Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DANIEL 2:28 - ALLAH NIHYET MEM TUNGWATU NYA

28 Noro Allah ei gwamti sindem mem gima mbot kep mimun hagom. Noni mbot kep tut mun di micut igkep na di Andigpoi ei nidipti bu bina tu. Nogindini dimbot kep tut ade mumpriem kin ningat-hi-ngat di angat mpe di abong mai pima bina.

အခန်းကိုကြည့်ပါ။ ကော်ပီ




DANIEL 2:28
32 ပူးပေါင်းရင်းမြစ်များ  

Lene ibuhup “Nahacem nimumpriem hi mmun di aponi noro bit bon tungwa hi mbot kep tut mumpriem dima ningat binye kan bi.” Lene Yusuf pai biyok “Allah Nongkom sindem tut tungwatu nya leu binhyepo imbot kep tut nimbot kepti kan. Ma jipui sut mun di jimumpriem bida ug e.”


Lene Yusuf buhup “Andigpoi e, dani ne bi noro Allah mimbot kep tut nok igbit bina di Andigpoi.”


Lene Yusuf buhup “Andigpoi e, mun di amumpriem tut dima hacem nimbot kepti gom ngat he. Lewo Allah mbot kep tut ningon kanti bina di Andigpoi.


Lene Yakub nduk nipmot bat nya yahagom kwei bipai biyok “Jikwei ya kui da bidimbot kep tut mun di mipek kep mem je ei nidipti bu.


Nyeni ide Allah No rima ei gwamti. Noni yai midyai nya bit leu ningon kanti.


“Ei nidipti bu ne mbigdip di tuhan De Ig joti jei ndig krop dor njiriek mbigdip nindigsi nya hagom. Mben dihyeisi dini hagom minduk yam kwei ei gumihyep dima.


Tou rino kuk no bak Na di anok nibou ndig mem ngkiai nya yahagom i? Ningat ne adem mem gima ikuk yok biNani nok gi igbit a. tuhan e, yo di ingon ki nya di isrig ngkiai nyati bitut nibou ndig di ide nya cem hi dem mem ibinai kin Nani bi sren.


Noro ei nijam gi nidipti bu lene midibindei minu Moab bibong kei bigwam kei nok gi nipou hanyen. Da di tuhan disimbot dat tu!” tuhan mibindei ba, mun di buhun bibor dima hagom micut igkep minu Moab.


Akan bipia angon ki dor njiriek Danel apino mimun hi di jo nding leu nani bi ug a.


Leu api acoi ba, ahwen Ditde limwa di mben Israel. Ahwen yokti dem kep nok hou sigau di cut di hwen dihyeisi dini. Gino nitutti dem ne midipinak na mem gima ayai Ditde dihyei ba, ayati. Nibou ndig Gog e, midihwen yok tug hon na leu api tungwatu nya yahagom mikan tut bipia dinyeng rino Allah di Kwes-Kwau.


Ug ei ari bingwam poi bu lene midicuk no mem gima coi bihwen minu gom bitut timiei di induk yok di ibicom yam hanyen kwei leu mben ngkiai nya ikieti bibong kei bigwam kei ei minu dima. Nibou ndig Gog miyai nungug Israel di mpia mbum-bra bram di wer ig kum kroisi mimbrek ngan tu dima biyati lo, tini bu ne limwa di ingat rin eisi nya ibong kei igwam kei hanyen.


Bikwop mpe dino nibou ndig ningon kiowi niti tut mun nyeng hi bihig ser yok ba, hig pus yok tut lene ibou bitai dima iba ingon di ki kin iji di ngkiem bibuhup mbisimnai dor njiriek yo di nung kui yok kin guru nya di igya kui nibou ndig ide nipingok noti yahagom ei minu Babel.


Dikwei mem gima diba ningat-hi-ngat gom kin bu biyai angon di huk niti tut mun di pek kep mem ade mben nya ei nidipti bu.”


bibidip huk yok leu binhyepo ingat nadi bak Allah ei gwamti leu binhyepo Noni ngondut yok bindo igbit mimun tut mumpriem dima ba, bikin ser nhyema itug ndei hukum nimai bit yo di ingon ki nya di igya kui nibou ndig nindigsi nya bi.


Nongkom mbot kep mimun di jut bibor bikan tut mun di jo ei nidinditi hagom. Nipigati di sieng-siau kei nggai Noni.


Ei nijam dino nibou ndig cin dima inyeng tak kep lene Allah ei gwamti mita Nonti ninyeng tak kepti di bit bon ug hon nohonti kan bi. Bit bon nibou ndig dihyeisi dini bitut ide tentara yahagom cem ibindei ba, Allah ninyeng tak kepti cut bak yoni kan bi. Noro ninyeng tak kepti dima mibindei timek nibou ndig bitut ide tentara pima yok yahagom ba, isar bingwig.


Andigpoi e, angat bou ayai him bipia tig ndig di rim kwei leu pimbien bou cut bitot kwar ngkimom nitu kin ngkimom-tembaga kin igtuyap kin perak kin mas bi e? Allah di ninyeng jei bibor ndo mun di micut igkep dihyeisi dini ei nidipti bu brei bina di Andigpoi. Dindat hagom bit leu nok amumpriemti pima leu api dicoi ei ade mumpriem ningat cemti bidipai igbit hagom bina tu.”


Nibou ndig pai “Daniel e, ade Allah ninyeng jei dor njiriek kwar di tungwatu nya ikuk yok bak hagom. Noni sindem dor njiriek nibou ndig nindigsi yahagom. Noni mbot kep mimun hagom kan. Gima hagom jo nibreisi mem da lewo aba angon di ki bipai sut mimun dima ningat bida tu.”


Noro mpe di gom ne dibong mai leu lene dimumpriem tut mun di buhun bibor bididigit tut. Dingat ningat-hi-ngat nya cem di bindei ba, dingwes mba.


Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.


tuhan Nonti rino pai tes nungug kin houa. Noni ndo ningon kanti nya bak tungwatu nya. Noni pai tes mpia njap kin bed mmun cem ba, Noni mbut nyen ei mbigdip di jei bibor nya. Ninyeng rino tuhan Di Sindem Bibor.


Lene Bileam pai bak Balak “Nogindini dingkwei hanyen ug ei ditimieisi ug ri. Noro tirigi dimbut bigyo lene midipai nisinati bina tut notou mben Israel mibibon nani kin ade limwa nya ei nidipti bu ug e.”


Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem.


Nogindini ma apas kep doia dini lene ma angginau mben Israel tut lewo doia dini rinok mun di bindo tut igyai munti nya.


Tirigino mun dima yok hagom pek kep mem je apino mun di buhun bibor cut igkep je lene mijingkwei hanyen ndam tuhan di nok jide Allah lene mijibit nihyet.


Ma ayok ngon kep bipia son dideu njap ningwig honti nya lene mun di buhun bibor micut igkep tungwatu nya.


Nipou yo ne Allah ba nisinati di ter leu yam bitri tut ningon kanti bak idigup-idigai bat nya mbirimang bibor tug hon nabi nya.


Mun dima jiyok ngon kep nimbie ngat hak rino son dideu njap ningwig honti lene tungwatu nya di ingut kanti kinei om kep yok nya ibou poi mittau kwei. Yo dini miba ighyet bicig je,


Yesus Kristus mbot kep tut mun di mipek kep mem tungwatu nya ei nidipti bu. Allah ndo mun dini yok hagom biNoni leu binhyepo Noni mbot kep tut hagom hanyen bak Nide awak nya. Kristus sok nihyet tut mun di mipek kep ei nidipti bu ei Nide malaikati dip bak Nide awak di Yohanes.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ