DANIEL 3:15 - ALLAH NIHYET MEM TUNGWATU NYA

¹⁵ Gi nok ne tirigi pun mbrei kin porei kin nggong mbrei kin rebab kin gambus kin serdam nya bitut mun di tungwatu ikek nindigsi nya hagom nibimbiti tibim hanyen ne suar jikuk je bak kwar dima bijinggei sut. Gi bi ne yo di igya ser nya micom je tut jiyaisi ug ei tong nsi di hum njeng cig-cai eisi. Jikan bipia kwar ninyeng hi mikwei teu je leu hukum dima e?”

DANIEL 3:15 ပူးပေါင်းရင်းမြစ်များ

NIBOU NDIG NYA GI NICAN 18:35

Apo kwar di ikuk yok bak gi tou riteu nide limwa nya bingwes ngun leu dindati i? Gi nok lene nggon rino jikan bipia tuhan miteu minu ndig Yerusalem i?’ ”

NEHEI LEUSI 32:32

Ma aom angon tut yok ba, akos ser ide sisar. Gi bi lene adip tut dinyeng leu Ade daptar di apas kep Ade limwa nya inyeng eisi hak ug.”

NEHEI LEUSI 5:2

Lene Firaun buhup “tuhan dima tou i? Nggon rino dibit nihyet dima bidisindui sut mben Israel bimbut i? Dikan tut tuhan dima bi. Gima rino midisindui sut mben Israel bimbut bi.”

YESAYA 37:23

Akan tut tou rino akucang kinei-kinau ba, ahyet wer mpiahi tut cem dima i? No dima ne Da di Allah Israel di dikwes-kwau ri.

DANIEL 2:47

Nibou ndig pai “Daniel e, ade Allah ninyeng jei dor njiriek kwar di tungwatu nya ikuk yok bak hagom. Noni sindem dor njiriek nibou ndig nindigsi yahagom. Noni mbot kep mimun hagom kan. Gima hagom jo nibreisi mem da lewo aba angon di ki bipai sut mimun dima ningat bida tu.”

DANIEL 2:9

midikes hukum di noyam ei jahagom dip drek dip gino jimbot kep mumpriem dima bida bi a. Jiyok jingon gom mem jiris mun bida ba, jiba da bikek leu api jiyok jingon mem gima diluei dingonti. Noro bi! Ma jimbot kep ditde mumpriem bida leu api dikan tut bipia jidem mem gima jimbot kep ningat bram bu ri.”

DANIEL 3:17

Nyende Allah sindem mem gima teu nye leu hum nindig bibor di ninjeng cig-cai dima biteu nye leu na di Andigpoi anda nsi cem.

DANIEL 6:16

Jei bi lene yo dima ikwei hanyen bigya ei nibou ndig noho bei bipai “Jo nibreisi mem na di Andigpoi bipia srat nicukti dima ne Minu Media Kin Persia Niggai Serti di bit bon na di nibou ndig aluei angonti tut kan bi ri.”

DANIEL 6:20

Njap tekti rino noni kiju bibrim nimig ug ei jui dip.

MATIUS 10:19

Gino jiya ei nikei nya yoho bei lene ma jingon ku jenti tut mun di jibirop hanyen biyok au. Lewo mpe dima lene Allah mipingok jingonti tut mun di jibirop hanyen yo.

MATIUS 27:43

Noni ba ningon com Allah lene pai sut Nonti bipia Noni ne Allah Nipmot ri. Gi nok ne itou kep gino Allah miteu Noni biningwes ngun nogindini e?”

MARKUS 13:11

Tirigi tungwatu nya ikat je bibuwak je ug ei nikei nya yoho bei lene ma jingon ku jenti tut mun di jibirop hanyen biyok au. Lewo mun di tibim ei juhui him mikwei leu jenti jingonti bi noro Jicig Ninnei miba jihyet di Noni pingok je tut dima bibirop yo dima ighyet.

LUKAS 12:11

Tirigi tungwatu nya ikat je bibuwak je ug ei ig mbusyameisi mem gima nibou ndig kin yo di igya kui noni imbus jingonti lene ma jingon ku jenti tut notou jimbrap gau jenti kin gima jibirop hanyen biyok au.

LUKAS 13:9

Mpaba ningat mintun him ei ari bingwam gi nidipti bu e? Gi bi lene ma na di Andigpoi acuk da bidiwim ninjem hak ug.’ ”

KISAH 4:19

Noro Petrus kin Yohanes ibuhup “Ma jenti jihig yam tut mun di nijit di Allah joi sut. Nibit jenti jihyet e, he ma nibit Allah nihyet e, he notou i?

KISAH 5:29

Petrus kin yo di igya kui Yesus nindigsi nya ibuhup “Suar nibit Allah nihyet leu gima nibit tungwatu ighyet.

KISAH 6:15

Yo di isrig Nikei Puig Yahudi Nya ikieti yahagom itou kep Stefanus nggilun bingat lo, niimaisi dem kep malaikati niimaisi.