DANIEL 11:40 - ALLAH NIHYET MEM TUNGWATU NYA

⁴⁰ Tirigi nibou ndig minu Siria ninyeng tak kepti ningwig honti dideu su lene nibou ndig minu Mesir njei siceu bihwen noni. Nibou ndig minu Siria buhup bikon pran bit bibor binjei sut kroba pran kin kuda kin kibar minyei mang bibor ba, bihwen. Noni ba siceu bihwen noyam kin minyei di su nindig bibor biyai minu mang bibor biyati.

DANIEL 11:40 ပူးပေါင်းရင်းမြစ်များ

YESAYA 21:1

Gini ne nisok nihyetti tut minu Babel ri. Mun di buhun bibor di tereu nok hou nimig di sibui di nibimbiti nindig cut kwei leu iggum ndigsi bindei ba, tungwatu nya ingon ttin bibor.

YESAYA 5:28

Tibor di ide nya nggwen kei ba, ikri tibor mem gima ikes bindei siceu cem. Kuda di ide nya imig ndungwak ngkiem kei bidem tig hum lene ide kroba pran nimig sibui bidem hou di nimig ten bibor di mbut sindem.

YESAYA 66:15

Ningat ne tuhan mikwei sut hum a. Noni mikui Nide kroba pran di dem kep hou di nimig ten bibor lene bindei hei nigga biborti bikon nihyet kep yok bibor.

YEREMIA 4:13

Jingat i, siceu itau kwei ba, idem kep bumbuhui di tap a. Kroba pran di ide nya dem kep hou sigau di cut a. Kuda di ide nya idor sindem dor njiriek ha krubri cem. Ayo! Buhun bibor mem nyeni o! Nyeni yahagom isar ug rin o!

YEHEZKIEL 38:4

Midipingok ninghwak him leu lene midiba nikoisi nya bisrou niji a. Ba, dibikri noni behei sut nide nimpung tentara nya cem. Nide nimpung tentara di ibri kuda kan di ijuk sinsun di noyam dima imang bibor ba, yahagom ittei ide mun di ibipukep tibor ninggwenti nya kin singau simeda cem.

YEHEZKIEL 38:9

Noni kin nide tentara kin mben ngot di injei bit noni minjei kwei ba, icoi bihwen bidem kep nok sigau. Yoni mikieng kep minu dima noyam kin bumbuhui di jun minu dima.”

DANIEL 11:10

Leu api nibou ndig minu Siria nipmot bat nya injei siceu ba, itin ei ide nimpung tentara di nindig mem gima ikon pran. Leu api nipmot gom kiju tut tungwatu binjei bihwen siceusi dem kep minyei di su a. Noni brim ningkek bicoi siceu ide tentara nibousi di igya coi gom bihwen.

DANIEL 11:11

Gima rino nibou ndig minu Mesir gga bibor binjei sut nide tentara ug ei mpia di ikon pran bit yam eisi bihwen nibou ndig minu Siria bibindei timek nide tentara nipmem ngat.

DANIEL 11:13

Nibou ndig minu Siria mbus nide nimpung tentara di nindig bibor dor njiriek tentara gi nipou pima bu. Tirigi ttou bou dem lene noni kiju tut tentara di nindig bibor di iba ide minggwen di mang bibor binjei siceu.

DANIEL 11:22

Noni bindei timek tentara nya di ikon pran bit noni bicok tut Allah de Imam Nibou Ndig cem ba, sar.

DANIEL 11:25

Leu api noni brim ningkek bimbus tentara ningot ndig ei mem gima njei bihwen nibou ndig minu Mesir di tin ei mem gima ba nide tentara di nindig bibor ba, mimbri kui ingkek cem bihwen ba, kon pran bit noni. Noro nibou ndig minu Mesir hau mem kan bi. Lewo yo di hiter igyok ingon gom mem gima ihwen noni tu.

DANIEL 11:35

Nibou di ingon ki pima ibou poi igyai nimai noro imaisi dima bindei ba, map kui ide limwa nyati bu bi noro ingon kwes kei. Mun dini yok mbut kikau ug bipek nijam ningwig honti di Allah kos tut tu.

DANIEL 11:39

Noni mbus yo di ikuk yok bak kwar ngkiai dima mem gima buhwen niya ser nide tentara nibousi di igya coi di isindem nya. Noni kon yo di ingon gom tut noni di ice tut ninyeng tak kep yok nya inyenga. Noni bindei ba, inok nibou di inyeng tak kep tungwatu nya ba, ibiyai dihyei ninda rom leu dihyei hanjop nsi di noni pos tu nya binok imuhup.

DANIEL 11:7

Jei bi lene tungwagom di nimbier kim misop dima kui nok nibou ndig. Noni njei siceu bihwen nibou ndig minu Siria de tentara nya. Noni njei bicoi ug ei ide tentara nibousi di igya coi nya leu ba, bindei timek yok hak.

DANIEL 12:4

Leu api malaikati dima pai bida “Daniel e, nogindini ma akibou kep srat dima lene aba lem bikrau kep ser leu binhyepo jo nok kikau ug bipek nijam ningwig honti. Tungwatu nya imang bibor ibingon mem gima inggok tut mun di sindi pek kep lo, icom yahanggwap mikui-kausi he.”

DANIEL 12:9

Noni buhup “Daniel e, nogindini aug hak lewo suar iku mimun tut nihyet dima kikau ug bipek nijam ningwig honti.

DANIEL 8:17

Leu api Gabriel di ya doho bei dima son dideu da apino didigit tut nindig bibor biditti ug ei dihyeisi. Noni pai bida “Na di tungwatu di ayaijo kikau bi e, suar akan tut bipia ningat-hi-ngat dima bindo tut nijam ningwig honti ri.”

HABAKUK 3:14

Ade tibor tibim Ade siceu nya ide nibou pranti ba, kus leu tirigi nide tentara ikon pran bit nye noyam kin hou sigau bibindei ba, nintek gimahap. Ikwai tiei kep nye noyam kin yo di ico kep yo di yuhui mbum nyahan hak.

ZAKHARIA 9:14

tuhan mindo Nonti ei anai brei bak Nide limwa nya leu api Nide tibor di kri di kes nya noyam kin kigyei di srei. tuhan Di Ninyeng Jei Bibor mimiep pun mbrei pran bimbut nimig sindem bibor kwei dem kep nok sigau di kwei leu nite bei mpia nibiho.

NINGAT-HI-NGAT NYA 16:12

Malaikati gi nimuhwindagom ug siber mun di jo ei nide bokorti ug ei minyei ndig Efratti apino minyei dima hagom pingge leu lene bon ninggati mem nibou ndig nya di mikwei leu mpia nipriti imbut kak.

NINGAT-HI-NGAT NYA 9:16

Hi mbot kep bida tut tentara nya di ibri kuda imangti bipia imangti ibou juta sratus can.