AYUB 7:15 - ALLAH NIHYET MEM TUNGWATU NYA

¹⁵ bibou dillei sut gima hi om ku dikimam bidimai hak ug e leu gima diyaijo ei dingut di mpung tut ningut wei biborti dini.

AYUB 7:15 ပူးပေါင်းရင်းမြစ်များ

SAMUEL GI NICAN 17:23

Tirigi jo nibreisi mem Ahitofel bipia Absalom bit nipingok noti pima bi lene noni tin ei nide keledai bibri bingkwei hanyen ug ei nitimieisi. Noni nyohou dimig nide mun di nyeng tut nya hagom biput tu lene ba kuk bisrou nonti nikimam bimai. Lene itig simiak nide bat nya ijui nya.

AYUB 3:21

Imem kep ser imaisi noro imaisi hatap yok bi sren. Ijoi sut jui nsi nindig dor njiriek ndigban di inyeng tut nya.

AYUB 3:22

Ingon nggei-hi-nggei bi bibou innei kimbas bibong ei jui nsi ug e.

AYUB 7:14

aba mumpriem di biyai nittinti bihwen da bibindei ba, ningat-hi-ngat di kinei kin gi bindei bidingon nde cem pijuk dingon,

AYUB 7:16

Dinghuisi jet ba, dingon kou diyaijoti dini bidingon llei ndam dimaisi hak ug. Ma asindui sut ba, digwam bidangkom lewo diyaijoti dini bon ninyeng mem da bu bi.

AYUB 9:21

Dibon mun tunggwei hi bi noro nna ba dingon cut leu su. Dikou sut ditde niyaijoti. Mun di micut igkep da bon ninyeng mem da bu bi. No di bon mun tunggwei kin no di bon mun igbit yahacem ide mun di yuum ei igyaijo ningwig honti noyam. Allah mibindei sar yahacem.

NIBA NINGON SRIP HUKTI 2:17

Gima rino diyaijoti bon nisinati bi. Diba nitok bak niyaijoti lewo bit bon dingon dorti tut kan bi. Gima dem kep nok niyon igkep hou nimig.

YEREMIA 8:3

Apino mben di ibon munti kinei dini di ingwes ngun bigyaisi jo yo nya di dibindei bintek gimahap ug ei tirima-tirima mingon bisau ndam ide njap ningwig honti hak leu gima igyaijo a. Da di tuhan Di Disindem Bibor disimbot dat tu.”

YUNUS 4:3

tuhan e, ayai dinnei hanyen leu da nogindini lene nna ba dimai hak ug lewo dingon bisau ndam gima dimai leu gima diyaisi jo a.”

YUNUS 4:8

Niabiati mpia pri tu lene Allah kes hou di dut bibor kwei leu nite bei mpia nipriti bikui Yunusti. Mpia cem wam noni lene mpia dima bindei ba, nibou ngwak sibui sut lene ninghuisi bimbriong tut. Apino noni hara “Dingon bisau ndam dimaisi dor njiriek diyaijoti.”

MATIUS 27:5

Yudas com mitiei pima bigimahap ei Tuhan De Ig leu api ug leu lene ba kuk bisrou nikimam bimai.

NINGAT-HI-NGAT NYA 9:6

Yo dima inggok puig mem gima imai ei ninsi bed muhwi dima noro bit bon yuum pui nimai bi. Inggok tut mem mmun-njap noro nimai jo minu ting leu yok.