DANIEL 11:6 - ALLAH NIHYET MEM TUNGWATU NYA

⁶ Ari bingwam poi ser lene nibou ndig minu Mesir jem nisut bit nibou ndig minu Siria lene bindo nipmisop bak nibou ndig minu Siria dima buwak. Noro nijem nisut bit yamti dima ngkiem bi. Ba, nipmisop dima kin nijjep kin nimunggwom kin nide awak di ibuwak no nya yahagom itug ndei nimai.

DANIEL 11:6 ပူးပေါင်းရင်းမြစ်များ

AYUB 38:15

Yo di ingon tindur nya ikou sut nipigati di piga digai mem njapti lewo nipigati dima bindei ba, bit bon ibon mun di mbuk nya bit leu igyai kepti nya kan bi.

MAZMUR 10:5

No di sibut nggok minggok ba, ningat mang ntun nide midyai nya him. Noni kan tut tuhan nicukti nya ba, ningon huk niti tut cem bi. Ningwes om kep nide siceu di iba nitok binoni yahagom.

YEHEZKIEL 30:21

“Na di tungwatu di ayaijo kikau bi e, didahat nibou ndig minu Mesir ninda pang tu ba, hi di ngot kep ninda pang di dahat dima cem hi di prioi kep nidahati cem bibindei ba, kei hanyen bisindem mem gima mem ninghat tut singau simeda cem ningat rin bi.

DANIEL 11:13

Nibou ndig minu Siria mbus nide nimpung tentara di nindig bibor dor njiriek tentara gi nipou pima bu. Tirigi ttou bou dem lene noni kiju tut tentara di nindig bibor di iba ide minggwen di mang bibor binjei siceu.

DANIEL 11:15

Nibou ndig minu Siria yon siceu ttai minu ndig di bon nide tentara nibousi di igya coi nya bihwen lene yai biyati. Tentara Mesir nya yahau mem kan bi. Tentara di mimbri kui ingkek nya cem yahau mem bihwen siceu kan bi.

DANIEL 11:40

Tirigi nibou ndig minu Siria ninyeng tak kepti ningwig honti dideu su lene nibou ndig minu Mesir njei siceu bihwen noni. Nibou ndig minu Siria buhup bikon pran bit bibor binjei sut kroba pran kin kuda kin kibar minyei mang bibor ba, bihwen. Noni ba siceu bihwen noyam kin minyei di su nindig bibor biyai minu mang bibor biyati.

DANIEL 11:7

Jei bi lene tungwagom di nimbier kim misop dima kui nok nibou ndig. Noni njei siceu bihwen nibou ndig minu Siria de tentara nya. Noni njei bicoi ug ei ide tentara nibousi di igya coi nya leu ba, bindei timek yok hak.

ZAKHARIA 11:16

Lewo dibindei ba, adem kep nok gembala di kinei. Angat i! Ditin ei mem dita gembala gom ei minu dini. Noni miba nikou yai domba di srawir nya buug teu domba di ipror nya bingwes ngun bi lene biyai obat bak domba di ibok nya bi. Noni miyai njita bak domba nya bigyem bindei yok bi. Noro noni miyem domba di nimmau ndok bibor nya inghui bitiba mindhe dima yok injou leu yok.