DANIEL 4:26 - ALLAH NIHYET MEM TUNGWATU NYA

²⁶ Malaikati pima yok icuk tungwatu nya bipia ibet ningwam bijo nijoti. Mumpriem dima ningat rino Allah mita nani ba, anok nibou ndig hanyen bu mpe dino angon hukti bipia Allah Nongkom he rino ninyeng tak kep dihyeisi dini hagom.

DANIEL 4:26 ပူးပေါင်းရင်းမြစ်များ

DANIEL 2:18

bibidip huk yok leu binhyepo ingat nadi bak Allah ei gwamti leu binhyepo Noni ngondut yok bindo igbit mimun tut mumpriem dima ba, bikin ser nhyema itug ndei hukum nimai bit yo di ingon ki nya di igya kui nibou ndig nindigsi nya bi.

DANIEL 2:19

Mmun mau mem njap gom ndia rino Allah ndo igbit mimun tut mumpriem dima bak Daniel tug hon ningat-hi-ngat. Gima rino noni nggei sut Allah ei gwamti,

DANIEL 2:37

Andigpoi e, nani ne nibou ndig di ninyeng jei dor njiriek nibou ndig nindigsi yahagom ri. Allah ei gwamti ta nani ba, anyeng tak kep limwa nya. Asindem bibor ba, anggwes bibor cem ba, anyeng jei bibor cem.

DANIEL 4:15

Noro ma abet ningwam bijo nijoti leu api aba lante di aba ngkimom nitu kin ngkimom-tembaga bibon bikim leu binhyepo ningwam dima jo nijoti ei susti. Ma asindui sut ba, nggou kui noti leu api bong igbit susti bit mindhe-ndhe nya.

DANIEL 4:23

Tirigi na di Andigpoi ayai bong kep biei dima lene malaikati gom juk kwei leu gwamti bipai ‘wim biei dima bisar hak ug noro ma abet ningwam bijo nijoti. Aba lante di aba ngkimom nitu kin ngkimom-tembaga bibon bikim leu binhyepo ningwam dima jo nijoti ei susti. Ma asindui sut ba, nggou kui noti bibong bit mindhe-ndhe nya kikau mem ari bingwam muhwindacan.’

DANIEL 4:31

Nipou tirigi dikes dihyet bigyo rino nihyet gom tibim kwei leu mpia-bbed him bipai bida “Nibou Ndig Nebukadnezar e, angig atingou mem dihyet! Ade ninyeng tak kepti di sindem bibor sindi pror hak leu na.

DANIEL 4:37

Gima rino nogindini da di Nebukadnezar dinggei sut Allah Di Ninyeng Tak Kep Gwamti. Dikuk da bak bidikon ninyeng bijo nai bibor. Niyai munti nya hagom kei-kau-kei bikwes-kwau cem ba, Noni sindem mem gima om yo di ingon jei nya ei nimig him.

DANIEL 5:20

Noro ningon di jei bibor kin ningon di tindak kin ningon di mbuk dima bindei ba, Allah om noni leu nide banggo mbrei leu api ninyeng di jei pror yon hak leu noni.

DANIEL 5:21

Tungwatu nya ijji noni ug ei minu ting leu yok leu api ningon tungwatu bu bi noro ningon mindhe he. Noni ya-ya nyen bit keledai bigbehei nya biyem kep abris nggrup noyam kin sapi nya cem bibong bas hak ba, nggou kui noti cem. Gima hagom kikau leu api ningon hukti bipia Allah Di Ninyeng Jei Bibor ninyeng tak kep nibou ndig dihyeisi dini bitut ide ninyeng tak kepti nya hagom. Allah Nongkom he rino ta nibou nya bit leu ningon kanti.

MATIUS 21:20

Tirigi yo di igya kui Yesus ingat niyai munti dima lene inggap leu tut nindig bibor bihig ser Noni “Mindei ribindei dino biei ara dima mui hak nok i?”

MATIUS 5:34

Noro tini bu ne dipai bije bipia ma jeheng bitug hon mun nyeng hi au. Ma jeheng bitug hon mpia-bbed him au. Lewo mpia-bbed him ne Allah de banggo mbrei ri.

LUKAS 15:18

Nnaba sikiju bisingkwei hanyen ndam sicig leu api misipai binoni arig e, dibon sisar tut Allah kin nani tu.

LUKAS 15:21

Lene mot dima pai bak nicig ‘Arig e, dibon sisar tut Allah kin nani tu. Dem tut gima ajem da nok apmot bu bi.’