Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DANIEL 12:3 - ALLAH NIHYET MEM TUNGWATU NYA

3 Mporo nibou di ingon ki nya ipiga mpia bidem mpia-bbed him di piga kei. Lene yo di ingginau tungwatu nya imang bibor di ibindei ba, yo dima iba ingon di sren bibon mun di kei nya ipiga mpia bidem ham nya di piga mpia-bbed him bijo ninno bijo kikau.”

အခန်းကိုကြည့်ပါ။ ကော်ပီ




DANIEL 12:3
27 ပူးပေါင်းရင်းမြစ်များ  

yahagom ingat bou igyai him bipia niimaisi piga kei. Lene noni ba sinsun nghas pima binggai kep ser niimaisi hanyen bu bibou coi ug ei Prak Meng behei bimbrap bit tuhan hanyen ug e.


tuhan cuon no di ningon kwes kei niyaisi. No di ningon ki bindei ba, nindigsi nya induk yam bibit bong.


Tungwatu nya minggei sut no di ningon ki ninyeng noro ibindei ba, yo di ingkek ndok nya inyeng kinei.


Puig di yo di ikei nya imbut kak dem kep nok mpia njap di sindi pri ba, nipigati piga kikau binindig kep.


Nikan-kan Nyen Tut Mun Cig dima nintin kimbo ba, ningon ki. Gima rino ngginau limwa nya tut mun di kan tut nya hagom. Noni yok niyai kep nihyet nibiti ninda mang bibor ba, bingon bikan tut mun di igbit a.


Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.


Gino ikan tut mimun di jo ei dibou ngwakti nya ne suar itri tut dihyet bak Ditde limwa nya bibindei ba, ittin ser ide sisar di kinei kin igyai munti di mbuk bibor. Noro bi.


Yo di ingon ki nya di ibie tut ide limwa nya ibindei ba, imang bibor ingon dor niti. Noro yo di ingon ki ibou poi igyai nimai ei pranti kin hum di yem yok tut igyaisi cem ba, siceu nya ipos ibou poi ide mun di ima nya leu yok lene ibindei sima yok.


Nibou di ingon ki pima ibou poi igyai nimai noro imaisi dima bindei ba, map kui ide limwa nyati bu bi noro ingon kwes kei. Mun dini yok mbut kikau ug bipek nijam ningwig honti di Allah kos tut tu.


Yo di imang bibor itug ndei ingon di kwes kei tug hon mun di bingon yok. Yo di ibon kep mun di kinei bibor nya ingon huk niti bi. Leu api ibon mun di kinei bibor kikau. Yo di ingon ki nya he rima ingon huk niti a.


Noro yo di ingon sren nya injeng piga mpia dem kep mpia di com nimig kikau ei Icig Ninyeng Tak Kepti. Gino jitingou dile lene ma jiyok ngon kep dihyet!”


Yesus pai biyok “Ma jiyok ngon kep bipia tirigi Munggwom Tungwatu Nipmot gwam ei Nide banggo mbrei di kei-kau-keiti ei Dihyei Di Nijepti bu lene je di jiya kui Da jibou simnaibrimigcan cem mijigwam ei jide banggo mbrei dip leu api mijinyeng tak kep mben Israel ide keret simnaibrimigcan.


“Tou rinok awak di ningon gom ba, ningon ki cem i? Gi hi dima ne no di niceu ndo nok nibou mem awak nindigsi nya leu binhyepo kwas njita tut yok dem igbit jam di noni preu ei su.


No di biang njita kwei sindi tug ndei nimuhup bibiang njita di bit bon pror yon kan bi kwei ndam niyaijo nijep di jo kikau. Gima rino no di ndim ningan kin no di biang njita kwei leu beisi yahacem igyai nillei noyam.


Yohanes dima ne mini njeng di piga digai puig mem je rin lo, jijoi sut noni mem njap poi he.


Nabi nya kin guru nya ibou poi yo rinaha ei yo di mbusyamei minu ndig Antiokhia nya ikieti. Yo dini ne Barnabas kin Simeon di ijem ninyeng hi Motrom kin Lukius leu minu ndig Kirene kin Menahem ndig bit Nibou Ndig Herodes ba, ningon kieti noni tirigi inok munggwom yo kin Saulus.


Diba nisindemti di Allah yai bida biprion tig mma mem ig nitriti dem kep ningot kep ig cig lo, hiter kon ninggilai ei nitriti dima dip bu. Noro ma tungwagom-gom ba ningon di sok kep nonti bikon ninggilai eisi.


Kristus rima njei nisindemti nya bak tungwatu nya. Noni ta yo di igya kui Noni kin nabi nya kin yo di itri tut Nihyet Di Kei kin gembala nya kin guru nya cem.


Jiyai nituti bidem mem gima jiyai jinyeng guru. Noro bi lewo no jisuar no di pingok jingonti kikep tut Allah nihyet nitriti yo. Jiyem mikwau bigyo noro jidut do he yo.


Ma jiba jingon srip huk bipia ide Tuhan om ningon tut je leu binhyepo bon nituti mem gima Noni teu je leu sisar biyai niyaijo nijep bije bit leu nok isut Paulus di ingon kieti nide nipas ei sratti di kes bije tu. Noni pas srat dima tug hon ningon di ki di Allah yai binoni.


Gini ne mimun tut ham mpia-bbed him ningat muhwindacan di dikrau ei dinda com bou ayai him kin mini njeng nidihim ningat muhwindacan di iba mas bibon ri. Ham ningat muhwindacan dima ne malaikati nya ibou muhwindacan di ibuhup tut mbusyamei ningat muhwindacan ri. Ba, mini njeng nidihim ningat muhwindacan ne mbusyamei ningat muhwindacan ri.”


tuhan e, dingat nadi leu binhyepo Ade siceu nya yahagom itug ndei nimai noyam kin Sisera. Dingat nadi leu binhyepo asut bat nya yahagom igyai inyeng jei ba, sieng-siau kei dem kep nok mpia njap nipriti! Gima hagom ngwig lene mben Israel ibong kei igwam kei kikau mem ari bingwam ningot bitai bu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ