DANIEL 1:2 - ALLAH NIHYET MEM TUNGWATU NYA

² tuhan sindui sut ba, Nibou Ndig Yoyakim cut bak Nebukadnezar di cat ndigban di nibok kak nya nite hi leu tuhan De Ig. Noni njei bikat timiei Yehuda nya bikri yok hanyen ug ei nide ig kwar nibousi ei minu Babel leu api ttei ndigban di nibok kak di pos nya hagom buug sut ei nibousi mem nide kwar di kuk no bak binju hagom ei ig gudanti.

DANIEL 1:2 ပူးပေါင်းရင်းမြစ်များ

NITRITI 10:10

Habiei ei nimbie him lene Nimrod ninyeng tak kep Babel kin Erekh kin Akad ba, minu ndig ningai dini jo ei minu Babilonia.

NITRITI 11:2

Tirigi yoni ibong-bong wai bidem minu dima ei nite bei mpia nipriti lene ikwei krau briep bou him di nyan bibor ei minu Babilonia biwin ide minu ndig ei sirima.

NIBOU NDIG NYA GI NICAN 24:1

Nebukadnezar di nok nibou ndig mem mben Babel kwei bindei timek timiei Yehuda nya mem nijam di Nibou Ndig Yoyakim ninyeng tak kepti dima. Apino Yoyakim ne Nibou Ndig Nebukadnezar de awak kikau mem nijam ari bingwam ningai ri. Niabiati bu lene kiek nimig jou tut noni.

NIBOHON MBEN ISRAEL GI NICAN 36:5

Tirigi Yoyakim kui di gwam nok nibou ndig mem timiei Yehuda nya dima ne nide njap ug ei ari bingwam nyatungwagom ba, muhwi. Ninyeng tak kep timiei Yehuda nya ug ei ari bingwam simnaibrimiggom ei minu ndig Yerusalem. Noro bon sisar tut nide tuhan Allah.

NIBOHON MBEN ISRAEL GI NICAN 36:7

Mpe dima lene Nebukadnezar ya kep ndigban di nibok kak ei tuhan De Ig nya bicat nite hi bimbut tut krebou-krebai ba, ug kon hagom ei nide ig nibou ndig ei minu Babel.

EZRA 1:7

Lene Nibou Ndig Kores tug bokor nya kin mok nya po Nibou Ndig Nebukadnezar pos leu tuhan De Ig ei minu ndig Yerusalem bikon ei nide kwar nibousi pima hagom hanyen biyok.

YESAYA 11:11

Ei mpe dima lene tuhan miba Nide nisindemti bibuwak Nide limwa niken-ken nya di ibong ei minu Asyur kin minu Mesir kin minu Patros kin minu Sudan kin minu Elam kin minu Babel kin minu Hamat kin mios nya di ting ba, yahagom ikwei hanyen bu.

YESAYA 42:24

Tou rikes mben Israel ei nipos kep mun cig nya inda nsi i? tuhan Nonti ri! Nyeni ibon sisar tut Noni ba, itunggwei sut nihyet cem. Ibit ningginausi nya bi cem.

YEREMIA 25:1

Tirigi Yoyakim di Yosia nipmot kui bigwam nok nibou ndig minu Yehuda ba, ug ei ari bingwam gi nibitai lene diyai nisokti leu tuhan tut timiei Yehuda nya yahagom. Mpe dima lene Nebukadnezar gwam nok nibou ndig mem minu Babel ei nijam ari bingwam gi nimbie him ri.

YEREMIA 27:16

Leu api dipai bak imam nya kin limwa nya yahagom tuhan pai “Ma jimiap kep nabi nya di ipai bipia jei bi ne mben Babel mipian ndigban di jo ei Ditde Ig hanyen kwei rin au. Nabi dima yok ibicum.

YEREMIA 28:3

Ba, midingkwei ndigban di Nibou Ndig Nebukadnezar kon leu Ditde Ig buug sut ei minu Babel hanyen kwei mem nijam ari bingwam can bu.

YEREMIA 35:11

Noro tirigi Nibou Ndig Nebukadnezar coi minu dini bihwen lene nikos tut ningon kanti mem ninang leu tentara Babel kin Siria. Nipri binibong ei minu ndig Yerusalem bitig dino nogindini nibong ei sirini.”

YEREMIA 50:2

“Abon mun di bindo lene abipai bidem ngkiai nya yahagom bipia minu Babel cut tu! Ma aku mimun tut nicutti au! Siceu nya ibindei minu Babel de kwar di ninyeng Merodakh bindung-ndiem tu. Kwar di mben Babel nya ide dima di bindei di tungwatu icut ei mun di kinei nyati dima ki kukiau bikinei-kinau tu.

YEREMIA 51:44

Midikes hukum ei mben Babel ide kwar Bel dip ri. Midibindei ba, noni mingkwei mun ngot di pos tu nya hagom hanyen leu api ngkiai nya hi mikuk no bak bu bi. Minu Babel de ngug tig nya hagom lus tu.

DANIEL 5:13

Haninyai ibuwak Daniel kwei biya ei nibou ndig noho bei leu api nibou ndig hig ser noni “Nani ne Daniel leu mben Yahudi po dicig njei bikat na kwei leu atimieisi ei minu Yehuda pima rin e?

DANIEL 5:18

Allah Di Ninyeng Jei Bibor ta acig Nebukadnezar nok nibou ndig di ninyeng jei bibor bisindem bibor cem ba, tungwatu nya yahagom ikuk yok bak.

HABAKUK 1:16

Leu api ikuk yok bak ide jala ba, ibon midut ei nimbar hum dokti kep lewo ide jala bindei ba, ibong kei igwam kei bigyem njita nyeng hagom bidem cem.

ZAKHARIA 5:11

Noni buhup “Yuug sut ug ei minu ndig Babel ba, miwin ig kwar nibousi hi mem ei sirima. Mpe di ig dima put tu ne ikes bansi eisi mem gima tungwatu nya ikuk yok bak.”

NINDAT KEP TUHAN NICUKTI NYA 32:30

Nggon rino ibou sribu gom icut bak ide siceu gom ngat i? Nggon rino ibou sribu simnai icut bak ide siceu nya ibou can he i? Lewo tuhan di nok ide Allah kes yok ei ba, No di sindem bibor tri yok bak ide siceu nya tu.

NIJAM NIKEI NYA 2:14

Gima rino tuhan ningon sibui sut yok nindig bibor ba, sindui sut ngkiai di imbuk bibor nya bihwen yok bipos ndigban nya bingwig leu yok. Noni sindui sut mben Israel ide siceu di ibong ttai yok igya kep bihwen yok bijo ninno apino bit bon mben Israel ikon pran bigya ngkiem kan bi.

NIJAM NIKEI NYA 3:8

Apino tuhan gga yok bisindui sut yok ba, Nibou Ndig Kusyan-Risyataim leu Mesopotamia bindei timek yoni. Nibou ndig dima ninyeng tak kep yok kikau mem nijam ari bingwam muhwindaningai.

NIJAM NIKEI NYA 4:2

Gima rino Noni sindui sut yok leu api icut bak Yabin di nibou ndig minu Kanaan di ninyeng tak kep ei Hazor. Nide nibou tentara ninyeng Sisera di bong ei Haroset-Hagoyim.

SAMUEL GI NIGOM 5:2

Leu api ikon Brua dima ug ei ide ig di nok nibousi mem ide kwar Dagon. Leu lene itas Brua Gi Preu bijo simiak kwar Dagon di ikuk yok bak.