AYUB 6:27 - ALLAH NIHYET MEM TUNGWATU NYA

²⁷ Gima he bi noro ako ba, abinggok tut mun di mipek kep mem munggwom moibihi. Noro aris mun leu asut ningat leu binhyepo abindei ba, anyeng bibor!

AYUB 6:27 ပူးပေါင်းရင်းမြစ်များ

AYUB 22:9

Agingondut kibom nya bi ba, aco kep moibihi nya cem.

AYUB 24:3

Yo dima imbrai keledai di moibihi nya ide binang tut. Lene ipos sapi di kibom nya ide mem gima ibiti ide ningwam bibou irop ningwam hanyen biyok ug e.

AYUB 24:9

Yo di isibut nya yuubon munggwom di ibon ipmem-icig bi bikat yok nok awak nya lene ibiyai nuhui mbum nya di ibon ningwam bak imunggwom cem bima leu.

AYUB 29:12

Lewo dimpu kep nuhui mbum nya tirigi itindei dindati tut munkwas bidimpu kep moibihi nya di bihi ingondut yok bi cem.

AYUB 31:17

Tirigi diyem njita nok gi dem ne disindui sut moibihi nya ba, ninggum hwen yok bi sren.

AYUB 31:21

Gino diyok dingon gom tut moibihi leu binhyepo noni micut ei nikei noho bei lewo dikan tut bipia nibou nya itti kin da lene,

MAZMUR 57:6

Allah e, ando Ade nisindem biborti brei ei mpia-bbed him a. Ando Ade nikei-kau-keisi bidem dihyei nisurti-nipekti.

MAZMUR 7:15

Angat i! yo di isibut nya itin ei ingon kanti di kinei nya. Ikos tut gima ibon mun di mbuk ba, iris mun cem.

MAZMUR 82:3

Ma jimbrap gau moibihi kin yo di inghuisi jet nya bijiba jingon gom bikos tut mun di igbit bak yo di yuhui mbum nya kin yo di yuum niweisi nya.

NEHEI LEUSI 22:21

Ma jimbuk tut ngkiai nya di ibong srig jikieti ba, jingon koi kep yok au. Ma jiyok ngon kep bipia jeni cem jinok ngkiai nya ei minu Mesir nipou su.

YEREMIA 18:20

Niba gi kinei birop niyai munti di kei ne igbit rin e? Noro yo dima itig ndep jui ser da ba, imem kep ser nituti tirigi dicut eisi. Ma akan kep mpe di dimbrap bit Na bidiya hacan mem yok ser nhyema Ade ningon sibui bibor tut yokti micut leu yok.

YEREMIA 18:22

Ma acuk yo di imbuk nya kros bingwig ei yo dima ide biyati mem gima ipos mun nyeng hagom bingwig leu yok bibindei ba, yahara drek dip ide ningon ttin biborti. Yo dima itig jui bimem kep ser nituti tirigi dicut eisi bindin bon ser da.

YEHEZKIEL 22:7

Ade timiei nya hi di kuk no bibit nide ndigpoi nihyet bi sren. Aris mun bak ngkiai nya lene agingondut kibom nya kin moibihi nya di icut ei mun di buhun tak yokti cem bi.

YOEL 3:3

Iko bibinggok tut yo di ikat yok nya leu binhyepo ikwas yok tut yam bit leu nok gi iko tut pima. Itri munggwom pinai nya kin munggwom sop nya di ikat yok nok awak bibipek mitiei mem gima ibigo gau sop di ibou sibui nya kin ba anggur ngei.

NAHUM 3:10

Mbro nok gima lo, siceu nya ikat timiei minu ndig pmem Tebe bibindei ba, isima ei ingkiaisi. Ibui nimunggwom bat nya bimai bidem simpak nahau yamti hagom. Iba lante biteu nibou di inyeng jei nya yahagom ba, iko bibinggok tut leu api ikwas yo dima tut yam biyuubon yok nok awak.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

YAKOBUS 1:27

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.