DANIEL 11:32 - ALLAH NIHYET MEM TUNGWATU NYA

³² Leu api nibou ndig dima ba niris mun igkeisi bibindei ba, yo di ingkwei leu Allah de nikrau kepti pima itti kin noni. Noro yo di ibit Allah nihyet ibrim ingkek bihwen noni.

DANIEL 11:32 ပူးပေါင်းရင်းမြစ်များ

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NEHEMIA 4:14

Tirigi dingat lo, limwa nya ingon bos-bos nyen lene dipai biyok kin ide nibou nya “Ma jittin tut ide siceu nya au. Jiyok ngon kep bipia Tuhan sindem bibor lene ma jibrim jingkek bijinyohou jisut bat timiei minu dini kin jimunggwom bat nya kin jitnem bat nya yahagom bitut ig jide nya cem hagom.”

MAZMUR 9:10

tuhan nok tring behei bicuon yo di ide siceu nya ico kep yok igyaisi. Noni ne mpia di mem yo di yuum mun di nggruk nya igya nding ri.

NIPINGOK NINGONTI 19:5

Bit bon no di ris mun ei nikei noho bei ningwes ngun leu hukum kan bi.

NIPINGOK NINGONTI 26:28

Niris mun ei hiterti rinoyam kin gi ningon mpo tut noni. Ma atindei ser no di nihyet mmau lewo noni tin ei mem gima hwen na cem ri.

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

DANIEL 11:21

Malaikati dima binut nihyet bu bipai “Nibou ndig gi bram bu di ninyeng tak kep minu Siria ne nisibut cig ri. Dem mem noni yai ninyeng nibou ndig bi. Noro noni kwei kros lene ba niris munti biyai ninyeng nibou ndig bigwam niti.

DANIEL 11:34

Tirigi niyai nimai biyokti dima jo kep yok lene ibou poi he ingondut Allah de limwa nya bimpu yok. Mbro nok gino yo di imang bibor ibicom yam bit yok lo, yo dima ibinggok puig tut mun di bon ninyeng mem yonti he.

ZAKHARIA 10:12

Midiyai nisindemti bak Ditde limwa nya ba, yoni mice tut bibit dihyet bikuk yok biDa cem.” tuhan simbot dat tu.

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

NINGAT-HI-NGAT NYA 6:11

Leu api Allah yai sinsun ndok di jei di tiei kei ba, bibikwop yahagom leu api kuk yok leu binhyepo ibet ingon mbigom bu bibou isut bat di inok awak mem Allah kin isut bat dima igyai nimai noyam yoni imangti dem ug e.