DANIEL 2:20 - ALLAH NIHYET MEM TUNGWATU NYA

²⁰ bipai “Allah ningon ki cem sindem bibor cem! Ma tungwatu nya inggei sut Noni bijo ninno bijo kikau.

DANIEL 2:20 ပူးပေါင်းရင်းမြစ်များ

NITRITI 14:20

Ma tungwatu nya inggei sut Allah Di Ninyeng Jei Bibor di sindem tut na dino ahwen ade siceu nya bicut bina tu.” Lene Abram hit ndigban po pos pima hagom bikwas gom leu ningot gom lene gom leu ningot gom tut Melkisedek.

NIBOU NDIG NYA GI NIGOM 8:56

“Jikwei ba, yahagom inggei sut tuhan di bindei ba, Nide limwa nya ibong kei igwam kei bit leu nok Noni preu ei binye tug hon Nide awak di Musa. Mun di kei di Noni preu ei mem nye hagom pek kep mem nye tu.

NIBOHON MBEN ISRAEL GI NIGOM 29:20

Daud ngat nadi nok gima leu lene cuk yo di imang bibor di idem yam ei dima “Ma jikon jide tuhan Allah ninyeng o!” Leu api yahagom ikon tuhan Allah di idigup bat-idigai bat nya ikuk yok bak ninyeng a. Lene yahagom iba ingwak bikik dihyei mem gima ibou bicut bak tuhan kin ide nibou ndig.

NIBOHON MBEN ISRAEL GI NICAN 20:21

Tirigi nibou ndig mbrap bit limwa nya leu su lene cuk nimpung di ipai doia leu binhyepo ijuk sinsun nimig-ninda di ijuk kikep mem njap di ibon midut nya ei tuhan De Ig pijum nya. Suar nimpung nipai doia dima ibon nimpung bigya igyati tut ide sinsun nibon midut ei nimpung tentara yoho bei ba, ibipai doia ninno “Ma jinggei sut tuhan! Lewo ningon ngakei nye bijo ninno bijo kikau!”

NEHEMIA 9:5

Yo di ibie tut yok mem njap ndig dima rino keret Lewi nya di inyeng rino Yesua kin Kadmiel kin Bani kin Hasabneya kin Serebya kin Hodia kin Sebanya kin Petahya yahagom ipai, “Ma jahagom jikiju bijiya leu api jinggei sut tuhan di nyeni ide Allah! Ma jinggei sut Noni bijo ninno bijo kikau! Ma tungwatu nya yahagom inggei sut ninyeng di jei bibor ba, sindem bibor cem! Ninyeng jei bibor dor njiriek ighyet di ibinggei sut Noni.”

MAZMUR 113:1

Ma jinggei sut tuhan! Je di tuhan de awak nya e, ma jinggei sut tuhan!

MAZMUR 113:2

Gima mibindei ba, ninyeng mitibim bidem minu hagom mem nijam dini lene bijo nijam jei cem.

MAZMUR 115:18

Noro nye dino igyaijo ipai sigyo hanyen biNoni mem nijam dini cem kikau ug hon nohonti bi cem. Jikwei ba, inggei sut tuhan!

MAZMUR 147:5

Ide tuhan nindig bibor ba, mipbor ngat cem. Bit bon nyeni ingon dorti tut Nide ningon kiti di ug hon nohonti bi kan bi.

MAZMUR 41:13

Ampu da drek dip dingon srenti leu api abindei bidigwam bit Na bijo ninno bijo kikau.

MAZMUR 50:23

Yo di ibon midut nibipai sigyo biDa yongkom ibikon dinyenga. Midindo Ditde puig di bie ndam niteu leu biningwes ngunti bak yo di ibit dihyet.”

MAZMUR 62:11

Ma jiba jingon com mun di jiyai leu nico kep tungwatuti au. Ma jiyok jingon mem mun di jitug ndei tug hon ndigban di jipos nya au. Mbro nok gino mun di jinyeng tut nya kum eisi lo, ma jiba jingon com ndigban dima au.

NIPINGOK NINGONTI 8:14

Dikos dat dingon kanti nya bidibindei mbut mun dima cem. Dingon dor niti ba, disindem bibor cem.

YEREMIA 32:19

Angon kanti di akos tut ei nya bibon ninggap leusi ba, Ade nibon munti nya mindur. Angat bidem mun nyeng hagom di tungwatu nya ibon ba, abirop biyok dem igbit ide nibon munti nya.

YEHEZKIEL 28:3

Akan bipia angon ki dor njiriek Danel apino mimun hi di jo nding leu nani bi ug a.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’

YUDAS 1:24

Ma nyeni yahagom inggei sut Allah di sindem mem gima nyohou je leu binhyepo jicut bi ba, sindem mem gima buwak je bitut jingon di llei lo, mun di kinei hi rap je bi kikau ug ei Nonti Noho bei.

NINGAT-HI-NGAT NYA 5:12

Iba ighyet nindig bibor bipai doia “Domba Pmot di ibui bimai dem mem gima ninyeng tak kep mun di hagom cem nyeng tut mun nyeng hagom cem ningon ki cem ba, yai nisindemti kin ninyeng jeisi kin nikei-kau-keisi kin No ba, mun nyeng hagom inggei sut Noni!”