DANIEL 1:17 - ALLAH NIHYET MEM TUNGWATU NYA

¹⁷ Allah bindei ba, pinai pilei ibou bitai dima ingon ki tut mun nyeng hagom. Noni bindei ba, Daniel ne nimbot kep ningat-hi-ngat cig kin mumpriem cig ri.

DANIEL 1:17 ပူးပေါင်းရင်းမြစ်များ

NIBOU NDIG NYA GI NIGOM 3:12

Gima rino midibuhup ade nahara Dati. Midibindei ba, angon ki ba, antin kimbo dor njiriek tungwatu nya di igyaijo ei nijam di nipou kin nijam di nidipti bu cem.

NIBOU NDIG NYA GI NIGOM 3:28

Tirigi mben Israel imiap tut notou Salomo kos tut munhyet di buhun dima lene yahagom inggap leu nindig bibor. Jo nibreisi mem yok bipia Allah yai ningon di ki bak Salomo leu binhyepo ba ningon di sren kei bikos tut munhyet nya.

NIBOHON MBEN ISRAEL GI NICAN 1:10

Gima rino ma ayai ningon di ki kin ningon di kan bidem tut mun nyeng hi di disuar mem gima dibibie tut yoni. Gi bi lene notou mem gima dipingok Ade limwa di nindig bibor dini ingonti i?”

NIBOHON MBEN ISRAEL GI NICAN 1:12

Gima rino midiyai ningon di ki kin ningon di kan bidem tut mun nyeng hi binani. Ter leu gima lene midibindei ba, abongti kei ayemti kei ba, anyeng tut ndigban nindig bibor ba, dor tunggwei cem anyeng di jei mitibim bidem minu ba, dor tunggwei nibou ndig gi nipou nya kin gi niabiati nya cem yahagom inyeng.”

NIBOHON MBEN ISRAEL GI NICAN 26:5

Zakharia pingok kep ningonti tut Allah ningon kanti nya. Nijam di Zakharia niyaijo yo dima lene Uzia ba ningon di gom bikuk no bak tuhan kikau. Apino tuhan njei mun di kei bak noni.

AYUB 32:8

Noro Allah Di Sindem Bibor de Ninnei he rino yai ningon ki bak tungwatu nya.

NIPINGOK NINGONTI 2:6

tuhan Nongkom kwas ningon kiti kin nintin kimboti kin ningon di dor niti tut tungwatu nya.

NIBA NINGON SRIP HUKTI 2:26

Allah yai ningon kiti kin nintin kimboti kin ningon nggei-hi-nggeisi bak no di pwoi Allah ningona. Noro Noni cuk yo di ibon sisar nya igyai midyai ba, inggok njita bigyai ningat keyam kui ig gudan mem gima ikes bak no di pwoi Allah ningona. Gima hagom ne mun di bit bon dingon dorti tut kan bi rin ba, dem kep nok niyon igkep hou nimig.

YESAYA 28:26

Noni yai midyai dima kan lewo nide Allah ngginau noni.

YEHEZKIEL 28:3

Akan bipia angon ki dor njiriek Danel apino mimun hi di jo nding leu nani bi ug a.

DANIEL 1:18

Tirigi ari bingwam ningai di nibou ndig preu ei pima ngwig leu su lene Aspenas buwak pinai pilei nya yahagom kwei bigya ei Nebukadnezar noho bei.

DANIEL 1:20

Bikwop mpe dino nibou ndig ningon kiowi niti tut mun nyeng hi bihig ser yok ba, hig pus yok tut lene ibou bitai dima iba ingon di ki kin iji di ngkiem bibuhup mbisimnai dor njiriek yo di nung kui yok kin guru nya di igya kui nibou ndig ide nipingok noti yahagom ei minu Babel.

DANIEL 1:4

Suar noni nggok pinai pilei nya di inghuisi kwes cem yuubu cem icoi pikor ninno ba, wer ingon ki cem ikan bidem tut mun nyeng hagom cem ba, idem mem gima igyai kep midyai bit nibou ndig ei nide kintrorti. Suar Aspenas ngginau yok tut nihyet Babel leu binhyepo yahagom imbrap nihyet Babel bipas hurup Babel cem kan.

DANIEL 10:1

Nibou Ndig Kores ninyeng tak kep minu Persia ug ei ari bingwam gi niningai lene nimbot kepti tut nihyet gom tibim kwei ei Daniel di ninyeng hi Beltsazar nitingou nsi. Nihyet dima igbit lo, nggruk bibor mem gima ningon huk niti. Tirigi Daniel bingon-ngon nyen mem gima ningon hukti tut lene nicoi ei ningatti dima jo nibreisi mem noni tug hon ningat-hi-ngat di noni ngat.

DANIEL 2:19

Mmun mau mem njap gom ndia rino Allah ndo igbit mimun tut mumpriem dima bak Daniel tug hon ningat-hi-ngat. Gima rino noni nggei sut Allah ei gwamti,

DANIEL 2:21

Ninyeng tak kep bed di biang hou kin bed di biang mpia ngeisi cem kin nijam nya hagom cem. Noni ta nibou ndig nya leu api cug inyeng di jei hanyen leu yok. Nongkom bindei ba, tungwatu nya ingon ki ba, ingon dorti.

DANIEL 2:23

Didigup bat-didigai bat nya ide Allah e, dinggei sut Na bidikon anyeng. Abindei ba, dingon ki ba, disindem cem. Abuhup dihyet tirigi dingat nadi lene apingok nyeni ningonti tut mun di nibuhup bak nibou ndig tu.”

DANIEL 2:30

Noni ndo igbit nimbot kepti dima bida drek dip gi dintin kimbo dor njiriek tungwatu nindigsi nya bi. Noro leu binhyepo na di Andigpoi angon dorti tut ade mumpriem bitut mumpriem ningat ba, angon dorti tut angon kanti nya cem.

DANIEL 4:6

Gima rino dihig yo di ipingok kep dingonti bidem minu Babel hagom kwei leu binhyepo ipai sut mumpriem dima ningat bida.

DANIEL 5:14

Dimiap tut bipia angon mpung tut kwar di kwes-kwau nya innei cem antin kimbo cem angon ki cem dor njiriek yo di hiter.

DANIEL 7:1

Mpe di Belsyazar ninyeng tak kep mem ari bingwam gom tu lene dibong mai mem mmun gom leu api dimumpriem bidingat ningat-hi-ngat. Dipas kep ditde mumpriem ei srat meng gomti,

DANIEL 8:1

Belsyazar ninyeng tak kep ba, ari bingwam gi niningai lene dingat ningat-hi-ngat gom kin bu.

MBEN ISRAEL IMBUT-MBUT NYEN 12:6

Lene tuhan pai biyok “Suar jingig jitingou mem dihyet! Tirigi jide nabi nya ikiju bitri tut dihyet bije lene dindo dingon kanti biyok tug hon ningat-hi-ngat nya ba, dimbrap bit yok tug hon ide mun di imumpriem nya cem.

LUKAS 21:15

Lewo dibindei ba, jiji cem nggan jingon cem ki leu api bit bon jide siceu nya yahagom ibigen ser jihyet kan bi.

KISAH 6:10

Noro bit bon ibuhup Stefanus nihyet kan bi lewo Allah Ninnei bindei ba, Stefanus ba ningon di ki bibrim ningkek kep yok.

KISAH 7:10

biteu noni leu api ningwes ngun leu mun di buhun tak noni hagom. Allah yai ningon di singat kei kin ningon di ki cem bak Yusuf tirigi noni ya ei Firaun di nibou ndig Mesir noho bei. Apino Firaun kon Yusuf ba, yai ninyeng di jei bak binok nibou mem minu Mesir nisurti-nipekti lene ninyeng tak kep Firaun de ig bei nsi nya yahagom cem.

KISAH 7:22

Guru nya ingginau kep Musa ba, noni yai ningon di ki tut mben Mesir igyai kepti nya hagom. Ba, yai ninyeng di jei tug hon nihyet buhun kin nisindemti cem.

KOLOSE 1:9

Gima rino ningat nadi tindei je habiei ei nimbie him tirigi nimiap tut jinghapti kikau kwei bipek ammani kep. Nahara Allah leu binhyepo Nide Ninnei yai jingon ki bijingon dorti tut ningon kanti mem je.

YAKOBUS 1:17

Mun di kei kin mun di dia-diau nya hagom ntun Allah him bisrek kwei leu Noni. Noni pai tes nipigati nya hagom ei mpia-bbed him. Noni luei ningonti bibindei ba, nidinditi nggai kep tungwatu nya bi.

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.