DANIEL 11:34 - ALLAH NIHYET MEM TUNGWATU NYA

³⁴ Tirigi niyai nimai biyokti dima jo kep yok lene ibou poi he ingondut Allah de limwa nya bimpu yok. Mbro nok gino yo di imang bibor ibicom yam bit yok lo, yo dima ibinggok puig tut mun di bon ninyeng mem yonti he.

DANIEL 11:34 ပူးပေါင်းရင်းမြစ်များ

DANIEL 11:21

Malaikati dima binut nihyet bu bipai “Nibou ndig gi bram bu di ninyeng tak kep minu Siria ne nisibut cig ri. Dem mem noni yai ninyeng nibou ndig bi. Noro noni kwei kros lene ba niris munti biyai ninyeng nibou ndig bigwam niti.

DANIEL 11:32

Leu api nibou ndig dima ba niris mun igkeisi bibindei ba, yo di ingkwei leu Allah de nikrau kepti pima itti kin noni. Noro yo di ibit Allah nihyet ibrim ingkek bihwen noni.

MATIUS 7:15

“Ma jisok kep jenti ser nabi nitrowai nya di isrig jikieti lo, iluei itta binok domba nya. Noro bei ninsi ne inok nsien mbrei di niten-pos.

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.

GALATIA 2:4

Mbro nok gima lo, bihi ibidip huk noni tut. Yo dima iluei itta tereu nok yo di Kresten ba, ibipis yo di mbusyameisi leu binhyepo iba itta sien kep yo di mbusyamei binggok tut nyende niyati kwes di tug hon ide ninok gom kin Kristus Yesusti. Yoni ipi biyuubon nyeni bininok awak mem puig timiei hanyen.

2 TIMOTIUS GI NICAN 4:3

Lewo ei nidipti bu ne tungwatu nya mijoi sut ningginausi di nijit di tibim ei itingou nsi bu bi. Noro yuhuk bram yonti ingon kanti nya binduk guru nya imang-mang di ingginau yok tut mun di itingou dile mem.

TITUS 1:11

Suar asok kep yo dima ngkiem leu binhyepo ikimut yuhug hak ug. Lewo iba nihyet minyei binggek tut mbusyamei ninsi de nya imang bibor ba, ibipek mitiei nindig bibor leu yok. Igyaisi dima igbit bi!

YOHANES GI NIGOM 4:1

Disut bat di dingon kieti jen! Ma jingon bit yo di ipai sut yonti bipia igyai Allah Ninnei ei ingonti yahagom au. Noro ma jibinai ighyet leu binhyepo jingon dorti tut ninnei dima nikwei leusi. Lewo nabi nitrowai nya imang bibor imbut-mbut nyen bidem dihyeisi dini nisurti-nipekti hagom.

YOHANES GI NIGOM 4:5

Nabi nitrowai nya ipui kep mun di pror yon ei dihyeisi dini leu api tungwatu dihyeisi dini ingon bram ighyet lewo dihyeisi dini ninyeng tak kep yok.

YOHANES GI NICAN 1:7

Niris kep mun cig nya imang bibor ikieng kep dihyeisi bisrig tungwatu nyati. Itri tut bipia tirigi Yesus Kristus kwei ei dihyeisi dini ne Noni tungwatu nijit bi. No dima ne niris kep mun cig kin No Di Ba Nitok Bak Kristus cem ri.

YUDAS 1:4

Lewo yo di isibut nya ibou poi imbris nyahan bisrig ikieti ba, ikiek-kiek nyen nihyet tut Allah nisingat tut nyeti leu binhyepo ibimbrap gau yonti ingut kanti di kinei di srou yok. Yo dima itte tut bipai sut Yesus Kristus bipia Nongkom ngat ne Iceu kin ide Tuhan rin bi. Allah nihyet pai sut ide hukum di hatap yok mimbrek ngan tu.

NINGAT-HI-NGAT NYA 12:13

Tirigi naga ningon kan bipia Mikhael nya icom noni ug ei dihyeisi mu tu lene noni huk bram sop di srek tut nipmot.

NINGAT-HI-NGAT NYA 2:20

Noro diwok je tut mun nyeng gom. Jisindui sut sop di ninyeng Izebel di pai sut nonti bipia tri tut Allah nihyet. Noni ba ningginausi dima biris bak Ditde awak nya imang bibor. Noni bindei ba, icut ug ei sisar nicut tut yamti bigyem njita di tungwatu nya ipigig ser mem kwar nya cem.