Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DANIEL 11:35 - ALLAH NIHYET MEM TUNGWATU NYA

35 Nibou di ingon ki pima ibou poi igyai nimai noro imaisi dima bindei ba, map kui ide limwa nyati bu bi noro ingon kwes kei. Mun dini yok mbut kikau ug bipek nijam ningwig honti di Allah kos tut tu.

အခန်းကိုကြည့်ပါ။ ကော်ပီ




DANIEL 11:35
34 ပူးပေါင်းရင်းမြစ်များ  

Mpe di nibou mben Babel nya ipinak ibou poi kwei mem gima ihig ser Hizkia tut bindo di mindur pima lene tuhan sindui sut ba, Hizkia buhup bit leu nonti ningon kanti. Tug hon nisinati dima lene tuhan bingon Hizkia ningonti.


Tukan nya iba hum bibingon mas kin perak nitu noro tuhan binai sut tungwatu nya ingonti.


Noro gino mben Israel itam kwar di ikuk yok bak nya ide nimbar hum dok nya bindung-diem lene Noni mikos ser ide sisar. Suar ma ibindei timek ide nimbar di indig biei nggrai di ui-gwang kei eisi nya kin kwar di bindo tut Kwar Sop Asyera hagom ningwig a.


Leu api nibou ndig cin dima igwam meja gom bigyem njita bit yam. Noro iba ingon kanti di kinei bibor biris mun ei yamti. Ingon kanti di ikos tut nya cut hacan lewo ngon bou dem bigyo.


Bed poi gi nidipti bu lene noni njei siceu ba, pi bihwen nibou ndig minu Mesir hanyen bu lo, ningon kanti dima ug pek nipekti bit leu gi nipou pima bi.


Yo di ingon ki nya di ibie tut ide limwa nya ibindei ba, imang bibor ingon dor niti. Noro yo di ingon ki ibou poi igyai nimai ei pranti kin hum di yem yok tut igyaisi cem ba, siceu nya ipos ibou poi ide mun di ima nya leu yok lene ibindei sima yok.


Tirigi nibou ndig minu Siria ninyeng tak kepti ningwig honti dideu su lene nibou ndig minu Mesir njei siceu bihwen noni. Nibou ndig minu Siria buhup bikon pran bit bibor binjei sut kroba pran kin kuda kin kibar minyei mang bibor ba, bihwen. Noni ba siceu bihwen noyam kin minyei di su nindig bibor biyai minu mang bibor biyati.


Mporo nibou di ingon ki nya ipiga mpia bidem mpia-bbed him di piga kei. Lene yo di ingginau tungwatu nya imang bibor di ibindei ba, yo dima iba ingon di sren bibon mun di kei nya ipiga mpia bidem ham nya di piga mpia-bbed him bijo ninno bijo kikau.”


Leu api malaikati dima pai bida “Daniel e, nogindini ma akibou kep srat dima lene aba lem bikrau kep ser leu binhyepo jo nok kikau ug bipek nijam ningwig honti. Tungwatu nya imang bibor ibingon mem gima inggok tut mun di sindi pek kep lo, icom yahanggwap mikui-kausi he.”


Nibou nggai dima nide nisindemti kum eisi binindig ba, wer dem mem gima hwen ham mpia-bbed him nya binjei ham ningat poi ug ei dihyeisi bico kep nyen-nyen.


Leu api Gabriel di ya doho bei dima son dideu da apino didigit tut nindig bibor biditti ug ei dihyeisi. Noni pai bida “Na di tungwatu di ayaijo kikau bi e, suar akan tut bipia ningat-hi-ngat dima bindo tut nijam ningwig honti ri.”


“Midindo brei bina tut mun di mipek kep ei nidipti bu tug hon Allah de nigga biborti. Lewo ningat-hi-ngat di angat pima ndo tut nijam ningwig honti ri.


Nibou ndig pima kin tungwatu nya imang bibor iba ingon gom bipreu ei mem yam kikau mem ari bingwam muhwindacan bu. Ug ei nijam dima nahacanti lene noni ggai ser nibon midut ei nimbar hum dokti kin munkwas di igyai bak Allah. Noni bindei ba, nide awak nya itas Nisibutti Di Bindei Map Kui tuhan De Ig biya anai ei ig bou ninjek dip bijo nijoti kikau bibou nibou ndig di bindei dima tug ndei hukum nimai di Allah tin ei mem noni ug e.”


Ma apas kep nimbot kepti dima lewo tto bou dem mem nipek kepti bigyo. Jei bi ne tto bou dem leu api nimbot kepti dima mipek kep mem je dem igbit dipaisi. Mbro nok gino tto bou dima dem bigyo lo, ma amem ser nitausi! Dipreu ei mem na bipia mun dima mipek kep lene binyen bi.


Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”


Yesus buhup “Simon di Yona nipmot e, angon nggei-hi-nggei lewo mun di nijit-jau di tibim leu ahui him dima ne tungwatu nya ipingok na tut bi noro Dicig ei gwamti pingok angonti tut.


Noro suar mun dini yok hagom pek kep mem nye leu binhyepo nabi nya ide nipas kepti ei Allah Nihyetti midem igbit.” Leu api yo di igya kui Yesus yahagom ikes Noni binang leu.


Bikwop ninda di tug Da lo, ningat ntun him bi ne Noni sriot leu hak ug. Noni kot ninggrupti bipe nimeng bihi leu ninda di ningat ntun him leu binhyepo ningat hi kin ntun him bu.


Gima rino nindigsi nya ipai binoni “Ningat Tuhan Yesus bou niyai him tu!” Noro Tomas buhup “Gino dingat ninda nimuhweisi di iba paku bipek bou diyai him bidisu dinda bidingget nimuhweisi dima kin nikimbu dip nimuhweisi bi lene dingon jo kep nikiju hanyenti bi sren.”


Lo bi lene Paulus kin nisut bat nya ibri kibar minyei ei minu ndig Pafos bibitot minyei ngwa dip ug ei minu ndig Perga ei hanjop Pamfilia. Yoni yuug krau lene Yohanes-Markus kes yok bingkwei hanyen ug ei minu ndig Yerusalem.


Noni yai manna di nok njita bije ei iggum ndigsi. Hon kep mpe dima nimo jug ne jidigup bat-jidigai bat nya igyem njita nok gima hi bi sren. Noni ba mun di buhun bibor bibingon je leu binhyepo bikan tut jingon kanti nya. Gima hagom nok leu binhyepo Noni miyai gi kei bije ei nidipti bu.


Disut bat jen, gino mun di buhun di ter leu yam hi gom hi gom cut igkep je lene ma jingon llei sut,


Malaikati gom kin bu hei kwei leu Allah De Ig lene ba nihyet di nindig bibor bipai bak no di gwam ei bumbuhuiti “Aba ade singau koi bikos njita kwei lewo tto bou dem tu. Dihyeisi len tu!”


Lewo Allah pingok ingonti leu binhyepo injei siceu bigyai mun bit leu Nonti ningon kanti mem yok. Gima rino ice tut yam bikes ide nisindemti hagom ei mindhe di niten-pos nindati leu binhyepo ninyeng tak kep mun nyeng hagom bibou Allah nikos tutti nya midem ug e.


Ma jittin tut ninghuisi wei di jei bi mijiyai au. Jimiap e, Bilis bingon je bibindei ba, tungwatu nya mikat je bijisima ei ig bui nsi leu api jiyai ninghuisi wei kikau ug ei njap simnai. Mbro nok gino ibindei bijimai lo, suar jingon gom tut Da leu api midiyai niyaijo nijep di jo kikau nok munkwas bije drek dip jide nibindei cut yokti.


Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ