DANIEL 3:12 - ALLAH NIHYET MEM TUNGWATU NYA

¹² Noro Sadrakh kin Mesakh kin Abednego di mben Yahudi di na di Andigpoi ata yok ba, igya kui Daniel binyeng tak kep minu Babel bit noni pima isrep tut ahyet. Inggei sut ade nung nya ba, ikuk yok bak kwar di atas ei cem bi.”

DANIEL 3:12 ပူးပေါင်းရင်းမြစ်များ

ESTER 3:8

Leu api Haman pai bak nibou ndig “Na Di Anyeng Jei e, mben gom di titer leu mben nindigsi nya ibong timiei srig nyeti bidem hanjop nsi hagom ei ade ninyeng tak kepti dini. Igyai kepti nya cem titer leu ade limwa nya igyai kepti nya. Gima he bi lewo yo dini ibit niggai ser tungwatu nyati di tibim bidem anyeng tak kepti dini bi. Gima rino Na Di Anyeng Jei e, ma acigit yo di ibon mun bit leu ingon kanti dima au.

NIPINGOK NINGONTI 27:4

Ningon di nggrom kep hiter ne sisar rin binggek tut noro tou rahau mem hiter di ningon kinei sut noni i?

NIBA NINGON SRIP HUKTI 4:4

Lene dikan tut bipia tungwatu nya igyai midyai sindem drek dip gi ingat yo di inttig-tta nya ide ndigban di itug ndei leu midyai di ibrim ingkek tut nya. Gima yok hagom ne mun di bit bon dingon dorti tut kan bi rin ba, dem kep nok niyon igkep hou nimig.

DANIEL 1:7

Mindor di ninyeng tak kep nibou ndig de ig bei nsi nya dima jem ibou bitai dini inyeng Beltsazar kin Sadrakh kin Mesakh kin Abednego.

DANIEL 2:48

Leu api Nebukadnezar bindei ba, Daniel yai ninyeng di jei bibor bitug ndei ndigban di nibok kak bibor cem. Noni ta Daniel ba, ninyeng tak kep ei minu Babel bikon ninyeng nok nibou mem yo di igya kui nibou ndig yahagom cem.

DANIEL 2:49

Daniel hara nibou ndig apino noni ce nihyet bita Sadrakh kin Mesakh kin Abednego ba, inok nibou di igya kui Daniel ei minu Babel. Noro Daniel nongkom ya kui nibou ndig ei nide kintrorti.

DANIEL 3:11

Tungwa tou rino kuk no binggei sut kwar dima bi mitug ndei hukum dino tentara nya micom no dima tut niyaisi no rinaha ug ei tong nsi di hum njeng cig-cai eisi.

DANIEL 3:16

Sadrakh kin Mesakh kin Abednego ibuhup “Na di Andigpoi di anyeng jei bibor e, nipai mun mem nibisu tindei binimbrap gau nyenti bi.

DANIEL 3:29

Gima rino ditri tut bipia bikwop tungwagom-gom di leu timiei minu nya kin mben nya kin gi mbrap nihyet hiter nya di nihyet wer mpiahi tut Sadrakh kin Mesakh kin Abednego ide Allah mitug ndei hukum nikos noni kukiau kin, nilet nide ig bingwig biwer ig kum kroi cem. Bit bon kwar hi teu tungwatu nya noyam kin Allah di teu yo dini kan bi.”

DANIEL 3:30

Gima ngwig lene nibou ndig bindei ba, Sadrakh kin Mesakh kin Abednego igyai inyeng di jei bibor ei minu Babel.

DANIEL 6:13

yahagom ittei yam ba, yuug kkin kep ninghapti ei nibou ndig noho bei bipai bak “Andigpoi e, aba buk bitak srat nicukti gom di cuon ser tungwatu nya bipia harin dima yahara ide kwar kin tungwatu hiter mem mmun-njap ningot ningai a. Noro suar yahara na di Andigpoi nangkom he. Tungwa tou rino tunggwei nicukti dima bibit bi lene icom noni ug ei jui di singa nya ibongti.” Nibou ndig buhup “Igbit ri. Gima ne Minu Media kin Persia Niggai Serti di bit bon nibou ndig luei ningonti tut kan bi ri.”

DANIEL 6:14

Leu api ipai bak nibou ndig “Daniel di akat kwei leu nitimieisi ei minu Yehuda kuk no bak na di Andigpoi bibit nicukti di atri tut dima bi. Noro ngat nadi mbiningai bikwop njap ngwa hagom bit leu nok niyai kepti.”

KISAH 17:7

ba, Yason cigit yok kui nide igya. Yo dima isrep tut Kaisar nimbrap tutti nya bitri tut Yesus di nok nibou ndig hiter bu.”

KISAH 5:28

“Nipou ne nisok kep je ngkiem ser bipia ma jitri tut Yesus ningginau jeti bak tungwatu nya au. Ma jiba jingon srip bram mun di jiyai dima yok i! Jide ningginausi digek kep minu ndig Yerusalem ba, jimbres kep nye tut Yesus nimaisi cem!”