DANIEL 4:30 - ALLAH NIHYET MEM TUNGWATU NYA

³⁰ bidikan “Mbenjen! Siyai bong kep minu Babel di kei bibor kei dini! Siwin side minu dini nok nibousi mem sinyeng tak kepti nok mun di bindo tut side nisindemti kin sinyeng jeisi kin side nikei-kau keisi.”

DANIEL 4:30 ပူးပေါင်းရင်းမြစ်များ

NITRITI 10:10

Habiei ei nimbie him lene Nimrod ninyeng tak kep Babel kin Erekh kin Akad ba, minu ndig ningai dini jo ei minu Babilonia.

ESTER 1:4

Nibou ndig ndo mun di nyeng tut nya ei nide ig nibou ndig kin nide ninyeng tak kepti di nindig bibor ba, sindem bibor cem bak yo di inyeng jei dima yok kikau mem nijam bed nitindur muhwindagom.

MAZMUR 104:1

Dinnei e, ma anggei sut tuhan! Ditde tuhan Allah e, anyeng jei bibor! Anyeng jeisi kin Ade nisindemti dem kep nok sinsun nibou ndig di ajuk,

MAZMUR 49:20

noni mibram nidigup bat-nidigai bat nya ug ei nimai nya ikieti ei mpia nidinditi bijo ninno bijo kikau.

MAZMUR 73:8

Ipa ndip tungwatu nya bisimbot biyam tut mun di mbuk. Ingon jeisi bindei ba, igyok ingon gom mem hiter bico kep yok.

NIPINGOK NINGONTI 11:2

No di kon nonti ninyeng mibindei ninyeng bikinei. No di yai mun mmuti ningon ki.

NIPINGOK NINGONTI 16:18

Ninggei-nggwangti bindei ba, nisarti ntun him. Nillei-lausi micut ninyeng jeisi.

NIPINGOK NINGONTI 29:23

Yo di illei-lau micut noro tungwatu nya mikon no di ba nibou coi mem yok ninyeng.

YESAYA 13:19

Minu Babel rino kei bibor kei dor njiriek minu ninyeng tak kepti nindigsi nya ba, timiei di ibong minu ndig dima ingon llei sut. Noro Da di tuhan dibindei bitimek noyam kin gi po dibindei timek Sodom kin Gomora.

YEHEZKIEL 29:3

tuhan Di Ninyeng Jei Bibor cuk da biditri tut nisokti dini bak nibou ndig minu Mesir. “Na di unggor ndig bibor di abong ei minyei nggimau yon e, Dani ne ade nitok ri. Asuglai mun bipia ajem Minyei Pmem Nil bou na nok ade lewo nani rino apai tes a.

DANIEL 4:31

Nipou tirigi dikes dihyet bigyo rino nihyet gom tibim kwei leu mpia-bbed him bipai bida “Nibou Ndig Nebukadnezar e, angig atingou mem dihyet! Ade ninyeng tak kepti di sindem bibor sindi pror hak leu na.

HABAKUK 1:11

Leu api imbut kikau ug ei mpia ttou nsi hi ter bu bihigom noyam kin hou di cut. Ba, ikuk yok bak yonti ide nisindemti noyam kin gi ikuk yok bak kwar di ikuk yok bak.”

LUKAS 14:11

Lewo Allah moom kep no di bisau sut ninyeng jei noro Noni mikon bikwop no di om kep ningonti ninyenga.”

LUKAS 14:9

lene nibou ig bei di hig jahacem kwei ei nibon pestati bit noni pima kwei pai bina ‘Ma ati bileu lewo ditin ei bilen dima mem no dini bigwamti bibie.’ Gi pai nok lene ammai sut nanti drek dip gima aom nanti kikau ug ei nohon keti.

KORINTUS GI NIGOM 10:31

Nnaba tut njita di jiyem kin ndia ngei di jidut ne ma jiba jiyai munti dima yok hagom binggei sut Allah.

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”

NINGAT-HI-NGAT NYA 14:8

Leu api malaikati gi nican bram malaikati gi nigom bipai “Cut tu! Minu ndig Babel di sindem bibor cut tu! Minu ndig dima bindei dino tungwatu nya yahagom idut ba anggur ngei ba, gima ne nide niba noho rok sisar nicut tut yamti ri.”

NINGAT-HI-NGAT NYA 16:19

Minu nindig bibor dima kki ningaisi ba, minu ndig nindigsi nya bidem dihyei nisurti-nipekti hagom lus bingwig. Allah kan kep minu ndig Babel lene bindei ba, dut ba anggur ngei leu Nide mok ba, ningei dima ne Allah nigga biborti ri.

NINGAT-HI-NGAT NYA 17:5

Ninyeng di jo ei ningwakti ne Babel Di Ninyeng Jei rin noro bon mimun di jo nding. Sop dini ne pung di sundal nya kin yo di ikrar kep yam ei dihyeisi dini yahagom intun him ri.

NINGAT-HI-NGAT NYA 18:10

Igya igyati ei minu ting lewo idigit tut bipia mpaba yoni cem mitug ndei hukum bit noni. Ba, yahara “Ayo! Ayo! Notou mem na di minu ndig Babel di anyeng jei ba, asindem bibor i? Atug ndei hukum ei jam gom ngat he!”

NINGAT-HI-NGAT NYA 18:21

Leu api malaikati di sindem bibor gom kon tig mma di nindig bibor dem kep tig gilingan bicom ug ei muk ngeisi bipai “Allah ba nigga biborti bicom minu ndig Babel di ninyeng jei nok tig dima bibindei ba, sar bihigom.