AYUB 7:6 - ALLAH NIHYET MEM TUNGWATU NYA

⁶ Diyaijoti ne mikui-kausi rin bimbut sindem ndam ningwig honti. Nimbut sindemti dima dor tunggwei mong naham di tukan minghas bindei mbut bibien minghas a.

AYUB 7:6 ပူးပေါင်းရင်းမြစ်များ

AYUB 13:15

Dingon cut leu su! Nna ug! Gino Allah kos tut mem gima yai nimai bida lene dikes danti ei nindati. Mbro nok gima lo, midimbrap gau dibon munti nya ei Noho bei.

AYUB 14:19

Minyei di biam sindem micit tig bingwig ba, biget di mbras sindem mibiam tut dihyei. Nok gima cem abindei ba, mun di tungwatu nya igyok ingon mem nya timek bingwig.

AYUB 16:22

Ditde njap nikenti di jo yo mang bu bi su. Jei bi lene duug krau nohon keti bidingkwei hanyen bi sren.

AYUB 17:1

Diyaijo ningwig honti dideu su. Jei bi ne dinnei kimbas. Jui ngwak rijo mem da tu.

AYUB 17:11

Ditde njap nya njiriek bipror leu da tu ba, dingon kanti di ditin ei su nya hagom cut bitimek tu. Mimun di dipwoi ei dingonti nya cem hagom pren hanyen leu da tu.

AYUB 17:15

Diyok dingon mem mindei ngan i? Tou ringat nijam ningon nggei-hi-nggeisi di jo mem da ei nidipti i?

AYUB 17:16

Tirigi dijuk ug ei minu nimai nya ide lene ditde niba dingon comti mibit da ug ei mpia dima.”

AYUB 19:10

Noni bui kikep da ei dite hi ei dite hi. Noni hom mun di diyok dingon mem nya hagom dem kep nok no di hom njita kioi tut nigau nya bikes ei ba, jei bi ne mui ri.

AYUB 6:11

Dani dingat rin tug hon nisindemti mindei i? Diba dingon com mindei di bindei dino diyaijo jei bu i?

AYUB 9:25

Ditde njap nya dor sindem bitunggwei da lene bisar ba, mun di kei hi pek kep mem da bi.

MAZMUR 102:11

Lewo aba Ade niggati di cig-cai bikat da ba, acom da.

MAZMUR 144:4

No dima dem kep ninnei di tau nuhwap nsi kin ningwes di kigyei he.

NIPINGOK NINGONTI 14:32

Yo di isibut igyai munti di kinei nya bindei ba, isar noro yo di ingon kwes kei nya igwam coi ide ningon srenti.

YEREMIA 2:25

Je di mben Israel e, ma juhuk bram kwar nya ba, jahara yok au. Leu mbigom ne jimig bok ba, jinnei di sor mibindei ba, jikibou dut. Noro jibuhup ‘E bi! Bit bon nikes kwar nya ei kan bi. Ningat ningwes ei yokti ba, niba noho rok yok kikau.’ ”

EFESUS 2:12

Mpe dima lene jinok gom kin Kristus bi. Jeni ne ngkiai nya di inggre kin Allah de limwa nya bi ri. Jipriet kin gi preu di Allah ba neheng bipreu ei mem Nide limwa nya cem bi. Leu gi po jiyaijo ei dihyeisi dini lo, jingon cut leu mun di jiyok jingon mem bijiba jingon srip huk tut Allah bi.

YAKOBUS 1:11

Mpe dino mpia pri ba, wam bibor leu api mitou millet bimui hak leu lene hi mingat nisieng bu bi. Nok gima cem tut no di nyeng. Noni misar tirigi ninda jo kep nide midyai nya.

YAKOBUS 4:14

Mei! Jikan tut mun di mipek kep mem je hak ei njap di hyep bi! Jiyaisi dem kep nok hum bre di ingat jei bi lene pren hanyen.

PETRUS GI NIGOM 1:13

Gima rino ma jitin ei jibou ngwakti mem mun di mipek kep mem je nya hagom. Ma jiyai ngkiem cem leu api jiyok jingon mem mun di kei di Allah miyai bije ei mpe dino Yesus Kristus ttau hanyen kwei.

PETRUS GI NIGOM 1:24

Bit leu nok gi ipas ei Allah nihyetti “Tungwatu dihyeisi dini hagom inok mintu-minta ba, inyeng di jei nya noyam kin mitou. Mintu-minta mui hak ba, mitou cem millet.