AYUB 7:16 - ALLAH NIHYET MEM TUNGWATU NYA

¹⁶ Dinghuisi jet ba, dingon kou diyaijoti dini bidingon llei ndam dimaisi hak ug. Ma asindui sut ba, digwam bidangkom lewo diyaijoti dini bon ninyeng mem da bu bi.

AYUB 7:16 ပူးပေါင်းရင်းမြစ်များ

NITRITI 27:46

Lene Ribka lua sok bak Ishak bipai “Dingon kou sut ningat Esau nitnem bat sop ngkiai dima yok ba, dikou ser yok tu. Gino Yakub cem ug wak sop timiei minu Het gom lene nna ba dimai hak ug!”

NIBOU NDIG NYA GI NIGOM 19:4

leu api mbut nimig kikau mem njap nitindur gom ug ei iggum ndigsi. Noni kuk no bigwam ei biei ndig behei gom leu api joi sut um nimai hak ug ba, ngat nadi bipai “tuhan e, cobi! Ayai dinnei leu da hak ug lewo diyai munti nya kei bibor dor njiriek didigup bat-didigai bat nya igyai munti nya bi.”

AYUB 10:1

Dingon kou sut diyaijoti ba, diyaijoti dini biyai ningon him wei bida cem. Gima rino midilua sok bak Allah drek dip dingon mpo-mpamti.

AYUB 10:20

Nnaba jei bi lene midimai ug ri. Gima rino ma asindui sut dangkom ngat ba, dingat dingwes ei ditde nijam niken dino jo yo dini.

AYUB 14:6

Asindui sut ba, noni bong kep ninghuisi hak ug. Ma abindin noni au. Leu binhyepo bong kei bigwam kei kikau bibou nide midyai nya ngwig ug e.

AYUB 6:9

Dikan bipia nna ba Allah co kep da bidinem-nnai ug. Nnaba yai nibou tut da biyai nimai bida ug!

AYUB 7:15

bibou dillei sut gima hi om ku dikimam bidimai hak ug e leu gima diyaijo ei dingut di mpung tut ningut wei biborti dini.

AYUB 7:7

Allah e, ma ayok ngon kep bipia diyaijoti noyam kin ninnei di ihi ei ihwap nsi he. Dingon nggei-hi-nggeisi pror leu da bibon niceti di mijo bi sren.

AYUB 9:21

Dibon mun tunggwei hi bi noro nna ba dingon cut leu su. Dikou sut ditde niyaijoti. Mun di micut igkep da bon ninyeng mem da bu bi. No di bon mun tunggwei kin no di bon mun igbit yahacem ide mun di yuum ei igyaijo ningwig honti noyam. Allah mibindei sar yahacem.

MAZMUR 144:4

No dima dem kep ninnei di tau nuhwap nsi kin ningwes di kigyei he.

MAZMUR 39:10

Digwam nyahan bidimmou kei ba, dahap diji bi lewo Nani rino attem da.

MAZMUR 39:13

tuhan e, amiap kep ditde nadi di dingat bak Nani. Angig atingou mem nadi di dahara bak Nani. Gino dipim lene ma agwam hak ba, ammou he au. Digwam bit Na mem nituti poi noyam kin didigup bat-didigai bat nya.

MAZMUR 39:6

Ayo! Akos tut bipia ditde njap cun bibor. Ditde njap nijeisi bon ninyeng ei ayai him bi. Ningat ne tungwatu nya idem kep ninnei di tau nuhwap nsi he.

MAZMUR 62:9

Ditde limwa jen e, ma jiba jingon com Allah bikwop mmun-njap hagom. Ma jipai jit mun di jo jingon bei hagom brei biNoni. Lewo Noni ne mpia di igya coi dima ingwes ngun ri.

MAZMUR 78:33

Gima rino Allah bindei ba, igyaijo ngwig hon kros dem kep no di hi ninnei mbigom ngat he ba, ide njap ngwig ei nijam nidigitti.

MAZMUR 78:39

Noni kan kep bipia yoni ne mun di ninnei tau nuhwap nsi di niyaijo kikau bi ri. Ba, idem kep hou di ug bihigom bingkwei hanyen bi sren.

NIBA NINGON SRIP HUKTI 2:17

Gima rino diyaijoti bon nisinati bi. Diba nitok bak niyaijoti lewo bit bon dingon dorti tut kan bi. Gima dem kep nok niyon igkep hou nimig.

YEREMIA 8:3

Apino mben di ibon munti kinei dini di ingwes ngun bigyaisi jo yo nya di dibindei bintek gimahap ug ei tirima-tirima mingon bisau ndam ide njap ningwig honti hak leu gima igyaijo a. Da di tuhan Di Disindem Bibor disimbot dat tu.”

YUNUS 4:3

tuhan e, ayai dinnei hanyen leu da nogindini lene nna ba dimai hak ug lewo dingon bisau ndam gima dimai leu gima diyaisi jo a.”

YUNUS 4:8

Niabiati mpia pri tu lene Allah kes hou di dut bibor kwei leu nite bei mpia nipriti bikui Yunusti. Mpia cem wam noni lene mpia dima bindei ba, nibou ngwak sibui sut lene ninghuisi bimbriong tut. Apino noni hara “Dingon bisau ndam dimaisi dor njiriek diyaijoti.”