DANIEL 2:5 - ALLAH NIHYET MEM TUNGWATU NYA

⁵ Nibou ndig buhup “Dikos tut bipia suar jimbot kep tut ditde mumpriem bibie bida leu api jicoi ei ningatti bram bu. Gi bi ne midikos jahagom kukiau leu api midibindei ba, jide ig tti biyem mpia ningwig a.

DANIEL 2:5 ပူးပေါင်းရင်းမြစ်များ

NIBOU NDIG NYA GI NICAN 10:27

Indig kwar ningat bitut ig Baal nibousi cem. Ibindei ba, mpia dima noyam kin gumuhukti kikau kwei bipek ammani kep.

EZRA 6:11

Tut yo di ibit ditde nicukti dini bi ne diba dihyet bikak nindigsi nya leu binhyepo ikus dihim gom leu no dima nide ig leu api yeheu niyenti binggwen lene ibidat ningut ba, ninggwenti kimbas eisi bittau nite hi. Suar jilet nide ig leu api jibindei ba, nigkumti dem kep nok jui mumpiang di mpiei bibor.

MAZMUR 50:22

Je di jiba jingha bak Allah e, ma jiyok ngon kep dihyet. Gi bi lene midibindei sar je leu ba, hi dima miteu je bijingwes ngun kan bi.

MAZMUR 58:7

Allah e, adahat ikwai nya. tuhan e, atiba mindhe singa nehen pap dima yok ikwai di tuk leu.

DANIEL 2:12

Tirigi nibou ndig miap ibuhupti nok rino noni gga yok nindig bibor leu api com nihyet leu binhyepo yo di ipingok kep ningonti ei minu Babel hagom itug ndei hukum nimai.

DANIEL 3:29

Gima rino ditri tut bipia bikwop tungwagom-gom di leu timiei minu nya kin mben nya kin gi mbrap nihyet hiter nya di nihyet wer mpiahi tut Sadrakh kin Mesakh kin Abednego ide Allah mitug ndei hukum nikos noni kukiau kin, nilet nide ig bingwig biwer ig kum kroi cem. Bit bon kwar hi teu tungwatu nya noyam kin Allah di teu yo dini kan bi.”

DANIEL 4:9

“Na di Beltsazar di anyeng tak kep yo di ingon ki nya e, acem. Dikan tut bipia angon mpung tut Allah ninnei ba, angon dorti tut mimun hagom cem. Ma angig atingou mem ditde mumpriem leu api apai igbit mumpriem dima ningat bida.

NINDAT KEP TUHAN NICUKTI NYA 13:16

Suar jimbus timiei minu ndig dima yok ide ndigban hagom keyam bijo-jo yam dip ei biyati gom leu api jindig minu ndig dima bitut ndigban di inyeng tut nya hagom kep hum nok nibon midut mem jide tuhan Allah. Gima leu su lene suar jisindui sut mpia dima leu binhyepo nindung yem dihyei ei bijo ninno. Lene ma jiwin minu dima hanyen bu au.

YOSUA 6:26

Mpe dima lene Yosua sok kep tungwatu nya yahagom bipai “Tungwa tou rino kinyon ei gima win minu ndig Yerikho hanyen mitug ndei tuhan de nisigion noti. Tungwa tou rino tig cou nipmem lene nipmot mighumbou mimai drek dip. Tungwa tou rino kinding dimbou di itu ei ngug tig lene nipmot nipumiap mimai drek dip.”

SAMUEL GI NIGOM 15:33

Lene Samuel pai binoni “Bit leu nok gi po ade simeda bindei ba, sop imang bibor ide munggwom nya isar bingwig leu yok lene nok gima cem simeda gom mibindei ba, apmem nipmot gom misar hak leu noni.” Lene noni kkin Agag kukiau hak ei bei nimbar hum dok nuhui ei Gilgal.