DANIEL 10:8 - ALLAH NIHYET MEM TUNGWATU NYA

⁸ Inang leu da bidiya bidangkom bidingig diyai kep ningat-hi-ngat di biyai dingon digit dima lene dinghuisi sindem bu bi ba, diimaisi cem hai bibor tu.

DANIEL 10:8 ပူးပေါင်းရင်းမြစ်များ

NITRITI 32:31

Tirigi mpia pri tu lene Yakub mbut leu sirima lo, priker lewo nintig tuti dut.

NEHEI LEUSI 3:3

Lene noni kan “Mbenjen! Gini ne mindur ri! Nggon rino hum yem war dima bi i? Suug ngat bisingig siyai kep mbigom ug e.”

DANIEL 10:16

Leu api malaikati di dem kep tungwatu dima su ninda bingget duhui. Lene dipai binoni “Andigpoi e, ningat-hi-ngat di dingat dima bindei om da bibor ba, diyai deti bi bibor.

DANIEL 10:17

Didem kep nok no di awak di ya ei niceu noho bei. Notou mem gima dimbrap bit na di Andigpoi i? Lewo nisindemti ngwig leu da bidinnei cem cun.”

DANIEL 7:28

Nimbot kepti nohonti ndia ri. Lene dittin tut nindig bibor ba, diimaisi hai. Dimbot kep tut ningat-hi-ngat dima bak hiter bi noro diku hagom nyahan ei dingon bei.

DANIEL 8:27

Leu api dinghuisi mbris ba, dinggwen njap poi drek dip ningat-hi-ngat di dingat dima. Gima ngwig leu api dikiju hanyen bidinda jo kep midyai di nibou ndig cuk da tut hanyen. Dikan-kan nyen tut ningat-hi-ngat dima yok ba, dingon mbut-mbut nyen drek dip lewo dingon guhuk niti tut bi.

DANIEL 8:7

Dingig diyai kep noni tirigi cut igkep domba nikre bihwen. Kambir nikre ba niten-pos bidat apino bindei dahat nibou nggai po ntun domba nikre him hacem. Domba nikre sindem mem gima hwen kambir nikre di njei ug ei dihyeisi bico kep nyen-nyen bi. Ba, tungwa hi di mpu domba dima cem bi.

HABAKUK 3:16

Tirigi dimiap kep mun dini yok ne dinghuisi mpig sut biduhui ngkek bingmai-bingmai gwai ba, dittin. Dinghuisi jet ba, disindem bi leu api dimig ndrat mpia bidem dimbutti nya. Midibet dingon nyahan mem nituti di Na di tuhan akes hukum ei yo di ikon pran bit nye dip.

MATIUS 17:6

Tirigi yo di igya kui Yesus imiap nihyet dima lene ittin tut nindig bibor bitti ba, iba ingwak bikik dihyei.

MARKUS 9:6

Yo di igya kui Yesus dima ittin tut nindig bibor apino Petrus ba ningon di kiowi niti bipai nihyet nghwak him dima.

YOHANES 16:32

Ma jiyok ngon kep bipia tto bou mem jintek gimahap midem ba, tto bou dima dem tu. Bikwop jahagom mijingkwei hanyen ug ei jide ig bijikes Da ei apino digwam biDangkom. Noro digwam biDangkom bi lewo Dicig ningat rin bit Da.

KORINTUS GI NICAN 12:7

Noro mun di biyai dinghuisi wei cut igkep da ser nhyema dingon jei drek dip mun di mipbor ngat di dingat bou diyai him au. Mun di bindei di dinghuisi wei tereu nok Bilis de awak di hwen bit da ser nhyema dingon jei au.

NINGAT-HI-NGAT NYA 1:17

Tirigi dingat Noni lene diba dingwak bikik mpia ei nimig him dem kep no di mai su. Noro Noni ba ninda com bitak da bipai bida “Attin tut au! Dani ne nimbie him kin nohon keti,