DANIEL 11:31 - ALLAH NIHYET MEM TUNGWATU NYA

³¹ Noni cuk nide nimpung tentara di ibindei suwok tuhan De Ig tug hon gi idip tut midut nindig mindhe ei nimbar hum dokti bak tuhan bikwop njap-njap ba, itas Nisibutti Di Bindei Map Kui tuhan De Ig eisi cem.

DANIEL 11:31 ပူးပေါင်းရင်းမြစ်များ

YEREMIA 19:4

Dibibon je nok gini drek dip Ditde limwa nya di iba inghim bak Dani. Yoni ibindei ba, map kui mpia dini drek dip midut di ibon bak ngkiai nya ide kwar nya di yoni kin idigup bat-idigai bat nya kin nibou ndig minu Yehuda nya yahagom ingon dorti tut bi. Yoni yuhug yo di ingon ngun nya inggrom ba, ut ei mpia dini tu.

YEREMIA 7:30

Timiei Yehuda nya ibon mun di kinei bibor. Ikon ide kwar di dingon mpo tut nya ba, itas ei Ditde Ig bibindei ba, map kui Ig dima.

NIBWOS-BWOS NYENTI 1:10

Siceu di ibindei timek no ipos nide ndigban ningwig tu o! Nok gima cem noni ngat gi siceu nya icoi ug ei tuhan De Ig bou niyai him o! Gima ne niyai munti gom di tuhan ggai ser ngkiai nya tut rin o!

NIBWOS-BWOS NYENTI 2:7

tuhan rok Nide nimbar hum dok di kwes ei leu ba, kes nonti Nide Ig ei su o! Noni sindui sut ba, siceu inggek ngug tig nya ba, lus ningwig o! Siceu imbos-hi-mbos ei mpia di nipou nikuk nye bak tuhan binibon pesta eisi lewo yoom kep nye tu o!

YEHEZKIEL 9:7

Allah pai biyok “Jibindei ba, map kui Ditde Ig dini. Jibindei ba, ninsi nya hagom mpung tut nimbiam ngut a. Jikinyon eisi!” Leu api ikinyon ei niyai nimai bak yo di ingat rin ei minu ndig dimati.

DANIEL 12:11

Leu njap di nibon midut nindig mindhe ei nimbar hum dokti bikwop njap-njap dima kes hon ba, nijam di bibon ningon ttinti di ijem Nisibutti Di Bindei Map Kui tuhan De Ig tau lene nijam dima miyem njap sribu gom sratus can ningot muhwindatai.

DANIEL 8:24

Ba, nide nisindemti mikum eisi bibor noro nisindemti dima tug hon nonti bi. Noni mibindei ba, nibindei timek buhun biborti cut igkep tungwatu nya. Noni yai mun bipek kep ningon kanti lene bindei sar yo di inyeng jei nya kin Allah de limwa nya cem.

DANIEL 8:26

Ningat-hi-ngat tut midut nindig mindhe ei nimbar hum dokti bikwop mmunti kin njap tekti di hi mbot kep tut pima mipek kep nijit-jau a. Noro gima yok mipek kep ei nijam gi nidipti bu di no ting yo. Gima rino ma ambot kep tut bak tungwa hi au.”

DANIEL 9:27

Nibou ndig pima kin tungwatu nya imang bibor iba ingon gom bipreu ei mem yam kikau mem ari bingwam muhwindacan bu. Ug ei nijam dima nahacanti lene noni ggai ser nibon midut ei nimbar hum dokti kin munkwas di igyai bak Allah. Noni bindei ba, nide awak nya itas Nisibutti Di Bindei Map Kui tuhan De Ig biya anai ei ig bou ninjek dip bijo nijoti kikau bibou nibou ndig di bindei dima tug ndei hukum nimai di Allah tin ei mem noni ug e.”

HOSEA 3:4

Nok gima cem tut mben Israel. Suar ibet ingon wer ninno mem nijam di ibon ide nibou ndig kin no di bie tut yok ba, ibindei mbut ide midut nya cem bi. Ide cou tig di mindur nya kin ide kwar nya kin ide nung nya di imbot kep mimun tut nidipti bu biyok jo biyok bu bi cem.

MATIUS 24:15

“Mijingat lo, ‘Nisibutti Di Bindei Di Map Kui Tuhan De Igti’ tirigi ya ei ninsi di kwes-kwau dem igbit srat di nabi Daniel pas kep tut. (Ma no di kwop srat bokti dini yok ngon kep ningginausi!)

MARKUS 13:14

“Mijingat Nisibutti Di Bindei Map Kui Tuhan De Ig ya ei ninsi di kwes-kwau (ma no di kwop srat bokti dini yok ngon kep ningginausi!) Mpe dima lene suar yo di ibong ei hanjop Yudea inang ug ei cet him.

LUKAS 21:20

“Tirigi jingat tentara nya imang bibor igyon ttai Yerusalem lene mijikan tut bipia tto bou dem mem inggek minu dima hagom bingwig ri.

NINGAT-HI-NGAT NYA 17:12

Nibou nggai simnai di angat dima ne nibou ndig ibou simnai di inyeng tak kep ide limwa nya bigyo ri. Noro yoni mikrau nisindemti binok nibou ndig di inyeng tak kep ide limwa nya bit mindhe di niten-pos mem jam gom ngat he.