DANIEL 12:1 - ALLAH NIHYET MEM TUNGWATU NYA

¹ Malaikati di juk sinsun di iba minghas linen bibon dima pai bu “Mpe dima lene Mikhael di malaikati di sindem di ya ser ade mben tau kwei. Leu api nijam di buhun bibor cut igkep tungwatu nya. Mun di buhun bibor di cut dima cut habiei ei nijam di mben nya ingat rin ei dihyeisi dini kikau kwei bipek nijam di buhun bibor dima nicunti bigyo. Nijam dima dem lene ade mben di inyeng jo ei Allah de sratti yahagom ingwes ngun.

DANIEL 12:1 ပူးပေါင်းရင်းမြစ်များ

MAZMUR 56:8

Allah e, abindei ba, ibiang ide sisar nibuhunti. Abindei sar yok tug hon Ade nigga biborti hak ug!

MAZMUR 69:28

Allah e, ma akwop kep ide sisar nimangti hagom ei Ade daptarti. Ma adip tut inyeng leu daptar di tibim tut yo ingon ngun inyenga.

YESAYA 4:3

Tungwatu nya di Allah dimig ei di teu yok di ingwes ngun di ibong ei minu ndig Yerusalem yahagom mingon kwes.

YESAYA 9:7

tuhan simbot dat tut hukum di Noni mikes ei mben Israel dip tu.

YEREMIA 30:10

Ditde limwa mben Israel e, ma jingon ttin bibor au! Ditde awak di intun Yakub him e, ma jidigit-digoi tut au. Miditeu jeni kin yo di intun jeni him nya bijingwes ngun leu jingkiaisi di ting bibor di jisima eisi. Jingkwei hanyen bijibong kei jigwam kei ei jitimieisi hanyen leu api mun nyeng hi bindei ba, jittin tut bi.

YEREMIA 30:7

Tto bou di kwei sut mun di buhun bibor dideu su. Bit bon hi binai sut njap di buhun bibor dima kin njap hiter kan bi. Njap dima ne njap di bindei ningon mbut-mbut nyenti mem Ditde limwa nya rin noro miditeu yok bingwes ngun.”

YEHEZKIEL 13:9

Je di nabi di jisuglai sut mun di mipek kep ei nidipti kin ningat-hi-ngat di kwei leu jibou ngwakti di kwes bi cem e, midikes hukum ei je dip. Gino Ditde limwa nya di idem yam ei mem gima itri tut ide nikos tutti nya ne mijigwam bit yok bi. Mididip tut jinyeng leu daptar di mben Israel inyeng joti. Jingkwei hanyen ug ei jidihyei hanyen bi sren. Tug hon nisinati dima ne jikan tut bipia Dani ne tuhan Di Ninyeng Jei Bibor ri.

YEHEZKIEL 34:24

Da di tuhan midinok ide Allah lene nibou ndig gom di noyam kin Ditde awak di Daud ninyeng mitak kep yok. Da di tuhan disimbot dat tu.

YEHEZKIEL 5:9

Midikes hukum di buhun bibor ei ade timiei nya dip ba, gima ne dibon bak hiter bigyo kwei bipek ammani kep lene midibon nok gima bu bi sren. Diyai nok gima drek dip ayai munti di dingon mpo tut.

DANIEL 10:13

Noro malaikati di ya ser minu Persia ninyeng tak kepti hwen bit da ei ninsi njap nyatungwagom bigom. Leu api Mikhael di nibou mem malaikati nya kwei mpu da. Dikes noni ei minu Persia bidikwei leu.

DANIEL 11:45

Ningat ne noni hok nide prak meng yati di bindo tut ninyeng jeisi ei muk ngei kin nungug di tuhan De Ig joti ikieti. Noro niabiati bu ne noni tug ndei nimai lo, hi di mpu noni bi.”

DANIEL 7:10

Hum dwim kwei leu banggo mbrei dima noyam kin minyei di biam kwei leu minyei bousi. Nide awak nya ibou sribu-ribu kin tungwatu nindigsi di imangti ibou juta-juta igya ei nimig him. Tto bou dem mem nikei mbus tungwatu nya ingonti leu api noni mbrek leu srat nya.

DANIEL 9:12

Akes hukum ei nyeni dip kin nyende nibou ndig nya dip cem bit leu nok apreu ei mem nye nipou su. Abindei ba, minu ndig Yerusalem tug ndei hukum nindig bibor dor njiriek minu nindigsi nya ei dihyei nisurti-nipekti hagom ide hukum.

YOEL 2:2

Njap dima mitau kwei sut nidinditi di dindi-kai kin bumbuhui di dindi tut biget leu api hai ceng di nok tentara nimpung di nindig gom mikwei nggai kep nungug him nya noyam kin bumbuhui di ndok bibor. Mun di buhun di nok gini hi cut igkep tungwatu nya nipou bigyo lene micut igkep yok ei nidipti bu bi sren.

MALEAKHI 3:16

Lene yo di ittin tut tuhan isimbot kep biyam. Noni ngig nitingou mem yok biyok ngon kep ighyet lene pas kep yo di ikon ninyeng ba, ittin tut Noni yahagom inyeng ei srat gomti di jo Noho bei.

MATIUS 24:21

Lewo tungwatu nya ei nijam dima migyai ninghuisi wei nindig bibor dor njiriek ninghuisi wei di hwen tungwatu habiei leu nimbie him kikau kwei bipek ammani kep lene kikau ug bipek njap ningwig honti cem.

MARKUS 13:19

Lewo tungwatu nya ei nijam dima migyai ninghuisi wei nindig bibor dor njiriek ninghuisi wei di tungwatu nya igyai habiei leu nimbie him kikau kwei bipek ammani kep cem lene kikau ug bipek njap ningwig honti cem.

LUKAS 10:20

Noro ma jiyai ningon di llei drek dip ninnei rom nya di ibit jihyet au. Gi kei rino jiyai ningon di llei sut gino Allah pas kep jinyeng ei gwamti.”

ROMA 11:15

Lewo Allah kou sut Nide limwa nya lene gima bon nikwesti mem ngkiai nya igyai ingon di kwes kin Noni hanyen. Gino Noni joi sut Nide limwa nya hanyen bu ne jo nibreisi bipia gima midem kep nok nimai nya di ikiju hanyen leu imai eisi!

ROMA 11:26

Gima ne nisinati mem Noni teu mben Yahudi yahagom leu sisar biyai niyaijo nijep biyok. Lewo Allah Nihyet pai, “No Di Teu Tungwatu Nya Leu Sisar mikwei leu Sion leu api miciu ser yo di intun Yakub him nya ide mun di mbuk hagom.

EFESUS 1:21

Kristus ninyeng jei bibor dor njiriek nipai testi di ikrau kep nisindemti nya kin nibou ndig nya kin nibou mien nya bitut yo di inyeng jei nya yahagom di ingat rin ei mpia-bbed him mem nijam dini kin nijam di mikwei yo.

FILIPI 4:3

Na di disut di ningon gom e, handei kon ba, ampu sop cin dini. Lewo nipou ne ibrim ingkek bimpu da tirigi ditri tut Nihyet Di Kei leu Allah noyam kin Klemen kin disut bat nindigsi nya di inyeng tibim kin daptar yo di igyai niyaijo nijep nya yahagom.

YUDAS 1:9

Noro Mikhael di nok nibou ndig mem malaikati nindigsi nya bon nok gima bibrim ningkek kep Bilis hak bi. Tirigi noni kin Bilis isrep yam tut Musa nimai lene Mikhael pai kep Bilis bisriman noni bi. Noro pai hak a Nnaba! Tuhan mikes hukum ei na dip hak ug!

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,

NINGAT-HI-NGAT NYA 12:7

Mpe dima lene bihi ikon pran bit yam ei gwamti. Mikhael kin nide malaikati nya ikon pran bit naga nya ba, naga kin nide malaikati nya ikon pran bit Mikhael nya.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 17:14

Nibou dini yok mikon pran bit Domba Pmot noro Domba Pmot kin Nide limwa di Noni hig yok ba, dimig yok di ingon gom tut Noni mibindei cut nibou ndig dima yok. Lewo Domba Pmot ne Tuhan di ninyeng tak kep yo di inyeng jei nya kin Nibou Ndig di ninyeng tak kep nibou ndig nya yahagom ri.”

NINGAT-HI-NGAT NYA 20:12

Leu api dingat lo, yo di imai su nya bitut yo di inyeng jei nya kin yo di inyeng bi nya yahagom igya simiak banggo mbrei. Lene hi mbrek leu srat nya lo, mbrek leu srat gom kin bu ba, srat dini ne Srat Yo Di Igyaijo Nya ri. Yo di imai su nya itug ndei hukum bibit leu igyai munti nya di jo ei srat dimati.

NINGAT-HI-NGAT NYA 20:15

No dima com yo dino inyeng jo ei Srat Yo Di Igyaijo Nyati bi nya ei muk humti.

NINGAT-HI-NGAT NYA 3:5

Yo di ibindei cut sisar nisindemti nya igyai sinsun di tiei kei bijuk. Didip tut inyeng leu Srat Yo Di Igyaijo Nya bi sren. Midipai brei ei Dicig kin Nide malaikati nya yoho bei bipia yo dini ne Ditde limwa nya ri.

NINGAT-HI-NGAT NYA 7:14

Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.