AYUB 8:13 - ALLAH NIHYET MEM TUNGWATU NYA

¹³ Yo di isibut nya inoyam kin lipig di mui hanyen pima. Tirigi ibbwe ser Allah lene ide niba ningon comti pror sindam.

AYUB 8:13 ပူးပေါင်းရင်းမြစ်များ

AYUB 11:20

Noro yo di isibut nya miba ingon di ttai-ttai bou biput-put nyen bingat lo, mem yoni ne hi dima mpu yok bi. Ba, yo dima igyok ingon mem ide njap ningwigsi tau kep yok bimai hak ug.”

AYUB 13:16

Hi rima gi dibrim dingkek biduug ndam Noni dima mibindei ba, dingwes ngun lewo ningat ne no di sibut mibrim ningkek buug ndam Allah bi.

AYUB 15:34

No di sibut mibon nide nintun him yamti di bram yam nya bi. Gino ba mitiei nibingot kep tungwatu nyati biwin ig lene hum miyem ig dima bitimek bingwig.

AYUB 18:14

Nimai kat noni bibrim noni leu nide prak meng di bong kei gwam kei ei niti. Leu api ug biya um no di ninyeng tak kep minu nimai nya ide.

AYUB 20:5

no di sibut ningon nggei-hi-nggeisi jo jei bi. No di miap nihyet bi cem ningon keisi jo jei bi noro dem kep niyai mpau di bingmai he.

AYUB 36:13

Yo di ikuk yok bak Allah bi dima iku-ku nyen ide nigga biborti. Mbro nok gino Noni kes hukum ei yok dip lo, yahara bak mem gima Noni mpu yok bi.

AYUB 8:12

Gino minyei igkropti dima pingge leu lene lipig dima nimeng mbris bimui haninyai dor njiriek mintu-minta nindigsi. Ba, mui urung tirigi nimeng ngun yo ba, dem mem gima itot bibibon mun hi bigyo.

MAZMUR 1:4

Noro ningat di kei ntun no di sibut de midyai nya him kan bi. Noni dem kep nok gandum nisina di hou yai bidimbos bingwig.

MAZMUR 10:4

Yo di ibon sisar nya ingkek ndok tut tuhan lewo iba ingon di jei bikan-kan nyen bipia Allah bon ninyeng mem yok bi.

MAZMUR 112:10

Yo di isibut nya ingat gima yok lene ingon sibui sut. Yaham yuhui mem drek dip ba, ingon kinei sut noni. Noro yoni misar ba, iba ingon comti cem sar bihigom.

MAZMUR 50:22

Je di jiba jingha bak Allah e, ma jiyok ngon kep dihyet. Gi bi lene midibindei sar je leu ba, hi dima miteu je bijingwes ngun kan bi.

MAZMUR 9:17

tuhan ndo Nonti tug hon nikos tutti di sren-srau nya. Yo di isibut nya ibiam bon tug hon yonti ide nibon munti.

NIPINGOK NINGONTI 10:28

No di ningon sren ba ningon ya memti biyai ningon di nggei-hi-nggei di tuhan preu ei mem noni. Bit bon no di sibut ba ningon ya memti biyai mun nyeng hi kan bi.

NIPINGOK NINGONTI 11:7

Tirigi yo di isibut nya imai ne ide mun di igyok ingon mem nya cem mai bit yok.

NIPINGOK NINGONTI 12:7

No di sibut micut bisar leu ba, hi mintun him noni bi sren. Noro no di ningon kwes kei miya ngkiem bijo kikau ug bipek nide nintun him yamti di bram yam nya.

YESAYA 33:14

Mben Sion di ibon sisar nya inghuisi mpig sut ba, ittin bibor. Ipai “Allah nikos tutti nya noyam kin hum di cig-cai bijo ninno bijo kikau. Bit bon ingwes ngun leu hum di cig-cai nok gima kan bi.”

YESAYA 51:13

Mei, jibbwe ser jide tuhan di pai tes je di ba niban bijun mpia ei mpia-bbed him kin gi prion dihyeisi dini nikiou cem tu e? Nggon rino jidigit tut yo di ico kep tungwatu ide nigga biborti di itin ei mem gima icok tut tungwatu mem njap jei i? Ningat ne ide nigga biborti dima mingget je bi.

NIBWOS-BWOS NYENTI 3:18

Niyaijo mem nijam di jeisi hi jo bida bu bi ba, ditde niyok ningon mem tuhanti cut leu da tu o!

MATIUS 24:51

Leu api niceu mikos noni kukiau leu api micom noni ug ei mpia di yo di ingon can ingat rin eisi. Apino noni mipim bitug ndei ninghuisi wei ei mpia dima.”

NINDAT KEP TUHAN NICUKTI NYA 6:12

ma jingon sok kep jenti leu binhyepo jingon prion ser tuhan po teu je bijingwes ngun leu mben Mesir di yuubon je nok awak pima au.

NINDAT KEP TUHAN NICUKTI NYA 8:11

“Ma jingon sok kep jenti ser nhyema jingon prion ser tuhan di nok jide Allah au. Ma jingon nghen leu gima jibit nicuk jeti nya di ditri tut bije njap di ammani au.

NINDAT KEP TUHAN NICUKTI NYA 8:14

ma jingon sok kep jenti ser nhyema jingon jei ba, jibbwe ser tuhan di nok jide Allah au. Lewo Noni teu je bijingwes ngun leu gi jiwer awak ei minu Mesir tu.

NINDAT KEP TUHAN NICUKTI NYA 8:19

Ma jingon prion ser tuhan di nok jide Allah ba, jikuk je bak nung nya bijibon jenti nok awak mem nung nya cem au. Disok kep je njap di ammani bipia gino jiyai nok gima lene tuhan mikes hukum ei je dip bijimai bijingwig.