DANIEL 3:17 - ALLAH NIHYET MEM TUNGWATU NYA

¹⁷ Nyende Allah sindem mem gima teu nye leu hum nindig bibor di ninjeng cig-cai dima biteu nye leu na di Andigpoi anda nsi cem.

DANIEL 3:17 ပူးပေါင်းရင်းမြစ်များ

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

NITRITI 18:14

Mun mindei rino bit bon tuhan yai kan bi i? Bed muhwindatai bu lene midikwei ngat je hanyen bu ba, ei mpe dima lene Sara migwam tut nipmot bit leu nok gi dipai bina tu.”

AYUB 34:29

Gino Allah kos tut bipia Noni migwam bimmou hak bibon mun nyeng hi bi lene bit bon tungwa dima ba nihyet yai Noni kan bi. Gino ku niimaisi leu yok lene bit bon tungwa hi dima ngat Noni kan bi.

AYUB 5:19

Gino mun di buhun bibor om kep na lene Noni miteu kep na leu ba, angwes ngun.

MAZMUR 115:3

Nyeni ide Allah No rima ei gwamti. Noni yai midyai nya bit leu ningon kanti.

MAZMUR 37:39

tuhan teu yo di ingon sren nya binyohou yok ei mpe dino mun di buhun om kep yok.

MAZMUR 37:40

Noni mpu yok biteu yok bingwes ngun leu yo di isibut nya indati lewo igwam coi Noni.

MAZMUR 73:20

tuhan e, yo di isibut nya idem kep nok mumpriem di kinei bibor di pren hanyen leu ibou ngwakti mem njap bigyoti. Tirigi akiju ba, aya lene yahagom ipror kros bingwig.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 54:14

Midiwin ade minu ei tig nikiou di ninyeng rino ningon sren-srausi dip ba, mun di cut igkep je kin yo di ico kep je mibong ei minu ting bibor.

YEREMIA 1:8

Ma attin tut yok au. Midingat rin bit na leu binhyepo dinyohou na. Da di tuhan disimbot dat tu!”

YEREMIA 15:20

Midibindei ba, anok ngug ngkimom-tembaga bou yo dima igyai him. Mbro nok gino ihwen bit na lo, ibindei timek na kan bi. Lewo midingat rin bit na leu binhyepo diya srak ko hagau na. Miditeu na ba, angwes ngun.

YEREMIA 15:21

Midikwek na leu yo di imbuk bibor nya di ihwen bit na ide nisindemti. Da di tuhan disimbot dat tu.”

DANIEL 3:26

Leu api Nebukadnezar ug ya kui mihyeti di itu ei tong nsi di hum cig-cai eisi dima bahara “Sadrakh kin Mesakh kin Abednego e, jo nibreisi mem da bipia jeni ne awak mem Allah Di Ninyeng Jei Bibor ri! Jibipbur bijehei kwei leu hum di cig-cai dima!” Lene yehei leu tong nsi hak ug.

DANIEL 4:35

Noni mian huk tungwatu dihyeisi dini bingat lo, idem kep nok yo di ibon inyeng bi ei niyai him. Ninyeng tak kep malaikati nya ei gwamti kin tungwatu dihyeisi dini cem. Bit bon tungwa hi tte tut ningon kanti bihig simber Noni tut niyai munti nya kan bi.

DANIEL 6:16

Jei bi lene yo dima ikwei hanyen bigya ei nibou ndig noho bei bipai “Jo nibreisi mem na di Andigpoi bipia srat nicukti dima ne Minu Media Kin Persia Niggai Serti di bit bon na di nibou ndig aluei angonti tut kan bi ri.”

DANIEL 6:23

Ditde Allah cuk Nide malaikati gom kwei leu api noni tak kep singa yuhui ser leu ba, yaham da bi tu. Noni teu da bidingwes ngun lewo kan tut bipia dingon ngun. Dibon mun tunggwei sut Noni kin na di Andigpoi cem bi.”

DANIEL 6:27

Dicuk tungwatu nya di ibong bidem dinyeng tak kepti nisurti-nipekti hagom leu binhyepo ittin tut Allah di Daniel kuk no bak ba, ikuk yok bak! Noni ne Allah di niyaijo bijo ninno bijo kikau ri. Nide ninyeng tak kepti jo kikau ug bipek kin njap ningwig honti. Bit bon hi bindei ba, Allah ninyeng tak kepti pror yon kan bi. Nide nisindemti cem ug hon nohonti bi sren.

MIKHA 7:7

Noro nye di iba ingon com tuhan ne iba ingon di nddong bicem kep puig ser ide Allah nikweisi. Noni mimiap kep ide nadi biteu nye ba, ingwes ngun.

LUKAS 1:37

Lewo Allah sindem mem gima yai mun nyeng hagom kan.”

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

KISAH 21:13

Noro Paulus buhup “Nggon rino jipim kep da ba, jibiyai dingon pus tut je i? Ditin ei mem ikat da ei minu ndig Yerusalem he bi noro mem diyai nimai drek dip Tuhan Yesus cem.”

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

KORINTUS GI NICAN 1:10

Noni teu nye biningwes ngun leu mun di nahanok mibie ndam nimai mem nye tu. Noni miteu nye ei nidipti bu cem lewo niba ningon com Noni.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

SAMUEL GI NIGOM 17:37

tuhan teu da bidingwes ngun leu singa nya kin beruang nya tu. Gima rino dikan tut bipia noni miteu da bidingwes ngun leu mben Filistin gom dima cem.” Lene Saul buhup “Nnaba aug hwen noni hak ug. tuhan misindem tut na.”

SAMUEL GI NIGOM 17:46

Njap di ammani ne tuhan mikes na ei dindati bibindei ba, acut bak dani leu api midirop abou leu ug ri. Lene midikes angut kin tentara Filistin ingut ei mem ha nya bipuk lene mindhe nya bibriug. Leu api tungwatu dihyeisi dini hagom mikan tut bipia nye di mben Israel nibon nyende Allah di nikuk nye bak.