DANIEL 11:27 - ALLAH NIHYET MEM TUNGWATU NYA

²⁷ Leu api nibou ndig cin dima igwam meja gom bigyem njita bit yam. Noro iba ingon kanti di kinei bibor biris mun ei yamti. Ingon kanti di ikos tut nya cut hacan lewo ngon bou dem bigyo.

DANIEL 11:27 ပူးပေါင်းရင်းမြစ်များ

SAMUEL GI NICAN 13:26

Lene Absalom pai bak “Gi nok lene ma ace tut dikindig Amnon bibit nye.” Nibou ndig srep “Noni cem suar gima bit na bi.”

MAZMUR 12:2

tuhan e, ampu nyeni o! Lewo tungwa hi bu di kei bi. Yo di ingon gom tut Nani isar bingwig tu.

MAZMUR 52:1

Daud de doia ningginausi mem no di bie tut doia nimpung.

MAZMUR 58:2

Je di jinyeng tak kep limwa nya e, jiba jingon di gom bikos tut mun e? Jiba jingon di gom bigwam nok nikei di kim munhyet ei tungwatu ikieti e?

MAZMUR 62:9

Ditde limwa jen e, ma jiba jingon com Allah bikwop mmun-njap hagom. Ma jipai jit mun di jo jingon bei hagom brei biNoni. Lewo Noni ne mpia di igya coi dima ingwes ngun ri.

MAZMUR 64:6

Ikrau kep ingon kanti di kinei bibor bingkiem lene iba ingon di gom bisimbot kep biyam tut gima indin bon ser puig ba, ikan bipia hi di ngat bon dima bi.

NIPINGOK NINGONTI 12:20

No di kos tut ningon kanti mem gima bon mun di kinei joi sut ningon di can. No di ta nibou ei niyai munti di kei nya ningon nggei-hi-nggei.

NIPINGOK NINGONTI 19:21

Tungwatu nya ikos tut ingon kanti ninyeng mang bibor noro tuhan nikos tutti nya he rino mipek kep.

NIPINGOK NINGONTI 26:23

No di nihyet mmau lo, ningon mbuk rinoyam kin dibijig igtuyap di iba perak binggai kep bei nisai.

YEHEZKIEL 17:9

Leu api Da di tuhan Di Dinyeng Jei Bibor dihig ser bipia ba anggur dima hei bingun-ngau cem binindig nut ug e? Ha krubri gi nigom pima mohom tut nigau nya cem mikikam ningat cem midahat ninda nya lene misindui sut biei anggur dima bimbriong bi e? Ningat ne isuar tungwatu imang bibor bitut ide nisindemti kin mben di mimbri kui ingkek mem gima yohom ba anggur dima tut nigau nya bi.

DANIEL 10:1

Nibou Ndig Kores ninyeng tak kep minu Persia ug ei ari bingwam gi niningai lene nimbot kepti tut nihyet gom tibim kwei ei Daniel di ninyeng hi Beltsazar nitingou nsi. Nihyet dima igbit lo, nggruk bibor mem gima ningon huk niti. Tirigi Daniel bingon-ngon nyen mem gima ningon hukti tut lene nicoi ei ningatti dima jo nibreisi mem noni tug hon ningat-hi-ngat di noni ngat.

DANIEL 11:28

Nibou ndig minu Siria ngkwei hanyen tut ndigban ngot di pos di tug ndei nya hagom ug ei nide minu. Noni bungwam ndam gima bindei timek Allah de limwa nya ide midut di ikrau kep mem ibikuk yok bak Allah. Nibou ndig dima bon mun igbit nonti ningon kanti leu api ngkwei hanyen ug ei nide minu.

DANIEL 11:29

Bed poi gi nidipti bu lene noni njei siceu ba, pi bihwen nibou ndig minu Mesir hanyen bu lo, ningon kanti dima ug pek nipekti bit leu gi nipou pima bi.

DANIEL 11:35

Nibou di ingon ki pima ibou poi igyai nimai noro imaisi dima bindei ba, map kui ide limwa nyati bu bi noro ingon kwes kei. Mun dini yok mbut kikau ug bipek nijam ningwig honti di Allah kos tut tu.

DANIEL 11:40

Tirigi nibou ndig minu Siria ninyeng tak kepti ningwig honti dideu su lene nibou ndig minu Mesir njei siceu bihwen noni. Nibou ndig minu Siria buhup bikon pran bit bibor binjei sut kroba pran kin kuda kin kibar minyei mang bibor ba, bihwen. Noni ba siceu bihwen noyam kin minyei di su nindig bibor biyai minu mang bibor biyati.

DANIEL 8:17

Leu api Gabriel di ya doho bei dima son dideu da apino didigit tut nindig bibor biditti ug ei dihyeisi. Noni pai bida “Na di tungwatu di ayaijo kikau bi e, suar akan tut bipia ningat-hi-ngat dima bindo tut nijam ningwig honti ri.”

DANIEL 8:19

“Midindo brei bina tut mun di mipek kep ei nidipti bu tug hon Allah de nigga biborti. Lewo ningat-hi-ngat di angat pima ndo tut nijam ningwig honti ri.

HABAKUK 2:3

Ma apas kep nimbot kepti dima lewo tto bou dem mem nipek kepti bigyo. Jei bi ne tto bou dem leu api nimbot kepti dima mipek kep mem je dem igbit dipaisi. Mbro nok gino tto bou dima dem bigyo lo, ma amem ser nitausi! Dipreu ei mem na bipia mun dima mipek kep lene binyen bi.

KISAH 1:7

Yesus buhup, “Dicig Nongkom kos tut nituti kin nikwesti mem mun dima yok hagom. Noni ce tut mun dima yok jo ei nibreisi mem je bigyo lewo jem bou nikos tutti dima mem Nonti.

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

TESALONIKA GI NIGOM 5:1

Disut bat jen, suar nipai sut nituti dima mun dini yok nipek kep mem nyeti bije bi.