DANIEL 4:1 - ALLAH NIHYET MEM TUNGWATU NYA

¹ Nibou Ndig Nebukadnezar sok nihyet ei nide awak nya dip bak timiei minu nya kin mben nya kin gi imbrap nihyet hiter nya ei dihyeisi dini hagom bipai biyok a, “Ma ningon jo nyahanti kieng kep jahagom!

DANIEL 4:1 ပူးပေါင်းရင်းမြစ်များ

NIBOHON MBEN ISRAEL GI NIGOM 12:18

Hammi tirigi pai bak nok rino Allah Ninnei sindem tut Amasai di bit yok ba, niabiati bu mitug ndei ninyeng nibou mem nimpung “Nihwen Mun Cig Ibou Ningot Ningai” pima. Leu api noni pai, “Na di Andigpoi Daud di Isai nipmot e, nyeni nahati tut nani! Handei kon ba, aya tut yo di impu na bijibrim jingkek kikau ba, jibingat ningat kep. Allah tti kin na di Andigpoi tu!” Pai nok leu api Daud cigit yok bikon inyeng nok nibou mem nide tentara nya.

EZRA 4:17

Lene nibou ndig buhup ide srat tug hon nipas kepti dini bipai, “Dipinak srat dini bak Rehum di nok nibou hanjop kin Samsai di sekertaris hanjop nsi bitut jisut bat di ibong ei Samaria kin jisut bat di ibong ei minu ndig hiter nya ei hanjop nsi Efrat-Bei-Mpia-Nikimbasti. Jicemo!

EZRA 5:7

“Nipinak srat dini ug ei Na Di Nibou Ndig Darius aho bei. Handei kon ba, Na Di Anyeng Jei abindei ba, ade ninyeng tak kep limwati nya jo nyahan!

ESTER 3:12

Ug ei njap gi nisimnaibrimigningai mem bed gi nigom lene Haman jem nibou ndig de sekertaris nya kwei bidem yam bit noni. Noni cuk yok leu binhyepo ipas srat bit leu mun nyeng hagom di cuk yok tut nya. Leu api iluei srat dima ei nihyet kin nipas kepti di timiei nya ikrau kep ei Ahasyweros ninyeng tak kepti dima nisurti-nipekti. Ipas srat dima gau Ahasyweros ninyeng lene iba srak mas pima bitak buk ei srat dimati. Leu api ibipbur bipinak srat nicuk yokti dima bak yo di inyeng jei nya kin nibou nya kin andigpoi ndig nya bidem hanjop nsi nya yahagom. Nipas kepti di jo srat dimati bicuk timiei nya yahagom bipia ug ei njap simnaibrimigningai mem Bed Adar ne suar icok tut mben Yahudi yahagom bitut ndigpoi nya kin pinai pilei nya kin sop nya kin munggwom nya ba, hi ningwes ngun bi. Leu api suar ipos ndigban di ide nya hagom cem.

ESTER 8:9

Njap dima ne njap gi ningot can ba, ningai mem Bed Siwan ri. Mordekhai hig nibou ndig de sekertaris nya kwei lene cuk yok bipas srat nya bit leu mun nyeng hagom di cuk yok tut nya. Iluei srat dima ei nihyet kin nipas kepti di timiei nya ikrau kep ei Ahasyweros ninyeng tak kepti dima nisurti-nipekti bipas gau Ahasyweros ninyeng ba, iba srak mas pima bitak buk ei srat dima yokti. Leu api ibipbur bipinak srat nicukti dima bak yo di inyeng jei nya kin nibou nya kin andigpoi ndig nya yahagom ei hanjop nsi sratus gom ningot can ba, muhwindacan pima leu minu India kikau ug bipek kin minu Sudan. Lene Mordekhai cem ba mben Yahudi ighyet kin ipasti bipas srat bak yo dima.

DANIEL 3:29

Gima rino ditri tut bipia bikwop tungwagom-gom di leu timiei minu nya kin mben nya kin gi mbrap nihyet hiter nya di nihyet wer mpiahi tut Sadrakh kin Mesakh kin Abednego ide Allah mitug ndei hukum nikos noni kukiau kin, nilet nide ig bingwig biwer ig kum kroi cem. Bit bon kwar hi teu tungwatu nya noyam kin Allah di teu yo dini kan bi.”

DANIEL 3:4

nibou ndig nisut gom di tri tut nihyet kan kiju biya lene ba nihyet nindig bibor bipai biyok “Je di jikwei leu minu ndig nya kin mben nya kin je di jimbrap jihyet ter leu yam nya jahagom e,

DANIEL 6:25

Leu api nibou ndig cuk yo di igya ser nya bikat yo di ibakilak Daniel pima kwei leu api injei yok ug ei jui singa dimati bitut itnem bat kin imunggwom bat nya yahagom. Nipou tirigi icut kikau ug ei jui jou dima bigyo lene singa yaham yok bikinam injum bingwig.

DANIEL 6:27

Dicuk tungwatu nya di ibong bidem dinyeng tak kepti nisurti-nipekti hagom leu binhyepo ittin tut Allah di Daniel kuk no bak ba, ikuk yok bak! Noni ne Allah di niyaijo bijo ninno bijo kikau ri. Nide ninyeng tak kepti jo kikau ug bipek kin njap ningwig honti. Bit bon hi bindei ba, Allah ninyeng tak kepti pror yon kan bi. Nide nisindemti cem ug hon nohonti bi sren.

DANIEL 7:14

No di niyaijo kikau yai ninyeng di jei kin nisindemti binoni noyam kin nibou ndig. Apino bikwop timiei minu nya kin mben nya kin gi imbrap ighyet hiter nya yahagom ikuk yok bak. Nide nisindemti jo ninno bijo kikau ba, ninyeng tak kepti ug hon nohonti bi sren cem.

ZAKHARIA 8:23

Njap dima dem ne ngkiai nya ibou simnai mikwei ngat mben Yahudi gom ngat bipai bak ‘Nyeni cem nijoi sut ningat ningat di kei noyam kin nani lewo nimiap tut bipia Allah ningat rin ei jikieti.’ ” tuhan Di Sindem Bibor simbot dat tu.

KISAH 2:6

Tirigi imiap nibimbi dima lene tungwatu ningot ndig induk yam kwei. Yahagom idrui sut lewo bikwop tungwagom-gom miap igbit nonti nihyet di tibim ei yo di ingon jo kep nya yuhui him.

ROMA 1:7

Gima rino dipas kep srat dini mem je. Nnaba Icig Allah kin Tuhan Yesus Kristus isingat tut je ba, igyai jingon jo nyahan.

EFESUS 1:2

Handei kon ba, Icig Allah kin Tuhan Yesus Kristus isingat tut je ba, ibiyai jingon jo nyahan.

TIMOTIUS GI NIGOM 1:2

Srat dini mem na di Timotius ba, anok dipmot ningat tug hon side niba ningon com Tuhanti. Handei kon ba, Sicig Allah kin side Tuhan Yesus Kristus isingat tut na bingondut na cem ba, ibiyai angon jo nyahan.

PETRUS GI NIGOM 1:2

Icig Allah dimig je ei bit leu nikos tutti leu binhyepo jinok Nide limwa di ingon kwes nya tug hon Allah Ninnei ba, jibit Yesus Kristus nihyet cem bijiyai ningon kwes kin Noniti tug hon nimai ei biei salibti. Handei kon ba, Allah singat tut je bibor ba, biyai jingon di jo nyahan kei bikum eisi bu.