DANIEL 11:12 - ALLAH NIHYET MEM TUNGWATU NYA

¹² Leu api ningon jei sut gino om kep siceu kin gi bindei mai imang bibor ei pranti dima cem. Noro nide nisindemti jo kikau bi.

DANIEL 11:12 ပူးပေါင်းရင်းမြစ်များ

NIBOU NDIG NYA GI NICAN 14:10

Na di Amazia e, abindei timek mben Edom tu apino angon jei sut ayaisi dima. Gino abindei timek siceu lene gima dem bi e? Handei kon ba, agwam hak ei ig bei! Apriet kin munhyet di mibindei ba, mun di buhun micut igkep nanti kin ade limwa nya hanyen mem mindei i?”

NIBOHON MBEN ISRAEL GI NICAN 25:19

Na di Amazia angon jei sut gi po abindei timek mben Edom pima. Noro handei kon ba, agwam hak ei ig bei. Nggon rino jiyok jingon gom mem munhyet di mibindei ba, nibuhunti micut igkep nanti kin limwa ade nya i?”

NIBOHON MBEN ISRAEL GI NICAN 26:16

Tirigi Nibou Ndig Uzia sindem bibor tu lene cut ei nillei-llau sut nontiti. Lene gima bindei timek ninyeng jei biborti cem. Noni tunggwei nide tuhan Allah de nicukti tug hon gi coi ug ei tuhan De Ig bindig biei nggrai di ui-gwang kei ei nimbar dima dip.

NIBOHON MBEN ISRAEL GI NICAN 32:25

Noro noni gijem sigyo hanyen bak tuhan tut ginjei mun di kei bak dima bi lewo ningon jei. Gima rino tuhan ningon sibui sut timiei Yehuda kin Yerusalem nya.

NIPINGOK NINGONTI 16:18

Ninggei-nggwangti bindei ba, nisarti ntun him. Nillei-lausi micut ninyeng jeisi.

YEHEZKIEL 28:17

Aimaisi di ubbu ngat dima bindei ba, angon jei. Anyeng jeisi bindei ba, aba angon di mbum bibon mun. Gima rino dinjei na ug ei dihyeisi. Dibindei ba, anok bindo di bipingok nibou ndig nindigsi nya ingonti leu binhyepo ibiyok ngon kep.”

YEHEZKIEL 28:2

“Na di tungwatu di ayaijo kikau bi e, ma atri tut mun di Da di tuhan Di Dinyeng Jei Bibor dipai bak nibou ndig Tirus bipia aba angon di jei bikon nanti ba, agwam ei banggo mbrei dip ei muk ningwa dip leu api ade limwa nya ikuk yok bina. Abon nanti nok no di ikuk yok bak ug lo, ma ayok ngon kep bipia nani ne tungwatu nitu he ri.

YEHEZKIEL 28:5

Jo nibreisi bipia ade ningon ki tut nitri-nipek munti bindei ba, njap di ammani ne anyeng bibor. Ba, mun di anyeng bibor tut dima bindei ba, angon jei ba, akon nanti cem!”

DANIEL 11:11

Gima rino nibou ndig minu Mesir gga bibor binjei sut nide tentara ug ei mpia di ikon pran bit yam eisi bihwen nibou ndig minu Siria bibindei timek nide tentara nipmem ngat.

DANIEL 11:13

Nibou ndig minu Siria mbus nide nimpung tentara di nindig bibor dor njiriek tentara gi nipou pima bu. Tirigi ttou bou dem lene noni kiju tut tentara di nindig bibor di iba ide minggwen di mang bibor binjei siceu.

DANIEL 5:23

Andigpoi e, angon jei bibor bou tuhan ei gwamti niyai him tirigi aba angon di jei bicuk ade limwa nya bipia ikon mok kin bokor nya po acig pos kwei leu tuhan De Ig pima kwei. Nani kin yo di inyeng jei di igya kui na kin atnem ndig nya kin atnem mien nya jahagom jidut ba anggur ngei eisi. Leu api jinggei sut kwar di tungwatu nya iba mas kin perak kin ngkimom-tembaga kin ngkimom nitu kin biei kin tig bibon. Mun di jikuk je bak dima yok igyai tu ba, itingou nam cem ba, ingon mbum cem. Anggei sut Allah di ndo igbit ade njap nijeisi kin ningwigsi bina bi. Ba, Nongkom he rino ninyeng tak kep ayai munti nya.

DANIEL 8:25

Noni yai mun bipek kep niris ei tungwatu nyati lewo noni ne niris kep mun cig ri. Noni mikon nonti lene bindei sar yo di imang bibor kros nipou tirigi sok kep yok tut bigyo. Mbenjen! Noni miyai nibou tut gi hwen bit Nibou Ndig Di Ninyeng Jei Bibor cem. Noro noni mitug ndei gi cut bisar bihigomti lo, gima tug hon tungwatu nya ide nisindemti bi.

NINDAT KEP TUHAN NICUKTI NYA 8:14

ma jingon sok kep jenti ser nhyema jingon jei ba, jibbwe ser tuhan di nok jide Allah au. Lewo Noni teu je bijingwes ngun leu gi jiwer awak ei minu Mesir tu.

TIMOTIUS GI NIGOM 3:6

Ma ata no di sindi nok no di Kresten nijep-jep binok nibou mbusyamei au. Leu gi nok ne ningon jei apino Allah misigion noni noyam kin Bilis di tug ndei nisigion noti.

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”