DANIEL 4:14 - ALLAH NIHYET MEM TUNGWATU NYA

¹⁴ Noni ba nihyet nindig bibor bahara ‘Ma awim biei dima ba, ape ninda cem. Asrop nimeng ba, apuk ningat lene acom hagom hak ug. Ma ajji mindhe-ndhe di ibong nibehei nya kin ha nya di itot yaham ei ninda-nda nyati bingwig ug.

DANIEL 4:14 ပူးပေါင်းရင်းမြစ်များ

AYUB 24:20

Nipmem cem bbwe ser noni. Njingwoi pio ningut bingwig. Hi yok ngon kep ninyeng bu bi. Noni nggun noyam kin biei ut di tti tu.

YEREMIA 27:5

“Diba Ditde nisindem biborti kin dinda di sindem bibor bipai tes dihyeisi dini kin tungwatu nya kin mindhe-ndhe nya hagom. Diyai gima yok hagom bak no di didimig ei bit leu dingon kanti.

YEREMIA 51:6

Ma jiteu jenti bijingwes ngun ug! Ma jinang leu minu Babel hak leu ma jitug ndei nimai drek dip yo dima ide sisar! Lewo tto bou dem mem dibirop mben Babel ide nisibutti ba, dikes hukum ei yok dip bit leu ibon munti di kinei nya.

YEREMIA 51:9

Ngkiai nya di ibong ei sirima ipai biyam “Igyai ibou tut gima impu mben Babel tu lo, nituti njiriek tu! Gi kei mem ipri hak leu minu dini bingkwei hanyen ug ei itimieisi hak ug. tuhan ba Nide nisindemti bikes hukum ei mben Babel dip ba, bindei timek yok bitimek krebou tu.”

YEHEZKIEL 31:10

Gima rino tuhan Di Ninyeng Jei Bibor pai bije tut mun di mipek kep mem biei di kui ninno di ninggrupti kui sur bumbuhui dima. Nijeisi kum eisi bibindei ba, nikon nonti cem bikum eisi,

DANIEL 2:21

Ninyeng tak kep bed di biang hou kin bed di biang mpia ngeisi cem kin nijam nya hagom cem. Noni ta nibou ndig nya leu api cug inyeng di jei hanyen leu yok. Nongkom bindei ba, tungwatu nya ingon ki ba, ingon dorti.

DANIEL 3:4

nibou ndig nisut gom di tri tut nihyet kan kiju biya lene ba nihyet nindig bibor bipai biyok “Je di jikwei leu minu ndig nya kin mben nya kin je di jimbrap jihyet ter leu yam nya jahagom e,

DANIEL 4:12

Nimeng nggrou ba, ningat di kei-kau-kei ntun him. Ningat dima mang bibor bidem mem tungwatu dihyeisi dini hagom ipuk bigyem. Mindhe-ndhe di yehek bi nya ikkou bibong igbit nohousi. Ha nya cem itot yaham bidem ninda nya ba, mun di ninnei tau nuhwap nsi ninyeng hagom igyem ningat di ntun him nya cem.

DANIEL 4:23

Tirigi na di Andigpoi ayai bong kep biei dima lene malaikati gom juk kwei leu gwamti bipai ‘wim biei dima bisar hak ug noro ma abet ningwam bijo nijoti. Aba lante di aba ngkimom nitu kin ngkimom-tembaga bibon bikim leu binhyepo ningwam dima jo nijoti ei susti. Ma asindui sut ba, nggou kui noti bibong bit mindhe-ndhe nya kikau mem ari bingwam muhwindacan.’

DANIEL 4:29

Bed simnaibrimigcan gi nidipti bu tirigi diya-ya nyen ei mitou nghousi di jo ei ninten gi nuhu kwei ei ditde ig bou ninjek dip ei minu Babel,

DANIEL 5:20

Noro ningon di jei bibor kin ningon di tindak kin ningon di mbuk dima bindei ba, Allah om noni leu nide banggo mbrei leu api ninyeng di jei pror yon hak leu noni.

DANIEL 5:21

Tungwatu nya ijji noni ug ei minu ting leu yok leu api ningon tungwatu bu bi noro ningon mindhe he. Noni ya-ya nyen bit keledai bigbehei nya biyem kep abris nggrup noyam kin sapi nya cem bibong bas hak ba, nggou kui noti cem. Gima hagom kikau leu api ningon hukti bipia Allah Di Ninyeng Jei Bibor ninyeng tak kep nibou ndig dihyeisi dini bitut ide ninyeng tak kepti nya hagom. Allah Nongkom he rino ta nibou nya bit leu ningon kanti.

MATIUS 3:10

Hi tin ei mem gima wim biei nya nitriti. Noni miwim bikwop biei di ngat ningat di kei hi bi nya leu api ndig hagom kep hum.

MATIUS 7:19

Bikwop biei di ngat ningat di kinei ne niceu wim bindig kep hum.

LUKAS 3:9

Tungwagom tin ei mem gima wim biei nya nitriti tu. Noni miwim bikwop biei di ngat ningat di kei hi bi nya leu api ndig hagom kep hum.”

NINGAT-HI-NGAT NYA 10:3

Noni ba nihyet nindig bibor di dem singa niyausi bahara. Tirigi kes nihyet leu su lene kru muhwindacan ba nisu nindig bibor di bong bibuhup nihyet.

NINGAT-HI-NGAT NYA 18:2

Noni ba nihyet nindig bibor bahara “Noni cut tu! Minu ndig Babel di ninyeng jei cut tu! Ninnei rom nya kin ha di kinei-kinau di tungwatu nya ingon mpo tut nya hagom iteu ei nigkumti.