DANIEL 11:33 - ALLAH NIHYET MEM TUNGWATU NYA

³³ Yo di ingon ki nya di ibie tut ide limwa nya ibindei ba, imang bibor ingon dor niti. Noro yo di ingon ki ibou poi igyai nimai ei pranti kin hum di yem yok tut igyaisi cem ba, siceu nya ipos ibou poi ide mun di ima nya leu yok lene ibindei sima yok.

DANIEL 11:33 ပူးပေါင်းရင်းမြစ်များ

DANIEL 12:10

Yo di imang bibor itug ndei ingon di kwes kei tug hon mun di bingon yok. Yo di ibon kep mun di kinei bibor nya ingon huk niti bi. Leu api ibon mun di kinei bibor kikau. Yo di ingon ki nya he rima ingon huk niti a.

MALEAKHI 2:7

Suar imam nya ingginau ide limwa nya leu binhyepo ingon jo kep Da di tuhan Di Dinyeng Jei Bibor. Suar yo dima ihig ser imam nya tut dingon kanti lewo imam nya igya hacan mem Da.

MATIUS 10:21

Mpe dima lene yo di ikinjoi bat yam mitri yam leu api yo di ikrau nisindemti nya mijem nimai gau yok. Nok gima cem andig poi nya mitri imunggwom bat nya ba, munggwom nya mitri icig bat-ipmem bat nya leu api yo di ikrau nisindemti nya mijem nimai gau yok bu.

MATIUS 13:11

Noni buhup “Allah mbot kep mimun tut Ninyeng Tak Kepti bije tu noro Noni mbot kep mimun dima bak yo di hiter bi.

MATIUS 20:23

Yesus pai biyok “Igbit ri. Jidut ei gi mokti di didut eisi. Noro tut yo di igwam kui dinda com kin dinda prak ne bit bon dindo yok bi lewo Dicig jem gumihyep dima bou No mem yo di inyeng jo niti he.”

MATIUS 24:9

Lene nibou di isindem nya mikat je ba, ihwen bit je bikimukep je. Tungwatu nya yahagom mingon mpo tut je drek dip gi jibit Da.

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

YOHANES 16:2

Nibou nya micom je leu ig mbusyamei. Ei nidipti bu lene tungwatu nya ikan bipia gino igyai nimai bije lene gima bit leu Allah ningon kanti mem yok.

KISAH 11:26

Niabiati Barnabas um Saulus lene noni buwak noni bingkwei hanyen kwei ei minu ndig Antiokhia leu api ibong bit yo di inggre kin mbusyamei mem ari bingwam nitindur gom bingginau tungwatu imang bibor. Mpe dima cem tungwatu nya kindi ijem yo di ingon jo kep nya ei minu ndig Antiokhia inyeng Kresten.

KISAH 14:21

Paulus kin Barnabas itri tut Nihyet Di Kei ei minu ndig Derbe leu api tungwatu imang bibor ingon jo kep Yesus. Gima ngwig leu lene ingkwei hanyen ug ei minu ndig Listra kin Ikonium kin Antiokhia ei hanjop Pisidia.

KORINTUS GI NIGOM 4:9

Noro dikan bipia Allah kuk nye di niya kui Kristus biniya abia kep nide limwa nya yahagom tereu nok yo di isima nya di itug ndei nimai brei bou malaikati kin tungwatu yahagom igyai him.

2 TIMOTIUS GI NICAN 1:12

Gima rino diyai ninghuisi wei drek dip mun dini yok. Noro dingon nddong lewo dikan tut No di diba dingon com. Gima cem dingon jo kep bipia Noni sindem mem gima nyohou mun di Noni ba ningon com da tut kikau ug bipek Njap Ningwig Honti.

2 TIMOTIUS GI NICAN 4:6

Tut dani ne tto bou dem mem gima diyai nimai dem kep nok mindhe di ibui bibam ei nimbar hum dokti tu ba, ngon bou dem mem gima dikes dihyeisi dini ei biduug leu tu.

IBRANI 11:34

imu kep hum di sror cem ingwes ngun leu singau simeda ninggwenti cem inghuisi jet noro igyai nisindemti di mindur cem inok nihwen mun cig ba, ikon pran bit tentara ngkiai nya bibindei ba, icut biyok.

NINGAT-HI-NGAT NYA 1:9

Dani ne Yohanes ba, dinok jisut no di Kresten ri. Dibicom yam bit je mem nijam di iba ibou coi mem ninghuisi wei di cut igkep Nide limwa nya di inok gom kin Kristus. Disima ei Mios Patmos drek dip gi ditri tut Allah nihyet di Yesus ba Nonti nihyet bibindei sindem bibor.

NINGAT-HI-NGAT NYA 17:6

Dingat lo, mun di pu noni ne Allah de limwa nya kin yo di igyai nimai drek dip ingon di gom tut Yesus inggrom ri. Tirigi dingat noni lene dinga leu tut nindig bibor.

NINGAT-HI-NGAT NYA 2:13

Dikan tut bipia mpia di jibongti dima ne mpia di Bilis gwam ei nide banggo mbrei dip ri. Mbro nok gino yo di isibut nya ihwen Antipas di ningon gom di tri tut Nihyet Di Kei ei jide minu di nok Bilis nibousi dima lo, jiba jingon com Da kikau. Jibikep ser Da drek dip bi lewo jingon gom tut Da.

NINGAT-HI-NGAT NYA 6:9

Domba Pmot cug biei nggrai gi nimuhwi leu lene dingat yo di ingon gom di igyai nimai drek dip gi itri tut Allah nihyet innei a. Ba, dingat ninnei nya di ibicom yam ei nimbar hum ndok nikiou.

NINGAT-HI-NGAT NYA 7:14

Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.