DANIEL 2:29 - ALLAH NIHYET MEM TUNGWATU NYA

²⁹ Tirigi na di Andigpoi abong mai pima lene amumpriem tut nijam gi nidipti bu. Allah di mbot kep tut mimun hagom ndo igbit mun di micut igkep na ei nidipti bu.

DANIEL 2:29 ပူးပေါင်းရင်းမြစ်များ

NITRITI 41:25

Lene Yusuf buhup “Andigpoi e, mun di amumpriem tut dima hacem nimbot kepti gom ngat he. Lewo Allah mbot kep tut ningon kanti bina di Andigpoi.

YEHEZKIEL 38:10

tuhan Di Ninyeng Jei Bibor pai bak Nibou ndig Gog “Ei nituti dima ne ma atin ei angon kanti di kinei bibor mem yok.

DANIEL 2:22

Nongkom mbot kep mimun di jut bibor bikan tut mun di jo ei nidinditi hagom. Nipigati di sieng-siau kei nggai Noni.

DANIEL 2:23

Didigup bat-didigai bat nya ide Allah e, dinggei sut Na bidikon anyeng. Abindei ba, dingon ki ba, disindem cem. Abuhup dihyet tirigi dingat nadi lene apingok nyeni ningonti tut mun di nibuhup bak nibou ndig tu.”

DANIEL 2:28

Noro Allah ei gwamti sindem mem gima mbot kep mimun hagom. Noni mbot kep tut mun di micut igkep na di Andigpoi ei nidipti bu bina tu. Nogindini dimbot kep tut ade mumpriem kin ningat-hi-ngat di angat mpe di abong mai pima bina.

DANIEL 2:45

Andigpoi e, angat bou ayai him bipia tig ndig di rim kwei leu pimbien bou cut bitot kwar ngkimom nitu kin ngkimom-tembaga kin igtuyap kin perak kin mas bi e? Allah di ninyeng jei bibor ndo mun di micut igkep dihyeisi dini ei nidipti bu brei bina di Andigpoi. Dindat hagom bit leu nok amumpriemti pima leu api dicoi ei ade mumpriem ningat cemti bidipai igbit hagom bina tu.”

DANIEL 2:47

Nibou ndig pai “Daniel e, ade Allah ninyeng jei dor njiriek kwar di tungwatu nya ikuk yok bak hagom. Noni sindem dor njiriek nibou ndig nindigsi yahagom. Noni mbot kep mimun hagom kan. Gima hagom jo nibreisi mem da lewo aba angon di ki bipai sut mimun dima ningat bida tu.”

AMOS 4:13

tuhan Nonti rino pai tes nungug kin houa. Noni ndo ningon kanti nya bak tungwatu nya. Noni pai tes mpia njap kin bed mmun cem ba, Noni mbut nyen ei mbigdip di jei bibor nya. Ninyeng rino tuhan Di Sindem Bibor.