DANIEL 12:2 - ALLAH NIHYET MEM TUNGWATU NYA

² Imang bibor di imai nipou su nya igyai niyaijo hanyen bu ba, bihi itug ndei niyaijo kikau lo, hiter bu itug ndei nimmai sut yonti bijo ninno bijo kikau.

DANIEL 12:2 ပူးပေါင်းရင်းမြစ်များ

NIPINGOK NINGONTI 12:8

Tungwatu nya mikon bihi ninyeng bit leu nide nintin kimboti. Noro yoni ingwes om kep bihi bit leu ide ningon mbumti.

YESAYA 26:19

Ade limwa di imai su nya migyai niyaijo hanyen ba, ingut di mai su nya mikiju hanyen. Yo di nitig yok tu nya mikiju hanyen bimbos-hi-mbos. Awin Ade limwa di imai mimbrek ngan tu nya ba, ayai niyaijo hanyen biyok noyam kin nggou di kwek dihyei ninghuisi.

YESAYA 66:24

Mpe di ikiju bingkwei hanyen ug ei ide ig lene mingat nimbiam di ikiek imig jou tut Da bou igyai him. Njingwoi di bipio ingut dima yok mimai ba, hi dima mu hum di yem yok kan bi. Gima ne mun di biyai yo di ikriau bicap kep nya yahagom igyai di ttin bibor ri.”

YEREMIA 20:11

Noro Na di tuhan asindem bibor ba, atti kin da tu. Yo di ihwen bit da micut lewo isindem bi. Leu api immai sut yonti kikau lewo ingon kanti dima cut igkep da bi. Yo di hiter mingon prion ser ide nimmai sut yontiti bi sren.

YEHEZKIEL 37:12

Gima rino ma atri tut bak Ditde limwa di mben Israel bipia Da di tuhan Di Dinyeng Jei Bibor midikau dimbou leu ide jui dip bidiwin yok hanyen leu imai eisi. Midibuwak yok hanyen kwei ei itimieisi cem.

HOSEA 13:14

Miditeu yo dini bingwes ngun leu gumihyep nimai nide nisindemti bi. We Nimai e, nna ba ade nsuwer ajar ham nye hak ug! We Nimai e, nna ba ade nisindemti bindei cut nye hak ug! Midingondut yo dini bu bi.

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

KISAH 24:15

Diyok dingon mem Allah noyam kin yo dini igyok ingon mem Noni tut gima Noni miwin yo di ingon sren nya kin yo di ingon rom nya cem yahagom leu imai eisi.

KISAH 7:60

Lene noni ba nibiau bicom mpia leu api ba nihyet nindig bahara “Tuhan e, ma akos ser ide sisar leu yok hak ug.” Hara nok lene ninnei kimbas.

ROMA 9:21

Nibon dibijig cig dima op igtuyap bit leu ningon kanti. Ba, noni ba igtuyap ninggop gom boop dibijig ningat can bou ninda him bikon gi hi di kei bibor kei ei mem njap nindig lene bimangkrei gi hi di wer kei lai-lai de bikwop njap-njap.

TESALONIKA GI NIGOM 4:14

Nyeni ingon jo kep bipia Yesus mai leu api kiju hanyen leu nimai eisi. Gima rino ingon jo kep bipia Allah miwin yo di ingon jo kep Yesus di imai su nya hanyen leu imai eisi leu binhyepo igyaijo kikau bit Noni.

NINGAT-HI-NGAT NYA 20:12

Leu api dingat lo, yo di imai su nya bitut yo di inyeng jei nya kin yo di inyeng bi nya yahagom igya simiak banggo mbrei. Lene hi mbrek leu srat nya lo, mbrek leu srat gom kin bu ba, srat dini ne Srat Yo Di Igyaijo Nya ri. Yo di imai su nya itug ndei hukum bibit leu igyai munti nya di jo ei srat dimati.