DANIEL 4:12 - ALLAH NIHYET MEM TUNGWATU NYA

¹² Nimeng nggrou ba, ningat di kei-kau-kei ntun him. Ningat dima mang bibor bidem mem tungwatu dihyeisi dini hagom ipuk bigyem. Mindhe-ndhe di yehek bi nya ikkou bibong igbit nohousi. Ha nya cem itot yaham bidem ninda nya ba, mun di ninnei tau nuhwap nsi ninyeng hagom igyem ningat di ntun him nya cem.

DANIEL 4:12 ပူးပေါင်းရင်းမြစ်များ

AYUB 12:24

Allah bindei ba, ide nibou nya ingon ttai-ttai bou leu api israwir bikan tut mpia di yuug eisi bi,

AYUB 14:7

Biei ngwam di sindi iwim tu mui bihigom bi noro ningunti bindei ba, nipras ntun him hanyen bu ba, bon ninggram cem.

AYUB 14:9

gino iba minyei biprok lene nipras mipras hanyen noyam kin njita kioi.

NIBWOS-BWOS NYENTI 4:20

Ikat tuhan de nibou ndig di Nonti dimig ei su ba, no dima ne no di nyeni niba ningon com nok no di mibindei ba, nibong kei nigwam kei ba, no di minyohou nye leu siceu di ihwen bit nye inda nsi cem rin o!

YEHEZKIEL 17:23

di nok nungug di jo anai bibor ei minu Israel. Ninda dima mehei ei sirima bingat ningat cem. Leu api nok buom di kei bibor di ya ngkiem cem. Ha nyeng hagom mitot yaham ei niti biteu ei ninda behei cem.

YEHEZKIEL 31:17

Yoni minjei bit ug ei minu nimai nya ide ba, ibicom yam bit biei di tti bicut nipou su nya. Lene yo di nipou yo igwam coi biei behei dima yahagom intek gimahap bibong ei mben ngkiai nya ikieti.

DANIEL 4:14

Noni ba nihyet nindig bibor bahara ‘Ma awim biei dima ba, ape ninda cem. Asrop nimeng ba, apuk ningat lene acom hagom hak ug. Ma ajji mindhe-ndhe di ibong nibehei nya kin ha nya di itot yaham ei ninda-nda nyati bingwig ug.

MATIUS 13:32

Sawi ngan dima bigbibor dor njiriek njita ngan nindigsi hagom noro tirigi hei su lene jei bibor dor njiriek njita nindigsi hagom ba, nok biei leu api ha nya itot yaham ei ninda nyati.”

MARKUS 13:32

“Mbro nok gima lo, tungwa hi kan tut njap ningwig honti kin mun pima yok nipek kepti bi. Malaikati nya ei gwamti kin Da di Allah Nipmot nahagom nikan tut nipek kepti bi noro Dicig Nongkom kan tut.

MARKUS 4:32

Tirigi hei su lene ninjem jei bibor dor njiriek njita nindigsi hagom di tungwatu nya indim ei ide miai ngwoisi binok biei leu api ha nya itot yaham ei ninda nyati.”

LUKAS 13:19

Diba sawi ngan binai kin nihyet nibiti nindati dini. Tungwagom ndim sawi ngan ei nide miai ngwoisi leu api nikioi hei bijei bibor ba, nok biei leu api ha nya itot yaham ei ninda nyati.”