AYUB 5:22 - ALLAH NIHYET MEM TUNGWATU NYA

²² Gino tungwatu nya imbuk tut yam ba, ninggum hwen yok cem lene mporo angon mijo nyahan ba, apa ndip yok hak ug. Gino mindhe di niten-pos nya ittau kep na lene mporo attin tut yok bi.

AYUB 5:22 ပူးပေါင်းရင်းမြစ်များ

NIBOU NDIG NYA GI NICAN 19:21

Bisimbot dat “Na di Sanherib e, timiei minu ndig Yerusalem ipa ndip nani ba, iba na bikek.

AYUB 8:21

Noni mibindei ahui tiei ba, apa-pa nyen. Noni mibindei ba, ambos-hi-mbos hanyen cem.

MAZMUR 91:13

Mporo asu amig gau mindhe singa kin wou nya. Ningat ne aco kep singa di niten-pos nya kin wou piet nya.

MAZMUR 91:6

kin nsuwer ajar di hwen tungwatu nya mem nidinditi kin yo di isibut nya di ihwen kikep tungwatu nya mem mpia nicomti bu bi.

YESAYA 35:9

Singa kin mindhe di niten-pos nya milus-lus nyen ei mpia dima bi. Noro yo di igyai gi teu leu sisar kin niyaijo nijep leu tuhan mimbut kak puig dima.

YESAYA 65:25

Nsien mbrei di niten-pos nya mitai njita bit domba mien nya. Singa nya mitai njita noyam kin sapi nya lene wou nya yaham tungwatu bu bi. Mun di mbuk kin nirom ndokti mijo ei Ditde nungug di kwes-kwau dima nisurti-nipekti bu bi.”

YEHEZKIEL 34:25

Midipreu ei mem yok bipia ibong kei igwam kei. Dijji mindhe-ndhe di niten-pos nya bingwig leu ide dihyei nisurti-nipekti leu binhyepo Ditde domba nya iba ingon di jo nyahan biya-ya nyen ei abris nghousi bibong kep inghuisi ei bahamti cem.

HOSEA 2:18

Mpe dima lene midipai tes mindhe-ndhe kin ha nya di bit bon tungwatu nya ipijuk kan bi nya leu binhyepo iwaisi Ditde mben bu bi. Ba, midipos minggwen pran nya hagom bingwig leu Ditde limwa nya leu binhyepo ikon pran ei ide minu dima bit yam bu bi. Leu api yahagom ingon mijo nyahan ba, ibong kei igwam kei.