DANIEL 2:9 - ALLAH NIHYET MEM TUNGWATU NYA

⁹ midikes hukum di noyam ei jahagom dip drek dip gino jimbot kep mumpriem dima bida bi a. Jiyok jingon gom mem jiris mun bida ba, jiba da bikek leu api jiyok jingon mem gima diluei dingonti. Noro bi! Ma jimbot kep ditde mumpriem bida leu api dikan tut bipia jidem mem gima jimbot kep ningat bram bu ri.”

DANIEL 2:9 ပူးပေါင်းရင်းမြစ်များ

NIBOU NDIG NYA GI NIGOM 22:22

Lene Allah hig ser noni ‘Aris bak noni notou i?’ Lene ninnei dima buhup ‘Duug ngat Ahab de nabi nya lene midibindei ba, yahagom iris mun.’ Lene Allah cuk noni ‘Aug ba, aris bak noni hak ug lewo ayai munti dima mingat ningat ug ri.’ ”

NIBOU NDIG NYA GI NIGOM 22:6

Gima rino Ahab hig nabi nya ibou sratus bitai kwei bihig ser yok “Duug ya kep bidihwen minu ndig Ramot e, he bi e?” Lene yahagom ibuhup “Aug hak ug lewo Allah mihwen minu ndig dima mem na di Andigpoi.”

ESTER 4:11

“Bikwop pinai kin sop di nibou ndig gijem bi lo, ug ngat nibou ndig ei ninsi di jo bas hak di iba ngug tig bikrop ttai ma kwei lene suar tug ndei nimai drek dip. Harin dima nibou nya kikau ug bipek limwa nya ei nibou ndig ninyeng tak kepti dini cem inggek nikos tutti dima a. Yahagom ingon hukti. Puig gom ngat di mibindei di no di ug ngat nibou ndig dima ningwes ngun leu hukum nimai rinok gini. Gino nibou ndig krau nide tom mas ei nindati bisu bak no dima lene ningwes ngun. Noro nibou ndig jem da biduug ngat noni bi ei bed nitindur gom tu.”

NIPINGOK NINGONTI 12:19

Niris munti minggek urung noro nihyet di nijit jo ninno bijo kikau.

YESAYA 41:23

Ma jipai igbit tut mun di mipek kep mem tungwatu nya ei nidipti bu leu binhyepo nikan mungkun tut bipia jeni ne kwar di nijit ri. Ma jibindei ba, mun di kei pek kep ba, mun di kinei micut igkep tungwatu nya leu binhyepo ninga leu sut.

YESAYA 44:25

Dibindei ba, yo di iko mun bibinggok tut ndiyok ingon mbum ba, diba yo di nung kui yok bikek. Dibigen ser yo di ingon ki nya ighyet bidikiek ingon di kimbo bidibindei ba, ingon mbum hanyen.

YEHEZKIEL 13:17

tuhan pai “Na di tungwatu di ayaijo kikau bi e, nogindini angig ayai kep sop di isrig jikieti di ibon yonti nok nabi sop dima. Ma asok kep yok ba,

YEHEZKIEL 13:19

Jihyet wer mpia hi tut Da ei Ditde limwa nya yoho bei leu binhyepo jibikam gandum barli nittun poi he ei jindati kin roti ninggop poi he. Jiyai nimai bak yo di ibon mun tunggwei bi nya. Jisindui sut yo di suar itug ndei nimai ba, igyaijo. Leu api jisuglai mun bak Ditde limwa nya apino iba ingon com je.’ ”

YEHEZKIEL 13:6

Ningat-hi-ngat di ingat nya ne nitrowai nitu. Mun di itri tut di mipek kep ei nidipti bu cem isuglai he. Ikon ighyet tut bipia mun di ipai sut nya ne ipai sut dihyet di disok ei yok dip lo, digicuk yok bi sren. Mbro nok gima lo, ingon ya mem gima ighyet di itri tut dima mipek kep mem yok!

DANIEL 2:16

Daniel brim nimig buug ngat nibou ndig leu api hara noni leu binhyepo bet ningon mem nituti poi leu binhyepo Daniel ba ningon bisrip huk nibou ndig de mumpriem kin nicoi ei ningatti ug e.

DANIEL 2:21

Ninyeng tak kep bed di biang hou kin bed di biang mpia ngeisi cem kin nijam nya hagom cem. Noni ta nibou ndig nya leu api cug inyeng di jei hanyen leu yok. Nongkom bindei ba, tungwatu nya ingon ki ba, ingon dorti.

DANIEL 2:8

Tirigi noni miap ibuhupti nok rino pai kep yok “Igbit ri! Diba dingon kan bipia jibindin-ndin nyen lewo jo nibreisi mem je tut gi dikos tut bipia,

DANIEL 3:15

Gi nok ne tirigi pun mbrei kin porei kin nggong mbrei kin rebab kin gambus kin serdam nya bitut mun di tungwatu ikek nindigsi nya hagom nibimbiti tibim hanyen ne suar jikuk je bak kwar dima bijinggei sut. Gi bi ne yo di igya ser nya micom je tut jiyaisi ug ei tong nsi di hum njeng cig-cai eisi. Jikan bipia kwar ninyeng hi mikwei teu je leu hukum dima e?”

DANIEL 5:28

‘Ikwas hacan’ ndo tut gi Allah bindei ba, anyeng tak kepti kwas hacan tu ba, mben Media inyeng mitak kep igdo hi lene mben Persia inyeng mitak kep igdo hi bu.”

DANIEL 7:25

Nihyet wer mpiahi tut Allah Di Ninyeng Jei Bibor bihwen bit Allah de limwa nya cem. Noni brim ningkek mem gima nggek tut limwa dima yok ide niggai serti nya kin ide njap ndig nya cem ba, ninyeng tak kep yok mem ari bingwam ningai ba, bed muhwindagom.

KORINTUS GI NICAN 2:17

Nyeni ninoyam kin yo di hiter di iba Allah nihyet bikek noyam kin ndigban di nitri-binibipek ndiyok bi. Niba ningon srenti kin ningon gomti biyai kep Allah de midyai nya bou Noni niyai him lewo Noni cuk nye. Noni ngat bipia ninok awak di tri tut nihyet.