DANIEL 2:11 - ALLAH NIHYET MEM TUNGWATU NYA

¹¹ Na di Andigpoi e, angon kanti dima nggruk bibor mem tungwatu dihyeisi dini. Kwar di tungwatu nya ikuk yok bak nya yongkom ingon ki mem gima ibuhup ahyet noro kwar dima hi ibong srig nye di tungwatu nya ikieti bi.”

DANIEL 2:11 ပူးပေါင်းရင်းမြစ်များ

NITRITI 41:39

Gima rino Firaun pai bak Yusuf “Allah mbot kep tut mumpriem dini hagom bina tu. Jo nibreisi bipia angon ki ba, angon gom dor njiriek yo di nindigsi nya yahagom.

NITRITI 41:8

Njap di hyep bu rino ningon ku no tut. Gima rino nduk yo di nung kui yok nya kin yo di ingon ki nya di ibong ei minu Mesir yahagom kwei. Lene noni pui sut nide mun di mumpriem dima biyok noro bit bon hi mbot kep tut mumpriem dima kan bi.

NIBOU NDIG NYA GI NIGOM 8:27

Noro Allah e, nggon rima akwei bong bit nye ei dihyeisi dini i? Mpia-bbed him bon ninyanti kin nijeisi nok gi dem mem Nani bi. Lene notou Ade Ig di dingot mem Nani nok gi dem mem Nani i?

NIBOHON MBEN ISRAEL GI NICAN 6:18

Noro Allah e, dem mem gima abong ei tungwatu ikieti ei dihyeisi dini nijit e? Mpia-bbed him titut yam bon nibresti di dem mem Nani bi. Gi nok lene Ade Ig di dingot dini midem mem Nani bi sren.

MAZMUR 132:14

Noni pai “Midibong ser mpia dini bijo ninno bijo kikau. Dani dijoi sut minu dini binok nibousi mem Ditde ninyeng tak kep limwa nya.

MAZMUR 68:18

Allah Di Ninyeng Jei Bibor kwei sut Nide kroba pran ningat sribu-ribu kwei ei ikieti.

NEHEI LEUSI 29:45

Midikwei bong bit mben Israel leu binhyepo ikuk yok biDa leu api midinok ide Allah.

NEHEI LEUSI 8:19

Apino yo di nung kui yok pima isimbot dat bak Firaun bipai “Allah bibon mindur dini!” Noro Firaun ningkek ndok tut Musa kin Harun ighyet pima hanyen bibit bi bit leu nok tuhan nipaisi.

YESAYA 47:12

Ata abou hak ei nung nihyet di dut di kui na di bindei di amuhup sar tut habiei leu amien kwei su pima yahagom. Hi rima mun dima yok mimpu na mem gima abicug-cug nyen ade siceu nya leu binhyepo ittin tut na e?

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 8:18

Dani kin dimunggwom bat nya di tuhan yai bida nahagom ningat rin ei sirini. tuhan Di Sindem Bibor di bon Nide banggo mbrei ei Nungug Sion cuk nye ndam Nide limwa di mben Israel ba, ninok bindo mem yok.

DANIEL 4:4

Dibong kei digwam kei ei ditde ig nibou ndig bidiyem bidem njita nyeng hagom.

DANIEL 5:11

Lewo no di ningon mpung tut Allah ninnei gi kwes ningat rin ei minu dini. Tirigi po acig nok nibou ndig pima lene no dima nintin kimbo cem ningon ki cem ningon dorti tut mumpriem nya kin nipai ningat nya cem noyam kin kwar di ingon ki nya. Nibou Ndig Nebukadnezar ta noni nok nibou mem yo di ingon ki kin yo di nung kui yok kin yo di inda dut kin yo di iko mun bibinggok tut ndiyok nya yahagom.

YOEL 3:21

Noro midibirop hanyen bak yo di igyai nimai bak timiei minu Yehuda. Midisindui sut yo di ingon mui nya bingwes ngun bi. Midigwam ei nungug Sion bijo ninno bijo kikau.”

MBEN ISRAEL IMBUT-MBUT NYEN 35:34

Ma jibindei suwok dihyei di jibong niti dima au. Lewo Dani ne tuhan rin ba, dingat rin ei je di mben Israel jikieti.”

MATIUS 19:26

Yesus mian huk yok bibuhup “Bit bon tungwatu nya igyai mun dini yok kan bi! Noro Allah sindem mem gima yai mun nyeng hagom.”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 14:17

No dima ne Ninnei Gi Kwes di mbot kep tut Allah de nijit-jausi bije ri. Bit bon tungwatu dihyeisi dini igyai Noni ei ingonti kan bi lewo bit bon ingat Noni bikan tut Noni cem kan bi. Noro jikan tut Noni lewo Noni gwam bit je ba, Noni nok gom kin je cem.

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.