DANIEL 4:19 - ALLAH NIHYET MEM TUNGWATU NYA

¹⁹ Daniel di ninyeng hi Beltsazar miap nihyet dima lene digit tut ba, nga leu nindig bibor. Apino Nibou Ndig Nebukadnezar pai bak “Ma adigit tut ditde mumpriem kin mumpriem ningat au.” Beltsazar buhup “Andigpoi e, Dillei sut gino ade mumpriem kin nimbot kepti cem hagom bitut nani bi noro bitut ade siceu nya.

DANIEL 4:19 ပူးပေါင်းရင်းမြစ်များ

NITRITI 31:35

Lene Rahel pai bak nicig “Arig e, ma angon sibui sut da au. Gimbun dikiju kan bi lewo dingkek kan mun.” Laban nggok-nggok nyen ser lo, ngat nide kwar nya hi bi.

NITRITI 32:18

Gino noni hig simber na nok lene ma abuhup nihyet nok gini ‘Gini yok hagom Yakub de ba, noni nok awak mem nani bikwas hagom mikuisi tut na hak ug. Lene nonti no ya abia kep nye ma kwei.’ ”

NITRITI 40:12

Lene Yusuf pai binoni “Dimbot kep tut nok gini a. Ninggram ningai di ntun ba ninda him dima bindo pia njap ningai.

NIBOU NDIG NYA GI NIGOM 18:7

Tirigi Obaja mbut kak puig sinon rino noni kin Elia yuum yam kros. Obaja ngat igbit Elia apino ba ningwak bikik dihyei ei nimig him lene hig ser noni “Ningat ne nani Nabi Elia rin e?”

NEHEI LEUSI 32:32

Ma aom angon tut yok ba, akos ser ide sisar. Gi bi lene adip tut dinyeng leu Ade daptar di apas kep Ade limwa nya inyeng eisi hak ug.”

YEREMIA 29:7

Ma jiyai kep midyai di bindei ba, jeni kin timiei minu ndig ngot di dicom je ug eisi nya cem ibong kei igwam kei. Ma jingat nadi tindei minu ndig ngot dima leu binhyepo dinjei mun di kei bak yoni. Leu gino yo dima ibong kei igwam kei lene jeni cem mijibong kei jigwam kei bit yok ba, mun di jisuar nya midem mem je.

YEREMIA 4:19

Dingon buhun bibor! Dingon ngkiem tut niwei bu bi! Dem mem gima doom kep danti bidigwam nyahan bi! Dingon pri ndei dingget ninsi. Lewo dimiap pun mbrei nugwei bong ba, siceu nya ighyet sra tut pran tu.

DANIEL 1:7

Mindor di ninyeng tak kep nibou ndig de ig bei nsi nya dima jem ibou bitai dini inyeng Beltsazar kin Sadrakh kin Mesakh kin Abednego.

DANIEL 2:26

Nibou ndig hig ser Daniel di ijem ninyeng hi Beltsazar bu “Antin kimbo nok gi dem mem gima apai sut ditde mumpriem ba, abicoi ei mumpriem ningatti e?”

DANIEL 2:37

Andigpoi e, nani ne nibou ndig di ninyeng jei dor njiriek nibou ndig nindigsi yahagom ri. Allah ei gwamti ta nani ba, anyeng tak kep limwa nya. Asindem bibor ba, anggwes bibor cem ba, anyeng jei bibor cem.

DANIEL 4:24

Andigpoi e, dipai ningat bina. Allah Di Ninyeng Jei Bibor kos tut mun di micut igkep na.

DANIEL 5:12

No dima nintin kimbo cem ningon ki cem mbot kep tut mumpriem nya cem mbot kep mimun cem mbus tungwatu nya ingonti tut mun di srou yok cem hagom kan. Ninyeng rino Daniel noro acig jem ninyeng Beltsazar. Ma ahig noni kwei. Noni micoi ei hurup bokti dima ningatti bipai bina.”

DANIEL 5:18

Allah Di Ninyeng Jei Bibor ta acig Nebukadnezar nok nibou ndig di ninyeng jei bibor bisindem bibor cem ba, tungwatu nya yahagom ikuk yok bak.

DANIEL 5:19

Ninyeng di jei bibor dima bindei ba, timiei minu nya kin mben nya kin gi imbrap ighyet ter leu yam yahagom ittin noni ba, inghuisi mpig sut. Gino acig kos tut bipia miyai nimai bak tungwagom lene noni yai mun bipek kep ningon kanti dima hak ug. Gino noni kos tut bipia miteu tungwagom leu hukum nimai lene noni yai mun bipek kep ningon kanti dima cem hak ug. Noni kon bihi inyeng cem nim kep bihi cem hagom bit leu ningon kanti.

DANIEL 7:15

Ningat-hi-ngat di dingat bou diyai him dima bindei bidingon kiowi tut ba, dingon buhun nindig bibor cem.

DANIEL 7:28

Nimbot kepti nohonti ndia ri. Lene dittin tut nindig bibor ba, diimaisi hai. Dimbot kep tut ningat-hi-ngat dima bak hiter bi noro diku hagom nyahan ei dingon bei.

DANIEL 8:27

Leu api dinghuisi mbris ba, dinggwen njap poi drek dip ningat-hi-ngat di dingat dima. Gima ngwig leu api dikiju hanyen bidinda jo kep midyai di nibou ndig cuk da tut hanyen. Dikan-kan nyen tut ningat-hi-ngat dima yok ba, dingon mbut-mbut nyen drek dip lewo dingon guhuk niti tut bi.

HABAKUK 3:10

Tirigi nungug him nya ingat Na lene ingon digit ba, biget mbras kwei leu mpia-bbed him. Minyei ei dihyei jou nibimbi bong nindig bibor bitti bram yam bidwoi bibor.

SAMUEL GI NIGOM 1:15

Lene Hana buhup “Andigpoi e, ba anggur ningei pu da bi lewo didut hi bi. Noro dingon bos-bos nyen ba, dingon buhun bibor cem. Dingat nadi bidipui sut mun di buhun bibor di cut igkep da hagom bak tuhan.

SAMUEL GI NIGOM 24:8

Nok gima rino Daud brim ningkek kep nide limwa nya binim kep yok leu binhyepo yoni migyai nimai bak Saul bi. Lene Saul kiju behei leu hak mihyeti dima bimbut ug.

SAMUEL GI NIGOM 26:15

Lene Daud hig ser noni “Abner, apo nani ne no di mipbor ngat dor njiriek mben Israel nindigsi nya rin bi e? Nggon rino ayai ngkiem ser ade Andigpoi di nibou ndig dima bi i? Nogindi pa bihi icoi ug ei ade prak meng yati mem gima igyai nimai bak ade Andigpoi o!

SAMUEL GI NIGOM 3:17

Leu api Eli hig ser noni “Apai igbit tuhan nihyet bida hak ug. Ma aku nihyet dima gom bijo nding leu da au. Leu gi nok lene Noni mikes hukum ei nani dip.”