DANIEL 2:4 - ALLAH NIHYET MEM TUNGWATU NYA

⁴ Yo dima iba nihyet Aram bibuhup “Nnaba na di Nibou Ndig ayaijo ninno! Na di Andigpoi e, apui sut ade mumpriem binye leu api minipai igbit bina tut ningat a.”

DANIEL 2:4 ပူးပေါင်းရင်းမြစ်များ

DANIEL 5:10

Mpe dima lene nibou ndig nipmem miap nibou ndig kin yo di inyeng jei di yahara-hara nyen ighyet leu api bisau bicoi ug ei ninsi di igyem pesta eisi. Noni pai bak nibou ndig “Nnaba na di Nibou Ndig ayaijo ninno! Nnaba na di Andigpoi angon jo nyahan lene ma aimaisi hai bibor nok gima au.

DANIEL 3:9

Gima rino ipai bak Nibou Ndig Nebukadnezar “Ma na di Nibou Ndig ayaijo ninno!

EZRA 4:7

Mpe di gom bu ei nijam di Kaisar Artahsasta ninyeng tak kep minu Persia ne Bislam kin Mitredat kin Tabeel yoni igya tut isut bat nya bipas srat bak nibou ndig dima bu. Iba nihyet Aram bipas srat dima. Gima rino mpe di ikwop srat dima bak nibou ndig lene suar hi luei nihyet di iba nihyet Aram bipas dima ei nihyet di nibou ndig ningon dor niti.

YESAYA 36:11

Leu api Elyakim kin Sebna kin Yoah ipai bak nibou tentara dima “Andigpoi e, ma aba nihyet Aram bimbrap bit nye lewo nimiap nihyet dima. Ma aba nihyet Ibrani au. Leu ma limwa di igwam ngug tig dip ei dima imiap mun di apai binye nya.”

DANIEL 6:21

Ug krau lene ba ningon di pri bijem “Daniel, awak Allah di niyaijo e, ade Allah di aba angon di gom bikuk na bak sindem mem gima teu na ba, angwes ngun leu singa nya tu e?”

DANIEL 6:6

Gima rino isimbot kep biyam bipai “Bit bon inggok tut mun di ibisrou noni tug hon puig hiter kan bi noro tug hon gi noni bindei mbut nikuk no bak Allahti he.”

NIBOU NDIG NYA GI NIGOM 1:31

Lene Batsyeba kuk no ei nibou ndig nimig him bipai “Andigpoi Nibou Ndig Daud e, ma ayaijo ninno!”

MATIUS 21:9

Tungwatu ningot ndig bihi ibie lene bihi igya abia kep Noni leu api ighyet kui yam bipai “Jikwei ba, inggei sut Daud Nipmot o! Allah e, anjei mun di kei bak No di kwei sut Tuhan de nisindemti o! Jikwei ba, yahagom inggei sut Allah di ningat rin ei ginyo kug o!”

DANIEL 5:8

Lene yo di ipingok kep nibou ndig ningonti ikwei yok igyai kep hurup bokti dima sindam noro bit bon hi kwop nibokti bipai igbit ningat bak kan bi.

DANIEL 4:19

Daniel di ninyeng hi Beltsazar miap nihyet dima lene digit tut ba, nga leu nindig bibor. Apino Nibou Ndig Nebukadnezar pai bak “Ma adigit tut ditde mumpriem kin mumpriem ningat au.” Beltsazar buhup “Andigpoi e, Dillei sut gino ade mumpriem kin nimbot kepti cem hagom bitut nani bi noro bitut ade siceu nya.

DANIEL 4:7

Tirigi yo di ingon ki kin yo di nung kui yok kin yo di inda dut kin yo di iko mun ibinggok tut ndiyok nya yahagom idem yam ei su leu api dipai sut mumpriem dima biyok noro bit bon ipai ningat bida kan bi.

YESAYA 44:25

Dibindei ba, yo di iko mun bibinggok tut ndiyok ingon mbum ba, diba yo di nung kui yok bikek. Dibigen ser yo di ingon ki nya ighyet bidikiek ingon di kimbo bidibindei ba, ingon mbum hanyen.

NEHEMIA 2:3

bidibuhup “Na di Andigpoi e, ma ayaijo ninno! Bit bon diku diimaisi di hai bijo nding leu na di Andigpoi ayai him kan bi. Dingon buhun tut ditimieisi po itig didigup bat-didigai bat nya eisi pima lewo minu dima lus bingwig ug ei dihyeisi ba, hum yem dimbou pmem nya hagom tu.”

NIBOU NDIG NYA GI NIGOM 1:25

Njap di ammani noni ug bon midut bibui sapi nikre kin domba nya kin sapi pmot di nehen pap mang bibor bindig kep hum tu. Noni nduk apmot bat nindigsi nya kin Yoab di nibou pran kin Imam Abyatar yahagom bibon midut bit noni. Nogindini yahagom igyem pesta ba, igyai nillei lene imbos-hi-mbos cem bitri tut ‘Adonia e, ma ayaijo ninno!’

SAMUEL GI NIGOM 10:24

Lene Samuel pai biyok “tuhan ndo no dini nok jide nibou ndig. Lewo nye di nindigsi yahagom hi noyam kin noni bi.” Pai nok lene tungwatu nya yahagom imbos-hi-mbos bipai “Na di nibou ndig e, ma ayaijo ninno ug o!”

NITRITI 41:8

Njap di hyep bu rino ningon ku no tut. Gima rino nduk yo di nung kui yok nya kin yo di ingon ki nya di ibong ei minu Mesir yahagom kwei. Lene noni pui sut nide mun di mumpriem dima biyok noro bit bon hi mbot kep tut mumpriem dima kan bi.

NITRITI 31:47

Lene Laban jem tig nibiyok ngon kep dima ninyeng “Yegar-Sahaduta” lo, Yakub jem ninyeng “Galed.”

NIBOU NDIG NYA GI NICAN 18:26

Lene Elyakim kin Sebna kin Yoah ipai bak nibou pima “Andigpoi e, ma aba nihyet Aram bimbrap bit nye lewo nimiap nihyet dima. Ma aba nihyet Ibrani au. Lewo nyende limwa di igwam ngug tig dip dima yahagom imiap ahyet.”

DANIEL 1:4

Suar noni nggok pinai pilei nya di inghuisi kwes cem yuubu cem icoi pikor ninno ba, wer ingon ki cem ikan bidem tut mun nyeng hagom cem ba, idem mem gima igyai kep midyai bit nibou ndig ei nide kintrorti. Suar Aspenas ngginau yok tut nihyet Babel leu binhyepo yahagom imbrap nihyet Babel bipas hurup Babel cem kan.

DANIEL 2:7

Ibuhup hanyen bipai “Andigpoi e, gi kei mem ambot kep ade mumpriem binye bibie ug e leu api minicoi ei ningatti binimbot kep bina.”

DANIEL 4:9

“Na di Beltsazar di anyeng tak kep yo di ingon ki nya e, acem. Dikan tut bipia angon mpung tut Allah ninnei ba, angon dorti tut mimun hagom cem. Ma angig atingou mem ditde mumpriem leu api apai igbit mumpriem dima ningat bida.

DANIEL 6:7

Gima rino yahagom yuug ngat nibou ndig bipai binoni “Nnaba na di Nibou Ndig Darius ayaijo ninno!