DANIEL 11:35 - ALLAH NIHYET MEM TUNGWATU NYA35 Nibou di ingon ki pima ibou poi igyai nimai noro imaisi dima bindei ba, map kui ide limwa nyati bu bi noro ingon kwes kei. Mun dini yok mbut kikau ug bipek nijam ningwig honti di Allah kos tut tu. အခန်းကိုကြည့်ပါ။ |
Tirigi nibou ndig minu Siria ninyeng tak kepti ningwig honti dideu su lene nibou ndig minu Mesir njei siceu bihwen noni. Nibou ndig minu Siria buhup bikon pran bit bibor binjei sut kroba pran kin kuda kin kibar minyei mang bibor ba, bihwen. Noni ba siceu bihwen noyam kin minyei di su nindig bibor biyai minu mang bibor biyati.
Nibou ndig pima kin tungwatu nya imang bibor iba ingon gom bipreu ei mem yam kikau mem ari bingwam muhwindacan bu. Ug ei nijam dima nahacanti lene noni ggai ser nibon midut ei nimbar hum dokti kin munkwas di igyai bak Allah. Noni bindei ba, nide awak nya itas Nisibutti Di Bindei Map Kui tuhan De Ig biya anai ei ig bou ninjek dip bijo nijoti kikau bibou nibou ndig di bindei dima tug ndei hukum nimai di Allah tin ei mem noni ug e.”
Ma jittin tut ninghuisi wei di jei bi mijiyai au. Jimiap e, Bilis bingon je bibindei ba, tungwatu nya mikat je bijisima ei ig bui nsi leu api jiyai ninghuisi wei kikau ug ei njap simnai. Mbro nok gino ibindei bijimai lo, suar jingon gom tut Da leu api midiyai niyaijo nijep di jo kikau nok munkwas bije drek dip jide nibindei cut yokti.