DANIEL 2:23 - ALLAH NIHYET MEM TUNGWATU NYA

²³ Didigup bat-didigai bat nya ide Allah e, dinggei sut Na bidikon anyeng. Abindei ba, dingon ki ba, disindem cem. Abuhup dihyet tirigi dingat nadi lene apingok nyeni ningonti tut mun di nibuhup bak nibou ndig tu.”

DANIEL 2:23 ပူးပေါင်းရင်းမြစ်များ

NITRITI 18:17

Lene tuhan kan “Dem mem gima siku singon kanti bijo nding leu Abraham bi.

NITRITI 31:42

Gino dignyon Abraham kin dicig Ishak ide Allah nyohou da bi lene dikan bipia ma ajji da bidiba dinda ngwak bingkwei hanyen ug ei ditimieisi. Noro Allah ngat igbit mun di buhun tak da bou niyai him ba, Noni kan tut ditde midyai nya. Apino Noni pai igbit nikos tutti mem himmun di ammani.”

NIBOU NDIG NYA GI NIGOM 18:36

Tirigi jam dem mem mben Israel ibon midut mpia caisi bit leu nok igyai kepti lene Nabi Elia kwei ya kui nimbar dima bingat nadi “tuhan Allah di Abraham kin Ishak kin Yakub ikuk yok bak e, ma ando bindo brei ei yo dini yahagom igyai him bipia anyeng tak kep mben Israel ba, dinok ade awak biditin ei mun dini yok hagom bit leu nok acuk dati cem.

NIBOU NDIG NYA GI NIGOM 8:57

Handei kon ba, nyende tuhan Allah ningat rin bit nye bit leu nok ningat rin bit nyeni idigup bat-idigai bat nya ba, kes nye ei bi sren.

NIBOHON MBEN ISRAEL GI NIGOM 29:10

Mpe dima lene Nibou Ndig Daud kon tuhan ninyeng ei yo di imang bibor dima yoho bei bipai “tuhan Allah di nyeni nidigai Yakub kuk no bak e, dinggei sut anyeng bijo ninno bijo kikau.

NIBOHON MBEN ISRAEL GI NIGOM 29:13

Nyende Allah e, nipai sigyo nindig bibor biNani binikon anyeng di jei bibor cem.

NIBOHON MBEN ISRAEL GI NICAN 20:6

lene ba nihyet ndig bingat nadi bak tuhan bipai “Nidigup bat-nidigai bat nya ide tuhan Allah e, Nani ne Allah ei gwamti ba, anyeng tak kep mben di dihyeisi dini hagom. Anyeng jei bibor ba, asindem bibor cem. Ba, tungwa hi di sindem bibor mem gima bindei timek Nani kan bi.

MAZMUR 21:2

tuhan e, nibou ndig ningon nggei lewo asindem tut noni tu. Noni yai nillei lewo abindei ba, noni bindei timek nide siceu nya leu api,

MAZMUR 21:4

Na di Allah aya um nibou ndig ba, anjei mun di kei mpung bipias hagau bak lene aba topi mas bijuk nibou cem.

MAZMUR 25:14

tuhan ne yo di ingon gom nya isut rin bimbot kep tut ningon kanti biyok.

MAZMUR 50:14

Ma jibon midut nibipai sigyo bak Allah ba, jiyai bipek kep mun di jipreu ei bak No Di Ninyeng Jei.

NEHEI LEUSI 3:15

Ma apai bak mben Israel bipia Dani ne tuhan di idigup bat-idigai bat di Abraham kin Ishak kin Yakub yoni ide Allah pima rin ba, dipinak na ug ndam yok tu. Dani ne tuhan ba, gima ne dinyeng di bijo ninno bijo kikau ri. Suar mben Israel ide nintun him yamti di bram yam nya igyok ngon kep dinyeng dima kikau buug hon nohonti bi.

NIPINGOK NINGONTI 21:22

Nibou tentara di ningon ki tut gi nggok puig mem gima kon pran bit nide siceu nya di mimbri kui ingkek ne dem mem gima bindei ba, ngug tig di iba ingon com dima nggek bingwig.

NIPINGOK NINGONTI 24:5

Ningon kiti bon ninyeng dor njiriek nisindemti. Nintin kimboti bon ninyeng dor njiriek ninghuisi sindemti.

NIPINGOK NINGONTI 8:14

Dikos dat dingon kanti nya bidibindei mbut mun dima cem. Dingon dor niti ba, disindem bibor cem.

NIBA NINGON SRIP HUKTI 7:19

Ningon kiti bindei ba, mimbri kui no di ningon ki ningkek nindig dor njiriek nibou nya ibou simnai di inyeng tak kep minu ndig gom.

NIBA NINGON SRIP HUKTI 9:16

Disimbot dat ninno tu bipia ningon kiti kei bibor dor njiriek nisindemti. Mbro nok gima lo, hi di joi sut nuhui mbum nya ide ningon kiti bi. Hi di ngig nitingou mem ighyet di ibipingok tungwatu nya bi.

NIBA NINGON SRIP HUKTI 9:18

Ningon kiti bon ninyeng dor njiriek minggwen di ibikon pran. Noro bon ningon mbumti poi mien binggek tut niyai munti di kei mang bibor.

YESAYA 12:1

Njap ngon bou midem leu api mijipai doia dini. tuhan e, dipai sigyo biNa lewo agwam ser dingon. Nipou yo ne agga da noro tini bu ne Ade niggati cut tu.

YEREMIA 33:3

“Ahara Da leu api midibuhup ahyet. Midimbot kep tut mun di kei-kau di biyai ningon nggap leusi di akan tut bi sren nya bina.

DANIEL 1:17

Allah bindei ba, pinai pilei ibou bitai dima ingon ki tut mun nyeng hagom. Noni bindei ba, Daniel ne nimbot kep ningat-hi-ngat cig kin mumpriem cig ri.

DANIEL 2:18

bibidip huk yok leu binhyepo ingat nadi bak Allah ei gwamti leu binhyepo Noni ngondut yok bindo igbit mimun tut mumpriem dima ba, bikin ser nhyema itug ndei hukum nimai bit yo di ingon ki nya di igya kui nibou ndig nindigsi nya bi.

AMOS 3:7

tuhan Di Ninyeng Jei Bibor kinyon ei Nide midyaiti nipou tirigi Noni tri tut bak Nide awak di nabi nya bigyo bi sren.

MATIUS 11:25

Mpe dima lene Yesus pai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya yahagom igyai him leu api ambot kep tut hagom bak yo di ingon ki bi nya.

LUKAS 10:21

Mpe dima lene Yesus ningon llei bibor tug hon Allah Ninnei bipai “Arig e, Nani ne Tuhan mem mpia-bbed him kin dihyeisi dini! Dipai sigyo biNa lewo aku mun dini yok hagom bijo nding leu yo di ingon ki kin yo di ingon tek bibor nya igyai him noro ambot kep tut hagom bak yo di ingon mbum nya. Arig e, ajoi sut nipek kepti dima.

YOHANES 11:41

Gima rino yo dima ison tig leu. Leu api Yesus tou kep kui gwamti lene ngat nadi bipai “Arig e, dipai sigyo biNa lewo amiap kep dihyet.

YOHANES 15:15

Dijem je awak bu bi lewo awak nya ikan tut iceu niyai munti nya bi. Noro dijem je disut bat di dingon kieti nya lewo ditri tut mun di dimiap leu Dicig hagom bije tu.

NINGAT-HI-NGAT NYA 1:1

Yesus Kristus mbot kep tut mun di mipek kep mem tungwatu nya ei nidipti bu. Allah ndo mun dini yok hagom biNoni leu binhyepo Noni mbot kep tut hagom hanyen bak Nide awak nya. Kristus sok nihyet tut mun di mipek kep ei nidipti bu ei Nide malaikati dip bak Nide awak di Yohanes.

NINGAT-HI-NGAT NYA 5:5

Noro nibou pima yok igom pai ser da “Apim au. Angat i! Singa ningut gom di ntun keret Yehuda him di ninyeng jei di ntun Daud him bindei cut sisar nisindemti cem sindem mem gima cug biei nggrai muhwindacan dima leu srat bikwek.”