DANIEL 12:4 - ALLAH NIHYET MEM TUNGWATU NYA

⁴ Leu api malaikati dima pai bida “Daniel e, nogindini ma akibou kep srat dima lene aba lem bikrau kep ser leu binhyepo jo nok kikau ug bipek nijam ningwig honti. Tungwatu nya imang bibor ibingon mem gima inggok tut mun di sindi pek kep lo, icom yahanggwap mikui-kausi he.”

DANIEL 12:4 ပူးပေါင်းရင်းမြစ်များ

YESAYA 11:9

Mun di mbuk kin nirom ndok mijo ei Allah De Nungug Di Kwes-Kwau ei Nungug Sionti bu bi. Nintin di kimbo tut Allahti mikieng kep minu dima hagom dem kep nok muk ndigsi di mpung tut minyei.

YESAYA 29:11

Noni mibindei ba, jingon dorti tut bikwop nabi de ningat-hi-ngat bi bijo nding leu je dem kep srat di iba lem bikrau ser. Gino jindo srat dima bak tungwagom di niyai tot srat bokti kan leu binhyepo noni mbot kep nibokti dima bije lene noni mipai bipia dem mem gima dikwop gini bije bi. Lewo iba lem srat dima ser tu.

YESAYA 30:26

Bed mmun cem micom nimig bidem kep nok mpia njap di com nimig. Mpia njap mipiga kei mbimuhwindacan bram yam binjiriek leu nipiga kepti di piga ngan-ngan tu bidem kep nipigati ei njap muhwindacan bicom yam ei nok gom pimo. Mun dini yok hagom mipek kep mem je mpe dino tuhan ngot kep Nide limwa nya ibok di itug ndei nya ba, binjei mun di kei bak yoni.

YESAYA 32:3

Yoni migyok igyai kep ide limwa nya ide mun di isuar nya bingig itingou mem ighyet.

YESAYA 8:16

Je di jiya kui da e, ma jipwoi nihyet di Allah kes ei da dip ba, jinyohou nihyet dima.

YEREMIA 5:1

Je di timiei minu ndig Yerusalem e, jijop jide puig ngot ei jide minu ndig ba, jingig jiyai kep bidem bijingat bou jiyai him. Jingig jiyai kep bidem puig mien di jo bidem jide minu ndig bijingat tungwagom di ningon sren di brim ningkek mem Allah biningon gom tut Noni bou jiyai him e? Gino tungwagom ningat rin lene tuhan mikos ser timiei minu ndig Yerusalem nya ide sisar.

DANIEL 10:1

Nibou Ndig Kores ninyeng tak kep minu Persia ug ei ari bingwam gi niningai lene nimbot kepti tut nihyet gom tibim kwei ei Daniel di ninyeng hi Beltsazar nitingou nsi. Nihyet dima igbit lo, nggruk bibor mem gima ningon huk niti. Tirigi Daniel bingon-ngon nyen mem gima ningon hukti tut lene nicoi ei ningatti dima jo nibreisi mem noni tug hon ningat-hi-ngat di noni ngat.

DANIEL 10:14

Dikwei mem gima diba ningat-hi-ngat gom kin bu biyai angon di huk niti tut mun di pek kep mem ade mben nya ei nidipti bu.”

DANIEL 11:33

Yo di ingon ki nya di ibie tut ide limwa nya ibindei ba, imang bibor ingon dor niti. Noro yo di ingon ki ibou poi igyai nimai ei pranti kin hum di yem yok tut igyaisi cem ba, siceu nya ipos ibou poi ide mun di ima nya leu yok lene ibindei sima yok.

DANIEL 11:40

Tirigi nibou ndig minu Siria ninyeng tak kepti ningwig honti dideu su lene nibou ndig minu Mesir njei siceu bihwen noni. Nibou ndig minu Siria buhup bikon pran bit bibor binjei sut kroba pran kin kuda kin kibar minyei mang bibor ba, bihwen. Noni ba siceu bihwen noyam kin minyei di su nindig bibor biyai minu mang bibor biyati.

DANIEL 12:13

Na di Daniel e, ma anyohou ade ningon gomti kikau ug bipek ayaijo ningwig honti. Mpe dima lene mporo abong kep anghuisi ug bipek nijam ningwig honti leu api akiju hanyen ba, atug ndei amuhup.”

DANIEL 12:5

Gima ngwig leu api dingat pinai nya ibou can. Gi nigom ya ei minyei pimat nite dini kwei lene gi nican ya ei minyei pimat nite dinu ug.

DANIEL 12:9

Noni buhup “Daniel e, nogindini aug hak lewo suar iku mimun tut nihyet dima kikau ug bipek nijam ningwig honti.

DANIEL 8:17

Leu api Gabriel di ya doho bei dima son dideu da apino didigit tut nindig bibor biditti ug ei dihyeisi. Noni pai bida “Na di tungwatu di ayaijo kikau bi e, suar akan tut bipia ningat-hi-ngat dima bindo tut nijam ningwig honti ri.”

DANIEL 8:19

“Midindo brei bina tut mun di mipek kep ei nidipti bu tug hon Allah de nigga biborti. Lewo ningat-hi-ngat di angat pima ndo tut nijam ningwig honti ri.

DANIEL 8:26

Ningat-hi-ngat tut midut nindig mindhe ei nimbar hum dokti bikwop mmunti kin njap tekti di hi mbot kep tut pima mipek kep nijit-jau a. Noro gima yok mipek kep ei nijam gi nidipti bu di no ting yo. Gima rino ma ambot kep tut bak tungwa hi au.”

MATIUS 24:14

Lene tungwatu nya mitri tut Nihyet Di Kei tut Allah Ninyeng Tak Kepti bidem dihyei nisurti-nipekti leu binhyepo tungwatu nya yahagom imiap tut nihyet nipou ug e leu api ningwig honti mitau kep je.”

ROMA 10:18

Noro dihig ser je tut mun nyeng gom. Yo dima imiap nihyet bi e? E bi! Imiap nihyet tu! Lewo Allah Nihyet pai “Ighyet tibim kikau ug ei dihyei nisurti-nipekti. Ipaisi tibim bipek minu nohon keti tu.”

NINGAT-HI-NGAT NYA 10:4

Tirigi kru muhwindacan dima nisu kes bibong bu bi lene dipi bidipas kep kru nya ighyet ei sratti. Noro dimiap nihyet gom kin bu di tibim kwei leu gwamti bipai ser bipia “Ma aku mun di tibim leu kru muhwindacan dima yuhui him bijo nding. Ma apas kep ei sratti au.”

NINGAT-HI-NGAT NYA 22:10

Lene noni sok kep da “Ma aku mimun tut nihyet di jo ei srat bokti dini au. Lewo son dideu tto bou dima hagom pek kep mem nye tu.

NINGAT-HI-NGAT NYA 5:1

Leu api dingat lo, No di gwam banggo mbrei dip di krau srat kijum ei ninda com. Srat bokti mang bibor jo ei bei ninghim-noho lene iba biei nggrai bikrau kep srat dima mbimuhwindacan niti.