AYUB 7:21 - ALLAH NIHYET MEM TUNGWATU NYA

²¹ Bit bon akos ser ditde sisar bi sren e? Dem tut gima adip tut ditde sisar bi sren e? Jei bi ne midiprion dingut ei jui nsi apino mporo anggok da lo, angat dingat bu bi sren.”

AYUB 7:21 ပူးပေါင်းရင်းမြစ်များ

SAMUEL GI NICAN 24:10

Noro tirigi Daud bindei ba, Yoab nya ipas kep limwa dima imangti leu su rino ningon huk niti bikan lo, bon mun tunggwei sut tu. Leu api hara bak tuhan bipai “tuhan e, dibon sisar nindig bibor tu! Nnaba akos ser ditde sisar lewo diyai munti dima bindo tut dingon di mbum bibor.”

AYUB 10:14

Amian huk da leu binhyepo angat ditde nitunggweisi nya leu binhyepo akou sut gima akos ser ditde sisar.

AYUB 10:9

Ma ayok ngon kep bipia aba dihyei igtuyap bipai tes da. Abindei da bidingkwei ba, dinok dihyei ndung hanyen e?

AYUB 13:19

tuhan e, gino akwei pai kep da lene midigwam nyahan bidibet dingon mem diyaijo ningwig honti.

AYUB 14:10

Noro gino tungwatu mai su lene mai bihigom. Noni kes dihyeisi dini ei lene ug ei siritou bu i?

AYUB 17:14

Midijem dijui ‘Nani ne dicig ri.’ Midijem njingwoi di ipio dingut nya ‘Jeni ne dipmem kin dikwohop bat nya ri.’

AYUB 20:8

Noni mipror dem kep nok nimumpriem ningwes he bipren hanyen noyam kin ningat-hi-ngat di ingat mem mmun.

AYUB 27:19

No dima nok no di nyeng di ug bong nyahan bihigom noro mikiju hanyen bi sren. Noni da niyai bingat lo, ndigban di nyeng tut nya hagom sar bingwig leu no tu.

AYUB 3:13

Gino dimai hak mem njap pima lene njap di ammani dibong kep dinghuisi ei jui dip,

AYUB 33:9

Apai ‘Dingonti pwoi ba, dibon nitunggweisi cem hi bi. Mun di kinei rap da bidibon mun tunggwei cem bi.

AYUB 7:8

Angat da mem nijam dini noro jei bi ne disar ug ri. Gino anggok ser da lene mporo angat da bou ayai him bu bi sren.

AYUB 8:1

Leu api Bildad buhup Ayub nihyet bipai “Apig bu api akes ahyet tut gi ambrap nok gima i? Ambrapti dima yok dem kep hou di bong biei mengti di nibimbi bong he.

MAZMUR 103:15

Tungwatu nya ide njap jei bi binoyam kin mintu-minta susti di hei-hei gwai leu api nitou kieng.

MAZMUR 37:36

Noro njap poi ser lene dimbut ug ei mpia dima bidingat lo, dingat ningat bi ba, dinggok ser noni noro digingat bi.

NIBA NINGON SRIP HUKTI 12:7

Nye di tungwatu ingut ngkwei hanyen binok dihyei ndung ei dihyei jou bit nimbie him leu api innei ngkwei hanyen ndam Allah di hi ninnei ei insi a.

YESAYA 26:19

Ade limwa di imai su nya migyai niyaijo hanyen ba, ingut di mai su nya mikiju hanyen. Yo di nitig yok tu nya mikiju hanyen bimbos-hi-mbos. Awin Ade limwa di imai mimbrek ngan tu nya ba, ayai niyaijo hanyen biyok noyam kin nggou di kwek dihyei ninghuisi.

YESAYA 64:9

Gima rino ma angon sibui sut nye nindig bibor ba, ayok ngon kep nyende sisar kikau au. Noro ma ayok ngon kep bipia nyeni ne Ade limwa nya ri.

DANIEL 12:2

Imang bibor di imai nipou su nya igyai niyaijo hanyen bu ba, bihi itug ndei niyaijo kikau lo, hiter bu itug ndei nimmai sut yonti bijo ninno bijo kikau.

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

YOHANES GI NIGOM 1:9

Gino ipai jit ide sisar bak Allah lene Noni miyai igbit nipreu ei mem nyeti. Noni ba ningon sren biyai nikos ser ide sisarti kin nipiap nye leu igyai munti di suwok nya hagom.

YOHANES GI NIGOM 3:5

Jingon dorti tut bipia Kristus kwei ei dihyeisi dini leu binhyepo ciu ser tungwatu nya ide sisar di ibon nya lo, sisar ninyeng hi jo ei Noniti bi sren.