AYUB 8:8 - ALLAH NIHYET MEM TUNGWATU NYA

⁸ Ma ayok ngon kep yo di ingon ki di nipou nya ba, akan-kan nyen tut ningat di ntun adigup bat-adigai bat nya him tirigi po ipigot bram mun di igyok igyai kep nya.

AYUB 8:8 ပူးပေါင်းရင်းမြစ်များ

NIBOHON MBEN ISRAEL GI NICAN 10:6

Lene Rehabeam ug mbrap bit andigpoi nya po ipingok kep nicig Salomo ningonti pima leu binhyepo ipingok ningonti bihig ser yok “Notou dibuhup yo dima ighyet i? Notou jipingok dingonti tut i?”

AYUB 12:12

Ipai bipia ningon ki no jo bak andig-ndau nya. Noro ningat ne ningon ki kin nisindemti no jo bak Allah Nongkom he. Ipai bipia ningon dor niti no jo bak yo di ide njap ug ninno tu. Noro ningat ne ningon dor niti kin nisindemti mem gima yai nibou tut mun nyeng hagom no jo bak Allah he!

AYUB 13:1

Dingat mun pima yok bou diyai him bidimiap hagom ba, dikan tut mungkun tu.

AYUB 15:10

Niyai ningon ki leu ndigpoi di ibou tiei nya di ingat rin ei nipou tirigi acig srek bigyo.

AYUB 15:18

Yo di ingon ki nya ingginau da lewo ipikor tut ningginausi dima tug hon idigup bat-idigai bat di nipou nya ba, ibinut hagom nyahan bak yo di intun him yok nya.

AYUB 20:4

Jo nibreisi mem na bipia habiei ei nimbie him ngat tirigi Allah sindi kes tungwatu ei dihyeisi dini ne,

MAZMUR 44:1

Nimpung Korah ide doia ningginausi mem no di bie tut doia nimpung.

YESAYA 38:19

Yo di igyaijo nya he rino ikon anyeng bit leu nok gi dikon anyeng mem njap di ammani. tuhan e, ndigpoi nya ipui sut Ade ningon gom biborti bak imunggwom bat nya.

YOEL 1:2

Je di andigpoi nya e, ma jingon ya mem dihyet. Je di timiei minu Yehuda jahagom e, ma jiyok ngon kep. Mun di cut igkep je dini cut igkep je nipou su e, he cut igkep jidigup bat-jidigai bat nya nipou su e?

ROMA 15:4

Srat bokti ei Allah Nihyetti hagom ngginau nye. Lewo Allah Nihyet ningginau nyeti bindei ba, yoom ingon ba, biwin ingon cem. Apino igyok ingon mem Allah.

KORINTUS GI NIGOM 10:11

Mun di cut igkep yo dima hagom ndo bindo bak yo di hiter. Ba, tungwatu nya ipas kep hagom nok nihyet di bisok kep nye. Lewo nyeni igyaijo mem nijam di son dideu njap ningwig honti.

NINDAT KEP TUHAN NICUKTI NYA 32:7

Ma jiyok ngon kep nijam timiei kin nijam pung gi mimbrek ngan tu nya. Ma jihig ser jicig bat nya tut mun di pek kep ei nijam dima. Ma jihig ser andig-ndau nya tut mun di pek kep mem yok.

NINDAT KEP TUHAN NICUKTI NYA 4:32

Ma jiba jingon bisrip huk nijam gi nipou nya kin nijam tirigi jipmem bat nya isrek tut je bigyo kin nimbie him tirigi po Allah pai tes tungwatu nya ei dihyeisi dini ba, jiput ser dihyeisi dini ninjek dip hagom. Dihig ser je bipia mun di mindur nok gini hi pek kep mem tungwatu nya nipou su e? Tungwatu nya imiap tut mun di mindur nok gini ninghapti tu e?