DANIEL 2:25 - ALLAH NIHYET MEM TUNGWATU NYA

²⁵ Ariokh brim nimig bibuwak Daniel ug ei Nibou Ndig Nebukadnezar noho bei bipai bak “Andigpoi e, dittau kep tungwagom leu mben Yahudi di akat yok kwei leu itimieisi. Noni mimbot kep ade mumpriem ba, bicoi ei mumpriem ningat cemti bina di Andigpoi.”

DANIEL 2:25 ပူးပေါင်းရင်းမြစ်များ

NITRITI 41:14

Lene Firaun sok nihyet mem ibuwak Yusuf kwei leu ig bui nsi. Niabiati noni kak nuhui nta ba, juk sinsun di pwoi kei tu lene kwei ya ei Firaun noho bei.

NEHEMIA 7:6

Yo di inok awak ei ingkiaisi imang bibor ikiju bimbut hak leu minu Babel bingkwei hanyen kwei ei minu ndig Yerusalem kin hanjop Yehuda. Ba, bikwop tungwagom-gom ngkwei hanyen kwei ei nitimieisi hanyen. Yo dima ibong kikau ei ingkiaisi ei minu Babel habiei leu nimbie him di Nibou Ndig Nebukadnezar kri yok ug ei minu Babel.

NIPINGOK NINGONTI 24:11

Ma ahig angon eisi tut gino ateu no di ningon ngun leu hukum nimai au. Ma ateu noni nipou tirigi indin nikimam bigyo.

NIBA NINGON SRIP HUKTI 9:10

Ma ata abou ei ade midyai nyati sri lewo tungwatu nya igyai midyai cem ikan-kan nyen cem ingon dor niti cem ingon ki cem ei minu nimai nya ide bu bi. Ba, mporo ador ug ei sirima.

DANIEL 1:6

Pinai pilei Daniel kin Hananya kin Misael kin Azarya nya isrig yo di Aspenas dimig yok ei pimati ba, yahagom itimieisi leu minu Yehuda.

DANIEL 5:13

Haninyai ibuwak Daniel kwei biya ei nibou ndig noho bei leu api nibou ndig hig ser noni “Nani ne Daniel leu mben Yahudi po dicig njei bikat na kwei leu atimieisi ei minu Yehuda pima rin e?

DANIEL 6:13

yahagom ittei yam ba, yuug kkin kep ninghapti ei nibou ndig noho bei bipai bak “Andigpoi e, aba buk bitak srat nicukti gom di cuon ser tungwatu nya bipia harin dima yahara ide kwar kin tungwatu hiter mem mmun-njap ningot ningai a. Noro suar yahara na di Andigpoi nangkom he. Tungwa tou rino tunggwei nicukti dima bibit bi lene icom noni ug ei jui di singa nya ibongti.” Nibou ndig buhup “Igbit ri. Gima ne Minu Media kin Persia Niggai Serti di bit bon nibou ndig luei ningonti tut kan bi ri.”