DANIEL 2:45 - ALLAH NIHYET MEM TUNGWATU NYA

⁴⁵ Andigpoi e, angat bou ayai him bipia tig ndig di rim kwei leu pimbien bou cut bitot kwar ngkimom nitu kin ngkimom-tembaga kin igtuyap kin perak kin mas bi e? Allah di ninyeng jei bibor ndo mun di micut igkep dihyeisi dini ei nidipti bu brei bina di Andigpoi. Dindat hagom bit leu nok amumpriemti pima leu api dicoi ei ade mumpriem ningat cemti bidipai igbit hagom bina tu.”

DANIEL 2:45 ပူးပေါင်းရင်းမြစ်များ

NITRITI 41:26

Lewo sapi di pap-nap kei nya ningut muhwindacan kin gandum nibou di mpung kei ningat muhwindacan hacem bindo tut ari bingwam nitindur muhwindacan ba, hacem bon nisinati gom ngat he.

NITRITI 41:28

Bit leu nok gi dipai bina di Andigpoi ri. Allah mbot kep tut ningon kanti bina di Andigpoi tu.

NITRITI 41:32

Na di Andigpoi amumpriem mbican tut mun di bon nimbot kepti gom ngat he lene gini bindo tut bipia Allah kos tut ningon kanti tu leu api noni mibindei ba, jei bi lene hagom cut igkep nye.

SAMUEL GI NICAN 7:22

tuhan Allah Di Anyeng Jei Bibor e, asindem bibor! Nangkom ne Allah ri! Tungwatu nya noyam kin Nani bi. Nikan tut gini lewo nimiap tut hagom nipou kwei bipek ammani kep tu.

NIBOHON MBEN ISRAEL GI NIGOM 16:25

Lewo tuhan ne Andigpoi Di Ninyeng Jei rin ba, suar tungwatu nya yahagom inggei sut Noni. Je di tungwatu nya jahagom e, ma jittin tut Noni dor njiriek jide kwar di jikuk je bak nya.

NEHEMIA 4:14

Tirigi dingat lo, limwa nya ingon bos-bos nyen lene dipai biyok kin ide nibou nya “Ma jittin tut ide siceu nya au. Jiyok ngon kep bipia Tuhan sindem bibor lene ma jibrim jingkek bijinyohou jisut bat timiei minu dini kin jimunggwom bat nya kin jitnem bat nya yahagom bitut ig jide nya cem hagom.”

NEHEMIA 9:32

Nyende Allah e, asindem bibor! Anyeng jei cem abindei ba, tungwatu nya ittin tut Na cem! Aba angon gom biyai hagom bit leu nok apreu ei mem nyeti tu. Abindei mbut ba, abindei bipek kep mun di apreu ei mem nye cem. Tirigi po nibou ndig mben Asyur mbuk tut nye pima kikau kwei bipek ammani kep ne nahagom nitug ndei mun di buhun bibor! Nyende nibou ndig nya kin imam nya kin nabi nya kin yo di inyeng jei nya nidigup bat-nidigai bat nya nahagom nitug ndei mun di buhun bibor! Ma ayok ngon kep mun di buhun tak nye!

AYUB 36:26

Allah dia-diau jit ba, bit bon nyeni ingon dorti tut Noni kan bi. Bit bon ikwop Nide ari bingwam nimangti cem kan bi.

MAZMUR 135:5

Lewo dikan tut bipia tuhan nindig bibor ba, ninyeng jei bibor dor njiriek kwar di ngkiai nya ikuk yok bak hagom.

MAZMUR 145:3

tuhan ninyeng jei bibor. Gima rino ma tungwatu nya inggei sut Noni nindig bibor. Bit bon nye di tungwatu ingon dorti tut ninyeng jeisi kan bi.

MAZMUR 2:9

Mporo aba tom ngkimom nitu bibui yok bidahat leu api acom yok dem kep nok acom dibijig di ki kukiau ninnirwapti.

MAZMUR 48:1

Nimpung Korah ide doia.

MAZMUR 96:4

tuhan ninyeng jei bibor. Gima rino ma inggei sut Noni nindig bibor bikon ninyeng ei nai dor njiriek kwar nya inyenga.

YESAYA 28:16

Gima rino tuhan Di Sindem Bibor pai “Midita cou nipmem di sindem bibor ba, nddong kei cem ei mem Sion. Midiprion tig mma di bon ninyeng ei ig nuhuisi ba, mun di ipas eisi pai ‘Tungwa tou riba ningon com Da bingkiem kei miningon pus tut bi.

DANIEL 2:24

Gima ngwig lene Daniel ug ngat Ariokh di nibou ndig cuk no bipia kes hukum nimai ei yo di ipingok kep nibou ndig ningonti pima bipai bak “Ma akos yok au. Abuwak da ug ei nibou ndig noho bei lewo ditin ei mem dimbot kep nide mumpriem ba, dibicoi ei mumpriem ningatti bak.”

DANIEL 2:28

Noro Allah ei gwamti sindem mem gima mbot kep mimun hagom. Noni mbot kep tut mun di micut igkep na di Andigpoi ei nidipti bu bina tu. Nogindini dimbot kep tut ade mumpriem kin ningat-hi-ngat di angat mpe di abong mai pima bina.

DANIEL 2:29

Tirigi na di Andigpoi abong mai pima lene amumpriem tut nijam gi nidipti bu. Allah di mbot kep tut mimun hagom ndo igbit mun di micut igkep na ei nidipti bu.

DANIEL 2:44

Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.

DANIEL 8:25

Noni yai mun bipek kep niris ei tungwatu nyati lewo noni ne niris kep mun cig ri. Noni mikon nonti lene bindei sar yo di imang bibor kros nipou tirigi sok kep yok tut bigyo. Mbenjen! Noni miyai nibou tut gi hwen bit Nibou Ndig Di Ninyeng Jei Bibor cem. Noro noni mitug ndei gi cut bisar bihigomti lo, gima tug hon tungwatu nya ide nisindemti bi.

HAGAI 2:22

bidinjei ngkiai nya ide ninyeng tak kepti nya ba, dibindei timek ide nisindemti nya. Midibindei kiek ide kroba pran nya bitut yo di ibri bikrau nya ug ei dihyeisi. Kuda hagom mimai lene yo di ibri kuda nya yonti mitot yam bingwig.

ZAKHARIA 12:3

Noro tirigi njap dima dem ne dibindei ba, minu ndig Yerusalem dem kep tig di buhun bibor. Mben di ijo leu tirima-tirima di ibingon mem gima ikon tig dima miyuum mun di buhun drek dip. Mben dihyeisi dini hagom mibicom yam ba, injei bihwen bit minu ndig Yerusalem.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MATIUS 21:24

Yesus buhup “Dani cem dihig ser je tut mun nyeng gom. Gino jibuhup igbit lene midibirop bije tut no di sindem tut Da mem dibon mindur nya.

MATIUS 24:35

Mpia-bbed him kin dihyeisi dini misar noro Da dihyet misar bi sren.”

LUKAS 17:20

Farisi nya ibou pwoi ihig ser Yesus “Allah ninyeng tak kepti mittau kep nye apig bu i?” Noni buhup “Allah ninyeng tak kepti mittau kep nye tug hon bindo ei tungwatu nya igyai him,

NINDAT KEP TUHAN NICUKTI NYA 10:17

tuhan di nok jide Allah ninyeng jei dor njiriek kwar di tungwatu nya ikuk yok bak nya kin nisindemti nya hagom. Ma tungwatu nya ibit nihyet lewo ninyeng jei ba, Noni sindem bibor cem. Noni mbus nggok tungwatu nya ba, ce tut hi ba mitiei bingot kep Noni bi.

NINGAT-HI-NGAT NYA 1:19

Gima rino ma apas kep mun di angat bou ayai him bitut mun di angat mem nijam dini kin mun di mipek kep ei nidipti bu.

NINGAT-HI-NGAT NYA 19:17

Leu api dingat malaikati gom di ya niyati ei mpia njap dip lene ba nihyet nindig bibor bijem kep ha di imba-mba nyen ei mpia-bbed him yahagom “Jinduk yam kwei mem Allah de pesta di nindig bibor o!

NINGAT-HI-NGAT NYA 4:1

Gima ngwig leu lene dingat ningat-hi-ngat hi kin bu tut dimbou di kau ei gwamti. Leu api nihyet di tibim nok pun mbrei di mbrap bit da nipou jem da “Akui kwei ei sirini leu api dindo mun di pek kep ei nidipti bu bina.”