nijoti. Mumpriem dima ningat rino Allah mita nani ba, anok nibou ndig hanyen bu mpe dino angon hukti bipia Allah Nongkom he rino ninyeng tak kep dihyeisi dini hagom.

DANIEL 4:3

Mbenjen! Nide bindo di ndo brei binye nindig bibor! Mbenjen! Nide mindur di bibon mem nye cem mipbor ngat! Allah ne nibou ndig bijo ninno bijo kikau ri. Ninyeng tak kepti ug hon nohonti bi sren.”

DANIEL 4:32

Tungwatu mijji na ug ei minu ting leu yok leu api abong bit mindhe-ndhe di tungwatu nya ipijuk bi nya. Ayem mintu-minta dem kep nok sapi nya kikau mem ari bingwam muhwindacan. Gima leu api angon hukti bipia Allah Di Ninyeng Jei Bibor sindem tut nibou ndig nya bitut ide ninyeng tak kepti nya hagom ba, Nongkom he rino ta nibou nya bit leu Nonti ningon kanti.”

DANIEL 4:36

Tirigi dingon tungwatu hanyen lene Allah ngkwei ditde ninyeng jeisi kin ditde nikei-kau-keisi kin dinyeng tak kepti di sindem bibor hagom hanyen bida. Yo po igya kui da kin nibou nya pima yahagom igya um da bipigo da leu api Allah bindei ba, dinyeng tak kep yok hanyen bu he bi noro dinyeng jei bibor dor njiriek gi nipou.

DANIEL 5:18

Allah Di Ninyeng Jei Bibor ta acig Nebukadnezar nok nibou ndig di ninyeng jei bibor bisindem bibor cem ba, tungwatu nya yahagom ikuk yok bak.

DANIEL 5:21

Tungwatu nya ijji noni ug ei minu ting leu yok leu api ningon tungwatu bu bi noro ningon mindhe he. Noni ya-ya nyen bit keledai bigbehei nya biyem kep abris nggrup noyam kin sapi nya cem bibong bas hak ba, nggou kui noti cem. Gima hagom kikau leu api ningon hukti bipia Allah Di Ninyeng Jei Bibor ninyeng tak kep nibou ndig dihyeisi dini bitut ide ninyeng tak kepti nya hagom. Allah Nongkom he rino ta nibou nya bit leu ningon kanti.

DANIEL 6:26

Gima ngwig lene Nibou Ndig Darius pas srat nimeng gom bak timiei minu nya kin mben nya kin gi imbrap ighyet hiter nya ei dihyeisi dini hagom bipai biyok “Jahagom jicem o!

DANIEL 7:14

No di niyaijo kikau yai ninyeng di jei kin nisindemti binoni noyam kin nibou ndig. Apino bikwop timiei minu nya kin mben nya kin gi imbrap ighyet hiter nya yahagom ikuk yok bak. Nide nisindemti jo ninno bijo kikau ba, ninyeng tak kepti ug hon nohonti bi sren cem.

DANIEL 7:27

Mpe dima lene Allah Di Ninyeng Jei Bibor miyai ninyeng tak kepti ide nisindemti kin nikei-kau-keisi ei dihyei nisurti-nipekti hagom bak Nide limwa nya. Ide nisindemti mem inyeng tak kep mijo ninno bijo kikau leu api nibou ndig dihyeisi dini yahagom mikuk yok biyok bibit ighyet.”

DANIEL 9:14

tuhan di nyende Allah e, atin ei hukum mem nye nipou su leu api abindei ba, hukum dima cut igkep nye lewo ayai munti nya hagom igbit ba, sren-srau cem noro nikou sut gi ningig nitingou mem ahyet.

YUNUS 1:14

Gima rino yahara bak tuhan bipai “tuhan e, Nahara bak Nani pia ma akes hukum nimai ei nye dip drek dip gima nicom no di ningon ngun dini ug ei muk mpoti au. tuhan e, Nani rino abindei dino mun di buhun dini cut igkep nye bit leu angon kanti.”

MIKHA 4:7

Yo dima imig lit bibong ting leu itimieisi noro midibindei ba, gi hi di ingkwei hanyen inok pung di intun yam him di nijep bu. Yoni midigek kep mpia nok mben di nindig bibor bisindem bibor cem. Hon kep njap dima kui midigwam ei Nungug Sion ba, dinyeng tak kep yok bijo ninno bijo kikau.”

LUKAS 1:33

Ninyeng mitak kep yo di intun Yakub him yahagom bijo ninno ba, ninyeng tak kepti cem muug hon nohonti bi sren!”

LUKAS 18:13

Noro gi hi di ya tindei belasten biyem tungwatu nya imuhup kuk no ei ting leu lene kon nibou bitou kep ginyo kug bi. Noni ttem ningon him bahara ‘Allah e, angondut da lewo dani ne no di bon kep sisar ri!’

YOHANES 5:26

Nicig ne niyaijo nijep nibousi ri. Nicig bindei ba, Nipmot cem nok niyaijo nijep nibousi.

NINDAT KEP TUHAN NICUKTI NYA 32:4

tuhan rinok No di sindem di ya srak ko hagau je. Noni kei-kau-kei ba, ningon sren-srau cem. No di ninyeng tak kep je ningon gom ba, bit bon Noni ris mun kan bi. Niyai munti nya hagom kei bibor kei lewo ningon mang bi.

TIMOTIUS GI NIGOM 1:17

Dem mem gima inggei sut Allah Nongkom di Nibou Ndig bidem nijam hagom. Niyaijo kikau ba, bit bon tungwatu nya ingat Noni bou igyai him kan bi. Ma ikon ninyeng kikau buug hon nohonti bi! Igbit ri.

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.

NINGAT-HI-NGAT NYA 10:6

beheng bitug hon Allah di Niyaijo kikau buug hon nohonti bi di pai tes mpia-bbed him kin dihyeisi dini kin muk ngeisi bitut mun di joti nya hagom ninyeng bipai “Jam dem tu ba, itum ingon tut bu bi.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 4:10

ne nibou nya ibou nyatungwagom ba, bitai pima ikuk yok ei No di gwam banggo mbrei dip Noho bei binggei sut No di niyaijo kikau buug hon nohonti bi. Leu api ikes ide topi mas ei banggo mbrei nuhui leu lene ipai,

NINGAT-HI-NGAT NYA 4:9

Mindhe ningut bitai ipai doia bibinggei sut No di gwam ei banggo mbrei dip di niyaijo kikau buug hon nohonti bi ba, ikon ninyeng bipai sigyo bak. Mpe dino ipai doia,