DANIEL 2:31 - ALLAH NIHYET MEM TUNGWATU NYA

³¹ Andigpoi e, tirigi po ningat-hi-ngat pima bitimon na ne angat kwar di nindig krop di sieng-siau kei di bindei ba, angon ttin bibor di ya bibie aho bei.

DANIEL 2:31 ပူးပေါင်းရင်းမြစ်များ

YESAYA 13:11

tuhan pai “Midikes hukum ei dihyeisi dini dip drek dip nibon mun di kinei biborti. Lene dikes hukum ei yo di isibut nya dip drek dip ide sisar di ibon nya. Midicut bikwop yo di ikon yonti nya inyeng leu yok ba, midikes hukum ei yo di ingon jei nya kin yo di iten-pos nya dip.

YEHEZKIEL 28:7

Gima rino midipinak tentara ngkiai di iten-pos nya kwei mem gima ihwen na. Yoni mibindei timek ade nikei-kausi nya di atug ndei tug hon ade ningon kiti kin ade ningon di huk niti hagom bingwig leu na.

DANIEL 2:36

Dindo ade mumpriem brei bina di Andigpoi tu. Nogindini midicoi ei ade mumpriem ningatti bina.

DANIEL 2:37

Andigpoi e, nani ne nibou ndig di ninyeng jei dor njiriek nibou ndig nindigsi yahagom ri. Allah ei gwamti ta nani ba, anyeng tak kep limwa nya. Asindem bibor ba, anggwes bibor cem ba, anyeng jei bibor cem.

DANIEL 3:1

Jei bi lene Nibou Ndig Nebukadnezar cuk tungwatu nya biba mas bibon kwar di nindig krop di nijeisi dem meter ningot can ba, muhwindacan. Lene ninyanti dem meter ningai leu api cuk yok ba, itas kwar dima biya pijum kei ei briep bousi Dura ei minu Babel.

DANIEL 4:36

Tirigi dingon tungwatu hanyen lene Allah ngkwei ditde ninyeng jeisi kin ditde nikei-kau-keisi kin dinyeng tak kepti di sindem bibor hagom hanyen bida. Yo po igya kui da kin nibou nya pima yahagom igya um da bipigo da leu api Allah bindei ba, dinyeng tak kep yok hanyen bu he bi noro dinyeng jei bibor dor njiriek gi nipou.

HABAKUK 1:7

Tentara dima inghapti di tibim bindei ba, mben dihyeisi dini hagom ittin tut yok bingon ttin bibor cem. Tentara dima iba ingon di jei birok niggai serti nya hagom lene ibit gi dem igbit yonti ingon kanti.

MATIUS 4:8

Lene Bilis buwak Yesus ug ei mbigdip anai bibor leu api ndo minu ninyeng tak kepti di jodihyei nisurti-nipekti tut nikei-kausi nya hagom bak.

LUKAS 4:5

Lene Bilis buwak Noni ug ei nipieti anai bibor leu api haninyai ndo nibou ndig ide minu ninyeng tak kepti nya hagom bak.