AYUB 5:7 - ALLAH NIHYET MEM TUNGWATU NYA

⁷ Igbit ri! Tungwatu nya ibindei ba, mun di buhun cut igkep yonti dem kep nok hum bom di jek nyen nya.

AYUB 5:7 ပူးပေါင်းရင်းမြစ်များ

AYUB 14:1

Nyeni inghuisi mbriong ba, isindem bi mpe di po isrek kikau kwei bipek ammani kep. Mun di buhun bibor tak kep nye mem nijam di igyaijo cun bibor.

AYUB 7:1

Tungwatu nya igyaijoti dem kep nok no di ikus nok pien mem gima ibikon pran. Igyaijoti buhun noyam kin no di nahanggwap mbilen kep midyai di buhun niyaijoti.

MAZMUR 90:10

Nyeni niyaijo nijeisi dem ari bingwam ningot muhwindacan he. Ne gino niyai nisindemti ne nijeisi dem ari bingwam ningot muhwindaningai. Noro ningon buhunti kin ningon nggukti cut igkep nye mem nijam di nibong ei dihyeisi dini apino nyeni niyaijo ngwig hon leu api nipror hak ug.

NIBA NINGON SRIP HUKTI 1:8

Mun nyeng hagom nos nye ba, bit bon ibohom ndat ninos nyenti dima kan bi. Iput-put nyen lo, igyai ha ut tut mun di ingat dima bi sren. Itingou cut hon mun di imiap tut nya bi sren.

NIBA NINGON SRIP HUKTI 2:22

Tungwatu dihyeisi dini igyai kep midyai di buhun ba, nggruk bijo kikau. Noro ningat di itug ndei di ibikon inyeng rigitou i?

NIBA NINGON SRIP HUKTI 2:23

Mun di inda jo kep di igyai ei nijam di igyaijo ei dihyei ninjek dip dini biyai inghuisi di wei kin ingon di sibui biyok he. Ingon digit tut bikwop mmun. Bit bon ingon dorti tut kan bi.

YEREMIA 20:18

Nggon rino dipmem srek tut da i? Srek tut da leu binhyepo dinghuisi wei bidingon buhun bibor e? Leu binhyepo dimmai sut danti mem nijam di diduhug-duhug nyen e?

KORINTUS GI NIGOM 10:13

Mun nyeng hagom di bingon kep jingonti dima bingon kikep tungwatu nindigsi nya cem ingonti bikwop njap ngwa hagom. Noro bit bon Allah ngkwei hanyen leu Nide nipreu ei mem nyeti kan bi. Noni misindui sut Bilis bingon kikep jingonti dor njiriek leu jide nisindemti bi. Tirigi Bilis bingon je lene Allah mitin puig mem je leu binhyepo jingwes ngun tug hon nisindemti di Noni yai bije.