DANIEL 3:18 - ALLAH NIHYET MEM TUNGWATU NYA

¹⁸ Ne gino Noni teu nye leu hum dima bi cem ma na di Andigpoi ayok ngon kep bipia mininggei sut ade kwar nya binikuk nye bak kwar mas di atas ei bi sren.”

DANIEL 3:18 ပူးပေါင်းရင်းမြစ်များ

NIBOU NDIG NYA GI NIGOM 19:14

Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOU NDIG NYA GI NIGOM 19:18

Noro midinyohou mben Israel ibou sribu muhwindacan bingwes ngun lewo ingon gom tut Da lene ikuk yok bak Baal bi ba, imei nide kwar cem bi sren.”

AYUB 13:15

Dingon cut leu su! Nna ug! Gino Allah kos tut mem gima yai nimai bida lene dikes danti ei nindati. Mbro nok gima lo, midimbrap gau dibon munti nya ei Noho bei.

NIPINGOK NINGONTI 28:1

Mbro nok gino hi huk bram no di sibut bi lo, noni nang ug. Noro mimbri kui no di ningon gom ningkek dem kep nok mindhe singa.

DANIEL 3:28

Leu api nibou ndig pai “Dinggei sut Sadrakh kin Mesakh kin Abednego ide Allah di ikuk yok bak! Noni pinak Nide malaikati gom kwei biteu yok leu hum di cig-cai lewo iba ingon com Noni. Yoni ibit dihyet bi lene isindui sut bitug ndei nimai leu gima ikuk yok bak kwar nya lewo ikuk yok bak yonti ide Allah Nongkom he.

IMAM NYA IDE MIDYAI 19:4

Harin dima jikes Da ei bijikuk je bak kwar di jibon bou jinda him a. Harin dima jiba ngkimom nitu bibon kwar bou jinda him bijikuk je bak a. Dani ne tuhan bidinok jide Allah ri.

MATIUS 10:28

Ma jittin tut yo di ikimukep jingut au. Lewo bit bon ikimukep jinnei kan bi. Noro ma jittin tut Allah di sindem mem gima com jingut kin jinnei ug ei hum njengti.

MATIUS 10:39

Lewo bikwop no di ningon hek tut nonti bikan bipia niyaisi bon ninyeng mem nonti lene niyaisi misar.”

MATIUS 16:2

Noro Noni buhup [“Gino jingat nggrau kimbo mem mpia nicutti lene jipai biyam bipia njap di hyep mpia ngei ri.

KISAH 4:19

Noro Petrus kin Yohanes ibuhup “Ma jenti jihig yam tut mun di nijit di Allah joi sut. Nibit jenti jihyet e, he ma nibit Allah nihyet e, he notou i?

IBRANI 11:25

Noni kos tut bipia gi yai ninghuisi wei bit Allah de limwa nya bon ninyeng bidor njiriek gi ngat ningwes ei sisarti mem nijam di jei bi.

YOSUA 24:15

Gino jikou sut gi jikuk je bak Noni lene ma njap di ammani jikos tut no di jikuk je bak. Mijikuk je bak nung nya di jidigup bat-jidigai bat nya ikuk yok bak ei Mesopotamia pima e, he jikuk je bak nung di timiei mben Amori ei minu di jibong eisi dini ikuk yok bak nya e? Noro tut dani kin dide bat nya nahagom minikuk nye bak tuhan Nongkom.”

NINGAT-HI-NGAT NYA 12:11

Isut bat yo di ingon jo kep nya ibindei cut noni tug hon Domba Pmot ninggrom kin Allah nihyet di itri tut bipia nijit-jau cem ba, yehek tut igyaisi bi noro igruap nimaisi.