DANIEL 10:16 - ALLAH NIHYET MEM TUNGWATU NYA

¹⁶ Leu api malaikati di dem kep tungwatu dima su ninda bingget duhui. Lene dipai binoni “Andigpoi e, ningat-hi-ngat di dingat dima bindei om da bibor ba, diyai deti bi bibor.

DANIEL 10:16 ပူးပေါင်းရင်းမြစ်များ

NEHEI LEUSI 4:10

Noro Musa srep bipai “Tuhan e, henha nipou kikau kwei bipek tirigi ambrap bit da ammani kep lene dimbrap kan bi. Diji buhun ba, nggicai cem.”

NEHEI LEUSI 4:13

Noro Musa srep bipai “Tuhan e, dahara mem Nani. Ma apinak da ug ei minu Mesir hanyen au. Noro ma apinak hiter bu.”

NIBA NINGON SRIP HUKTI 1:18

Leu gino ide ningon kiti kum eisi ne ide ningon bos-bos nyenti cem kum eisi. Gino ide nintin kimboti kum eisi ne ide ningon buhunti cem kum eisi.

YESAYA 6:7

Noni ba hum mbom dima bingget duhui ngkek bipai “Hum mbom dini ngget ahui ngkek ba, nogindini angon mui bu bi lewo tuhan kos ser ade sisar tu.”

YEREMIA 1:9

Gima ngwig lene tuhan su ninda bingget duhui ngkek lene pai bida “Ma amiap kep dihyet lene ma atri tut hagom hanyen bak tungwatu nya.

YEHEZKIEL 1:26

Lene dingat mun di iba tig permata nilam bibon nok banggo mbrei di jo anai niban dip ba, mun di nok tungwatu gwam dip.

YEHEZKIEL 3:27

Mpe dino dimbrap bit na hanyen bidibindei ba, ambrap hanyen bu lene suar atri tut mun di Da di tuhan Di Dinyeng Jei Bibor disok ei na dip biyok. Mpe dima lene ibou poi mingig itingou mem ahyet noro nindigsi nya inghek na lewo jo nibreisi bipia inok mben di yaham imbuk kep Da.”

YEHEZKIEL 33:22

Mmunti nipou tirigi noni kwei krau bigyo ne tuhan ningat rin bit da ba, Nide nisindemti pijuk dingonti. Gima rino tirigi no dima kwei krau mem njap di hyep bu rino tuhan bindei ba, diji nggan bidimbrap hanyen bu.

DANIEL 12:8

Dimiap mun di malaikati simbot dat dima yok noro dingon guhuk niti bi. Leu api dihig ser “Andigpoi e, notou mun dima yok hagom kes hon i?”

DANIEL 4:19

Daniel di ninyeng hi Beltsazar miap nihyet dima lene digit tut ba, nga leu nindig bibor. Apino Nibou Ndig Nebukadnezar pai bak “Ma adigit tut ditde mumpriem kin mumpriem ningat au.” Beltsazar buhup “Andigpoi e, Dillei sut gino ade mumpriem kin nimbot kepti cem hagom bitut nani bi noro bitut ade siceu nya.

DANIEL 7:15

Ningat-hi-ngat di dingat bou diyai him dima bindei bidingon kiowi tut ba, dingon buhun nindig bibor cem.

DANIEL 7:28

Nimbot kepti nohonti ndia ri. Lene dittin tut nindig bibor ba, diimaisi hai. Dimbot kep tut ningat-hi-ngat dima bak hiter bi noro diku hagom nyahan ei dingon bei.

DANIEL 8:15

Tirigi dibingon mem gima dingon huk niti tut ningat-hi-ngat dima nimbot kep ningatti lene no di noyam kin tungwatu kwei ya kros ei doho bei.

DANIEL 8:17

Leu api Gabriel di ya doho bei dima son dideu da apino didigit tut nindig bibor biditti ug ei dihyeisi. Noni pai bida “Na di tungwatu di ayaijo kikau bi e, suar akan tut bipia ningat-hi-ngat dima bindo tut nijam ningwig honti ri.”

DANIEL 8:18

Tirigi noni mbrap kep bit da lene no dinghuisi mbris biditti ei dihyeisi yo. Noro noni su ninda bibrim da kui ba, dikiju bidiya hanyen. Leu api noni pai,

DANIEL 8:27

Leu api dinghuisi mbris ba, dinggwen njap poi drek dip ningat-hi-ngat di dingat dima. Gima ngwig leu api dikiju hanyen bidinda jo kep midyai di nibou ndig cuk da tut hanyen. Dikan-kan nyen tut ningat-hi-ngat dima yok ba, dingon mbut-mbut nyen drek dip lewo dingon guhuk niti tut bi.

DANIEL 9:21

Nipou tirigi dikes dihyet bigyo rino malaikati Gabriel di dingat bou diyai him tug hon ningat-hi-ngat pima dwop juk kwei biya simiak da. Noni kwei krau tirigi jam dem mem mben Israel ibon midut ei nimbar hum dokti mem mmunti.

LUKAS 1:64

Hammi tirigi Zakharia pas Yohanes ninyeng rino niji nggan bu bimbrap hanyen binggei sut Allah.

LUKAS 21:15

Lewo dibindei ba, jiji cem nggan jingon cem ki leu api bit bon jide siceu nya yahagom ibigen ser jihyet kan bi.

YOHANES 20:28

Tomas pai bak Yesus “Nani ne ditde Tuhan ba, Allah di dikuk da bak ri!”

YOSUA 5:14

Lene no dima buhup “Ditti kin je bi jide siceu nya cem bi. Dikwei ya diyati dini ba, dinok nibou ndig mem tuhan de tentara.” Lene Yosua ba ningwak bikik dihyei ei no dima nimig him bipai binoni “Andigpoi e, dani ne ade awak rin ba, midiyai hagom bit leu nok acuk dati.”

NINGAT-HI-NGAT NYA 1:13

Ba, dingat tungwagom di ya srigsi bijuk sinsun ndok di nijeisi ug bipek nimig lene ba bang mas bikri kep ninggeda.

NIJAM NIKEI NYA 13:8

Lene Manoah ngat nadi bak tuhan bipai “tuhan e, gino ajoi sut lene ma asindui sut Ade awak pima kwei hanyen bipingok nyeni ningonti tut notou nibibon nyeni nipmot tirigi ditnem srek tut noni ug e.”

NIJAM NIKEI NYA 6:13

Lene Gideon buhup “Andigpoi e, dahara ser na. Gino tuhan ningat rin bit nye lene nggon rino mun di buhun bibor dini yok hagom cut igkep nye i? Mindur di nyeni nidigup bat-nidigai bat nya ipui sut po tuhan bibon mem yok nipou su tirigi po Noni buwak yok kwei leu minu Mesir pima hagom pror bingwig leu nye tu e? Jo nibreisi bipia Noni kes nye ei mben Midian indati lene ningat rin bit nye bu bi.”

NIJAM NIKEI NYA 6:15

Lene Gideon buhup “tuhan e, notou miditeu mben Israel bingwes ngun i? Dimbier kim pung di bon ninyeng bi ei keret Manasye ikieti. Lene dide bat nya yahagom ibon inyeng dor njiriek da.”