DANIEL 11:36 - ALLAH NIHYET MEM TUNGWATU NYA

³⁶ Nibou ndig minu Siria bon mun igbit ningon kanti. Noni ba ningon di jei bipai bipia ninyeng jei bibor dor njiriek kwar di tungwatu nya ikuk yok bak nya kin Allah Di Ninyeng Jei Bibor cem hagom. Noni sindem mem gima yai igbit ningon kanti dima kikau ug bipek njap di Allah kes hukum ei noni dip. Lewo suar mun di Allah kos tut ei su mbut bipek kep.

DANIEL 11:36 ပူးပေါင်းရင်းမြစ်များ

MAZMUR 136:2

Jikwei ba, ipai sigyo bak Allah Di Ninyeng Jei Bibor. Nide ningon ngakeisi jo ninghig-niker.

MAZMUR 33:10

tuhan tte tut keret dihyeisi dini ingon kanti nya bibindei ba, hagom cut hacan. Noni bigen ser yok leu binhyepo igyai kep ingon kanti nya kan bi.

NIPINGOK NINGONTI 19:21

Tungwatu nya ikos tut ingon kanti ninyeng mang bibor noro tuhan nikos tutti nya he rino mipek kep.

YESAYA 10:23

Igbit ri! tuhan Di Ninyeng Jei Bibor mibindei timek minu Israel titut yam. Gima ne tuhan nikos tutti rin ba, bit bon luei ningonti tut kan bi.

YESAYA 10:25

Ditde nigga jeti mikes hon ei nituti di jei bi ri. Gi kes leu lene midibindei sar yoni.

YESAYA 10:5

tuhan pai “Buhun bibor mem minu Asyur! Minu Asyur nok kuk di dikrop kin yam kin biei nibibui ba, dibimbas yo di itug ndei Ditde nigga yoti.

YESAYA 14:13

Abungwam ndam gima akui ug ei mpia-bbed him ba, atas ade banggo mbrei ei ham di gwam anai bibor dip! Akan bipia agwam nok nibou ndig ei nungug dip ei nite bei mpia nijjai di nok mpia di kwar nya idem yam eisi.

YESAYA 14:14

Apai bipia akui nig-nai ug ei bumbuhui nya dip dem kep nok No Di Ninyeng Jei Bibor.

YESAYA 26:20

Ditde limwa nya e, ma jicoi ug ei jide ig leu api jinggam dimbou a. Jiku je sri bibou tuhan niggati cut leu e.

YESAYA 30:33

tuhan tin ei mpia di mem nindig hum eisi mem nibou ndig Asyur ningut habiei nipou yo tu. Mpia dima jut cem nyan cem ba, mpung tut biei nindig di kui sur mpia eisi tu. tuhan miba ninnei di miep dem kep aspal ngei di biam bipindei biei dima binjeng.

YESAYA 46:10

Habiei ei nimbie him lene dimbot kep tut mun gi nidipti. Habiei ei nimbie him ne ditri tut mun di mipek kep mem tungwatu nya. Dipai bipia dikos tutti nya mipek kep mem tungwatu nya ba, midiyai hagom bit leu dingon kanti.

YESAYA 57:9

Jiba mini ibou kin mini di ui-gwang kei nya bidip je leu api juug kuk je bak kwar Molokh. Jicuk tungwatu nya biyuug nggok kwar hiter nya ei minu ting kin minu nimai ide nya cem.

YEHEZKIEL 28:2

“Na di tungwatu di ayaijo kikau bi e, ma atri tut mun di Da di tuhan Di Dinyeng Jei Bibor dipai bak nibou ndig Tirus bipia aba angon di jei bikon nanti ba, agwam ei banggo mbrei dip ei muk ningwa dip leu api ade limwa nya ikuk yok bina. Abon nanti nok no di ikuk yok bak ug lo, ma ayok ngon kep bipia nani ne tungwatu nitu he ri.

YEHEZKIEL 35:13

Mben Edom e, jinsi bbed bijiba jingon di jei bitri tut jihyet biDa. Dimiap gima yok hagom tu.

DANIEL 11:16

Nibou ndig minu Siria dima bon mun bit leu nonti ningon kanti lewo hi dima sindem mem gima hwen no poi mien cem bi. Noni yai minu di kei-kau dor njiriek minu nindigsi nya biyati ba, ninyeng tak kep titut yam.

DANIEL 11:3

Leu api nibou ndig gom di mimbri kui ningkek kiju. Nibou ndig dima ninyeng tak kep minu nindig bibor apino bon mun igbit nonti ningon kanti.

DANIEL 11:37

Nibou ndig dima miba ningha bak kwar di nidigup bat-nidigai bat nya ikuk yok bak kin kwar di sop nya ikuk yok bak cem. Ningat ne ba ningha bak kwar di tungwatu nya ikuk yok bak dima yok hagom lewo noni kan bipia ninyeng jei dor njiriek hagom.

DANIEL 12:7

Lene no dima su ninda hacem kui mpia-bbed him. Dimiap gi noni heng bitug hon Allah di niyaijo kikau ninyeng bipai “Mun di pek kep dima yok mbut biyem ari bingwam nitindur ningai ba, bed nitindur muhwindagom. Hammi tirigi nihwen bit Allah de limwati nya kes hon rino mun di pek kep di wer mindur dima yok cem kes hon.”

DANIEL 2:47

Nibou ndig pai “Daniel e, ade Allah ninyeng jei dor njiriek kwar di tungwatu nya ikuk yok bak hagom. Noni sindem dor njiriek nibou ndig nindigsi yahagom. Noni mbot kep mimun hagom kan. Gima hagom jo nibreisi mem da lewo aba angon di ki bipai sut mimun dima ningat bida tu.”

DANIEL 4:35

Noni mian huk tungwatu dihyeisi dini bingat lo, idem kep nok yo di ibon inyeng bi ei niyai him. Ninyeng tak kep malaikati nya ei gwamti kin tungwatu dihyeisi dini cem. Bit bon tungwa hi tte tut ningon kanti bihig simber Noni tut niyai munti nya kan bi.

DANIEL 5:19

Ninyeng di jei bibor dima bindei ba, timiei minu nya kin mben nya kin gi imbrap ighyet ter leu yam yahagom ittin noni ba, inghuisi mpig sut. Gino acig kos tut bipia miyai nimai bak tungwagom lene noni yai mun bipek kep ningon kanti dima hak ug. Gino noni kos tut bipia miteu tungwagom leu hukum nimai lene noni yai mun bipek kep ningon kanti dima cem hak ug. Noni kon bihi inyeng cem nim kep bihi cem hagom bit leu ningon kanti.

DANIEL 5:20

Noro ningon di jei bibor kin ningon di tindak kin ningon di mbuk dima bindei ba, Allah om noni leu nide banggo mbrei leu api ninyeng di jei pror yon hak leu noni.

DANIEL 7:8

Tirigi diyai bong kep ningat-hi-ngat dima lene dingat lo, nibou nggai gom kin bu ntun him nibou nggai nggreti nya. Nibou nggai dini nimien lo, sindem mem gima tiba nibou nggai ningai gi hiter bicom hak leu. Nibou nggai dini bon niyai kin nuhui noyam kin tungwatu ba, ningon jei binggei-nggwang tut nonti nindig bibor.

DANIEL 8:19

“Midindo brei bina tut mun di mipek kep ei nidipti bu tug hon Allah de nigga biborti. Lewo ningat-hi-ngat di angat pima ndo tut nijam ningwig honti ri.

DANIEL 8:4

Dingat lo, domba nikre dima ba nibou nggai bidat mpia ei nite bei mpia nicutti kin nite bei mpia nijjai kin nite bei mpia nibiho. Mindhe hi di sindem mem gima tte tut noni ba, ningwes ngun leu ninda nsi bi. Domba nikre dima yai mun bipek kep nonti ningon kanti apino ningon jeisi kum eisi bu.

ZAKHARIA 11:16

Lewo dibindei ba, adem kep nok gembala di kinei. Angat i! Ditin ei mem dita gembala gom ei minu dini. Noni miba nikou yai domba di srawir nya buug teu domba di ipror nya bingwes ngun bi lene biyai obat bak domba di ibok nya bi. Noni miyai njita bak domba nya bigyem bindei yok bi. Noro noni miyem domba di nimmau ndok bibor nya inghui bitiba mindhe dima yok injou leu yok.

YOHANES 5:30

“Bit bon diyai midyai bit leu dingon kanti kan bi. Dimbus tungwatu nya ingonti bit leu nok Allah nicuk Dati. Diba dingon sren-srau bikos tut mun nyeng hi lewo dibit leu Danti dingon kanti bi. Noro dibit leu No di cuk Da kwei ningon kanti.

YOHANES 6:38

Lewo dijuk kwei leu gwamti leu binhyepo diyai midyai bit leu Danti dingon kanti bi noro bit leu No di cuk Da kwei ningon kanti.

KISAH 4:28

Idem yam leu binhyepo igyai mun di hagom bit leu nok akos tutti nipou su tut mun di micut igkep Noni. Ba, akos tut mun di mipek kep nya hagom tug hon Ade nisindemti kin angon kanti.

NINDAT KEP TUHAN NICUKTI NYA 10:17

tuhan di nok jide Allah ninyeng jei dor njiriek kwar di tungwatu nya ikuk yok bak nya kin nisindemti nya hagom. Ma tungwatu nya ibit nihyet lewo ninyeng jei ba, Noni sindem bibor cem. Noni mbus nggok tungwatu nya ba, ce tut hi ba mitiei bingot kep Noni bi.

TESALONIKA GI NICAN 2:3

Mbro nok gima lo, ma jisindui sut yo di hiter ba, iris bije au. Lewo Njap dima nicunti mittau kep nye bi bibou nijam di tungwatu nya yaham imbuk kep Allah ningwigsi mipek kep nipou ug e. Mpe dima ne No Di Ba Nitok Bak Allah mittau kwei lo, Allah mibindei timek no dima ei hum njengti.

TESALONIKA GI NICAN 2:4

No dima mitte tut mun di tungwatu nya ibikuk yok bak kin nung nya di ikuk yok bak hagom leu api mikon ninyeng jei dor njiriek ninyeng hagom bigwam jug ei Tuhan De Ig bitri tut bipia noni ne Allah ri.

TESALONIKA GI NICAN 2:8

No Di Ba Nitok Bak Allah mittau kwei. Noro tirigi Tuhan Yesus kwei hanyen ne Noni miba ninnei di hei leu nuhui bikos noni. Yesus nikwei hanyenti di sieng-siau kei dima mibindei timek noni.

YOSUA 22:22

“tuhan he rino Allah Di Ninyeng Jei a! tuhan he rino Allah Di Ninyeng Jei a! Noni kan tut nyeni ningon kanti tut mun di nibon dini lene handei kon ba, jeni cem jikan tut ningon kanti dima. Gino nikiek ba, naham nimbuk kep tuhan ba, ningon gom tut Noni cem bi lene nna ba jiyai nimai binye nogindini hak ug!

NINGAT-HI-NGAT NYA 10:7

Lewo tirigi malaikati gi nimuhwindacan miep nide pun mbrei lene Allah yai igbit ningon kanti di jo nding bit leu nok Noni tri tut bak Nide awak di nabi nya nipou su pima.”

NINGAT-HI-NGAT NYA 12:14

Noro hi yai ninyehei can dem kep hacam krubri di nindig bibor ninyehei bak no di sop leu binhyepo bimba bingkwei hanyen ug ei nigwam kepti ei iggum ndigsi. Leu api hi minyohou noni mem ari bingwam ningai biniken ei sirima leu binhyepo ningwes ngun leu naga di micut igkep noni.

NINGAT-HI-NGAT NYA 13:1

Leu api dingat lo, mindhe hiter di niten-pos ningut gom kiju kwei leu muk jou. Noni bon nibou muhwindacan ba, nibou nggai simnai ntun nibou muhwindacan pima him lene ttin topi mas bikwop ei nibou nggaiti. Leu api srat bokti di wer mpiahi tut Allah jo bikwop ei nibou ngwakti nya.

NINGAT-HI-NGAT NYA 17:17

Lewo Allah pingok ingonti leu binhyepo injei siceu bigyai mun bit leu Nonti ningon kanti mem yok. Gima rino ice tut yam bikes ide nisindemti hagom ei mindhe di niten-pos nindati leu binhyepo ninyeng tak kep mun nyeng hagom bibou Allah nikos tutti nya midem ug e.

NINGAT-HI-NGAT NYA 17:3

Leu api Allah Ninnei bie tut da ba, malaikati dima buwak da ug ei iggum ndigsi. Ei sirima ne dingat lo, sop gom bri bigwam ei mindhe ningwoi di niten-pos dip. Leu api srat bokti di tibim tut ninyeng di wer mpiahi tut Allah jo bidem mindhe ningkek dip hagom. Mindhe dima bon nibou muhwindacan ba, nibou nggai simnai ntun him.