DANIEL 10:1 - ALLAH NIHYET MEM TUNGWATU NYA

¹ Nibou Ndig Kores ninyeng tak kep minu Persia ug ei ari bingwam gi niningai lene nimbot kepti tut nihyet gom tibim kwei ei Daniel di ninyeng hi Beltsazar nitingou nsi. Nihyet dima igbit lo, nggruk bibor mem gima ningon huk niti. Tirigi Daniel bingon-ngon nyen mem gima ningon hukti tut lene nicoi ei ningatti dima jo nibreisi mem noni tug hon ningat-hi-ngat di noni ngat.

DANIEL 10:1 ပူးပေါင်းရင်းမြစ်များ

NITRITI 41:32

Na di Andigpoi amumpriem mbican tut mun di bon nimbot kepti gom ngat he lene gini bindo tut bipia Allah kos tut ningon kanti tu leu api noni mibindei ba, jei bi lene hagom cut igkep nye.

NIBOHON MBEN ISRAEL GI NICAN 36:22

Ug ei ari bingwam nimbie him ngat di nibou ndig Kores kiju ba, ninyeng tak kep Persia leu api tuhan bindei ba, nihyet po Noni sok ei Yeremia dip bak mben Yahudi pima pek mem yok tirigi ingat rin ei minu Babel. tuhan pingok ei Kores ningonti leu binhyepo bindei hei nicukti gom ba, suar ikwop kep nicukti dima bidem nide ninyeng tak kepti nisurti-nipekti hagom. Nicukti dima nibimbiti pai,

EZRA 3:7

Mben Israel iba ide mitiei bigo tukan tig kin tukan biei imuhup ba, imbus njita kin ba anggur ningei kin mini zaitun keyam bipinak hagom bak mben Tirus kin Sidon biluei buom Libanon nuut di tukan nya iwim birim ug ei muk pimat leu binhyepo itig minyei tut ug ei minu ndig Yafo. Kores di nibou ndig Persia sindui sut gima igyai kep ide midyai dini hagom.

EZRA 4:3

Noro Zerubabel Yesua nya kin nibou insi de nya pima ibuhup “Nisuar jimpu nye tut midyai niwin ig mem nyende tuhan Allahti bi. Miniwin Ig dima binyenti bit leu Kores di nibou ndig Persia nicuk nyeti.”

EZRA 4:5

Lene siceu pima ingot kep nibou di inyeng jei nya ei Persia ninyeng tak kepti leu binhyepo inggek tut midyai di limwa Yahudi nya ikinyon eisi tu dima hak ug. Inggek tut midyai dima ei nijam di Nibou Ndig Kores ninyeng tak kep kikau ug bipek nijam di Nibou Ndig Darius ninyeng tak kepti.

EZRA 6:14

Midyai niwin tuhan De Ig di nibou mben Yahudi ibindei mbut dima mbut sindem bibor tug hon Nabi Hagai kin Nabi Zakharia di iwin kep ide limwa nya ingonti. Limwa nya ikinding hagom biput haninyai bit leu nok Allah Israel kin nibou ndig Kores kin Darius kin Kaisar Artahsasta ei minu Persia cem ide nicuk yoti.

EZRA 6:3

“Tirigi Nibou Ndig Kores sindi ninyeng tak kep limwa nya mem ari bingwam gom tu lene noni tri tut nicukti leu binhyepo tungwatu nya iwin tuhan De Ig ei minu ndig Yerusalem hanyen leu binhyepo ibon midut nindig mindhe-ndhe bak tuhan eisi. Suar Ig dima nijeisi meter nyatungwagom ba, muhwindacan ba, ninyanti cem meter nsi nyatungwagom ba, muhwindacan.

YESAYA 44:28

Dipai bak Kores ‘Anyeng mitak kep limwa nya mem Da leu binhyepo ayai munti nya hagom bit leu dingon kanti. Acuk tungwatu nya leu binhyepo iwin minu ndig Yerusalem ba, ita cou nipmem nya mem tuhan De Ig hanyen.’ ”

DANIEL 1:17

Allah bindei ba, pinai pilei ibou bitai dima ingon ki tut mun nyeng hagom. Noni bindei ba, Daniel ne nimbot kep ningat-hi-ngat cig kin mumpriem cig ri.

DANIEL 1:21

Daniel yai midyai ei nibou ndig de kintrorti kikau ug bipek nijam dino Nibou Ndig Kores leu Persia hwen bitimek mben Babel.

DANIEL 1:7

Mindor di ninyeng tak kep nibou ndig de ig bei nsi nya dima jem ibou bitai dini inyeng Beltsazar kin Sadrakh kin Mesakh kin Abednego.

DANIEL 10:14

Dikwei mem gima diba ningat-hi-ngat gom kin bu biyai angon di huk niti tut mun di pek kep mem ade mben nya ei nidipti bu.”

DANIEL 11:2

Ba, mun di dipai bina ne mun di nijit ri.” Malaikati dima pai “Nibou ndig ningai gi hiter bu nya inyeng tak kep minu Persia leu api nibou ndig gi nibitai bram. Nibou ndig gi nibitai dima nyeng tut ndigban nindig bibor dor njiriek leu gi nindigsi nya. Ug ei nide ninyeng tak kepti kin ninyeng tut ndigban nindig biborti dima nipekti lene noni hum mben hagom insi mem gima ihwen bit minu Yunani ninyeng tak kepti.

DANIEL 12:4

Leu api malaikati dima pai bida “Daniel e, nogindini ma akibou kep srat dima lene aba lem bikrau kep ser leu binhyepo jo nok kikau ug bipek nijam ningwig honti. Tungwatu nya imang bibor ibingon mem gima inggok tut mun di sindi pek kep lo, icom yahanggwap mikui-kausi he.”

DANIEL 12:9

Noni buhup “Daniel e, nogindini aug hak lewo suar iku mimun tut nihyet dima kikau ug bipek nijam ningwig honti.

DANIEL 2:21

Ninyeng tak kep bed di biang hou kin bed di biang mpia ngeisi cem kin nijam nya hagom cem. Noni ta nibou ndig nya leu api cug inyeng di jei hanyen leu yok. Nongkom bindei ba, tungwatu nya ingon ki ba, ingon dorti.

DANIEL 4:8

Mpe dima lene Daniel di ninyeng hi Beltsazar kwei krau ba, ninyeng noyam kin ditde kwar. Ningon mpung tut Allah ninnei a. Gima rino dipai sut mumpriem dima binoni,

DANIEL 5:12

No dima nintin kimbo cem ningon ki cem mbot kep tut mumpriem nya cem mbot kep mimun cem mbus tungwatu nya ingonti tut mun di srou yok cem hagom kan. Ninyeng rino Daniel noro acig jem ninyeng Beltsazar. Ma ahig noni kwei. Noni micoi ei hurup bokti dima ningatti bipai bina.”

DANIEL 5:17

Lene Daniel buhup “Nnaba ayai mun di kei nok gima hagom bida au. Ayai bak yo di hiter hak ug. Midikwop hurup bokti dima mem na di Andigpoi leu api midicoi ei ningatti bidipai bina.

DANIEL 6:28

Noni teu tungwatu nya bikwek yok leu mun di kat yok apino ingwes ngun. Noni bibon mindur kin bindo ei mpia-bbed him kin dihyeisi dini cem. Noni teu Daniel leu singa nya yuhui him leu api bit bon yaham noni kan bi.”

DANIEL 8:16

Dimiap nihyet gom hara kwei leu Minyei Ulai nite dima ug di pai “Gabriel e, ambot kep tut ningat-hi-ngat dima bak no dima!”

DANIEL 8:26

Ningat-hi-ngat tut midut nindig mindhe ei nimbar hum dokti bikwop mmunti kin njap tekti di hi mbot kep tut pima mipek kep nijit-jau a. Noro gima yok mipek kep ei nijam gi nidipti bu di no ting yo. Gima rino ma ambot kep tut bak tungwa hi au.”

LUKAS 1:20

Mun di dipai mipek kep mem na. Noro hon kep ammani kui ne abbwe kikau ba, ahyet tibim leu ahui him bi bibou mun di dipai bina mipek kep mem na ug e. Gima hagom drek dip angon di jo kep dihyet bi ri.”

NINGAT-HI-NGAT NYA 19:9

Lo bi lene malaikati dima cuk da “Ma apas kep srat nok gini ‘Yo dino Allah hig yok kwei mem ibon pesta bit Domba Pmot niwak nitnemti ne ingon nggei-hi-nggei.’ ” Lene binut nihyet gom kin bu bipai “Nihyet dini nijit-jau rin ba, tibim leu Allah nuhui him.”